إبكي دموع الشوق من زود بلواي =واِبكيه لين الدمع يملا دروبي
وزيدي هميله وارسمي فيه شكواي =وقولي لروح الروح وينه عيوبي
انا حلفت بمن خلقني بدنياي =ماني من اللي بالمشاعر لعوبي
انا اذا قيل العهد قلت مبداي =وانا اذا قيل الوفا قلت ثوبي
ماخون ودروب الوفا صارت اخطاي =والصدق نبراسي ولاني كذوبي
ذا ظاهري واللي يصوّر لمرباي =واعرف ترى ماني لظنّك خيوبي
احفظ لعهدٍ قد كتبته بيمناي =والسّدّ خافي ماله احدٍ يهوبي
الكبد ضمْيا وانت يابارد الماي =وانا هيامي شرق ماهو غروبي
العرض الشجري
