السلام عليكم ورحمة الله وبركاتة ...
الصدقه ليست بالفلوس فقط
حابه اتكلم معاكم اليوم عن هالموضوع ( الصدقة ) كثير منا على بالهم ان الصدقة ماتكون الا بدفع مبااااالغ من المال بس
وكثير منا بعد يعرفون ان هذا شي مو صحيح
ويعرفون ان في اشياء كثيرة تعتبر صدقه لهم غير الفلوس
بس ماتحضرهم افكار او مايعرفون ما هي هالاشياء
اللي ممكن تعتبر لهم فيها صدقه
وبعضنا ماعنده راتب شهري او غير موظف ومايقدر يطلع مبلغ صدقه
علشان كده حبيت اسوي هالموضوع
واطرح فيه افكار للصدقات الكل يقدريستفيد منها
والحين بنبدأ بالأفكار
1-اذا عندك اي شي زايد بالبيت ومو محتاجته
(ملابس-كتب-الكترونيات-العاب-مواعين-شنط-وغيرها )
على طوووووووول اتصلي بالجمعيات الخيريه
2-اذا كان عندج حساب وعندج بطاقة بنك تقدرين تتبرعين الكترونيا
وانتي قاااااااااعده ببيتك بدون اي تعب وعناء
ولاااااااا تختارين المشروع اللي تبينه
من كفالة يتيم وغيره وغيره ومن شركات مضمونه
.
3-اذا كنت بعرس او حفله او مناسبه وزاد عندكم الاكل
دقي ع اللجان الخيريه
او نصحي اهل العرس وقوليلهم انا اعرف رقم اللجان
اللي يجوا على طول
وياخذونه ويوزعونه عالمساكين والاسر المتعففه
ولك ولهم الاجر ان شاء الله
4- صفي النيه واقتنعي ان مافي احد يمد ايده امام الناس وهو مو محتاج ..
فاذا طلعت السوق وشفت امراه تطلبك عطيها
لو ربع دينار لو خرده زايده عندك
لان الصدقه مو بالمبلغ بل بالنيه والاعمال بالنيات
يعني حتى لو كانت اهيا كذابه
يكون عملك وصل لربك لانك عملت بنيتك ونويتيها صدقة
5- الكلمة الطيبه يا اختي صدقه قولي
(شكرا-عفوا-جزاك الله خير-حياك الله-حبيبتي.....)
كل هالتعامل الطيب يكون لج صدقه
6-الابتسامة في وجه الناس صدقه فحاولي اذا لاقيتي الناس
تكونين بشوشه علشان الناس تحبك وتذكرك بالخير
7-الباقيات الصالحات المذكورات في القران الكريم
كل واحده منهم صدقه
فاكثري قولها وهم ( سبحان الله - الحمدلله -
لا اله الا الله - الله اكبر )
8-شغلك ببيتك وتربية عيالك تربيه صالحه
ونصحهم بعمل الخير والصلاة والصيام
وابعادهم عن المعاصي وتدبر امور بيتك وزوجك تعتبر صدقه..
مانقول خلي شغلك واقعدي بالبيت
لكن حاولي اذا رجعت تستغلين وقتك مع اعيالك بشي مفيد
9- الصبح لما تطلعين دوامك او تقعدين الضحى تفطري
افتحي باب الشارع وشوفي عمال النظافه
اللي احنا بدونهم جان امراض الدنيا فينا ينظفون بهاالبرد
ويصحوا من الفجر.
.لاتقولين نصابين ومافيهم صدقه.
.صفوا النيه خواتي وانت اذا اعطيت شي تعطينه لربك وليس لخلقه..
اعطيهم من اكلك خبزه والا تمره ولا حليب دافي ولا عصير
فكل ريق تبلينه لك فيه صدقه
10-اذا طلعت للسوق حطي بشنطتك حلويات ومصاص وككاو
واذا لقيت الحريم اللي يطلبونك بالشارع ومعاهم اطفال
عطيهم من هالحلويات
شووووووووووفي شلون تونسينهم شي مو طبيعي
11-اذا رحتي دوامك الصبح مري اي مطعم هندي
واخذي فطاير فلافل ب 100 فلس
ووزعيها ع الخدم والفراشات هناك
وقولي عساها دفعة بلاء عني وعن اهلي
12-حطي لعيالك بالبيت حصالة وقوليلهم
هذي بنخصصهااااا للصدقه ياعيالي
علشان الله يدفع عننا البلاء
وعلميهم بهالطريقه فضل الصدقه وقوليلهم
اي خرده زايده من المطعم او شي بنحطها هنا
وروحي انت واياهم وحطيها بصندوق الصدقات
التعليم في الصغر كالنقش ع الحجر
هذه افكار بسيطه اخواتي
طبعا هذا غير عن الاشياء اللي تحتاج مبالغ كبيره
ونعرفها مثل حفر الابار وبرادات المياه
العرض العادي
