[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
كــــل(خــــيــــاااانـــــه)ك
خاينه كلك خيانه كـل حاجـه بـك تخـون
خاينه مالك مبرر بعـد مـا شفتـك بعينـي
لازم تخوني محبـك لـو بنظـرات العيـون
لو تسوي شي تافـه المهـم مـا تحفظينـي
كنتي تخوني وانا المسكين اصون الحب صون
كنت احسبك لو اموت بكل لحظـه تذكرينـي
شوفي دموعي بخـدي ساكبـات ٍ كالمـزون
ماهي بتبكي فراقك تبكي ما ضـاع بسنينـي
غبتي شهور وليالي شوقي وصلني الجنـون
يوم غبت ايام عنك خنتـي الحـب وحنينـي
في غيابي شلت همك قلت حالك وش يكـون
احسبك مثلي بغيابك والله ان مـا تفارقينـي
شغلتي ما غير اهوجس كيف حالتها الفتـون
نامت او قامت افكر واصفق اليسرى بيمينـي
واثر ما همك غيابي حتى ما حـرك سكـون
غيري يعوض غيابي لو تجي وما تحصلينـي
قلبك الفندق وانا اللي كنت لك مثـل الزبـون
لا انتهى عقدي وجالك شخص غيري تبعديني
كنتي تقولي شبـاب الوقـت هـذا يلعبـون
فعلاً كبرتي بعينـي احسبـك مـا تخدعينـي
احسبك رمز المحبه ميـر خانتنـي الظنـون
قمتي بـدور الحبيبـه لجـل فيـك تولعينـي
يوم عشقي صار فايق مستوى اللي يعشقـون
جيتي بسيـف الخيانـه يالعذولـه تطعنينـي
ما رحمتيني تبينـي اقضـي العمـر مغبـون
اثرك عشقتي قصيدي واحسب انك تعشقينـي
ما أحسبت الغدر والأخلاص عندك يستـوون
ما مليت القلب ويا العين قولـي مـا تبينـي
قولي طاب الخاطر ابعد يمكن البلوى تهـون
بعدها مهمـا فعلتـي مـا أظنـك تظلمينـي
وشبها سالت دموعك ليه غرقتـي الجفـون
وفري دمعك لغيري امـا انـا مـا تلزمينـي
كنتي اول لا بكيتـي يمتلـي قلبـي شجـون
كنتـي اول يـوم تبكـي بالمدامـع تقتلينـي
اليوم لو تبكيـن دم حتـى يـوم اليبعثـون
ماني راجع لو دموعك تنطق اسمي ترتجينـي
كانها دموع الندامه سـددي بعـض الديـون
اجرعي مر الخيانـه وانـا بسقيـك بيدينـي
وكانها تمثيل ماهي تشفـي بقلبـي طعـون
وفريها لشخص ثانـي قلتلـك مـا تلزمينـي
وســــلامـــــتـــــكـــــم
[/poet]
العرض الشجري
