السلام عليكم ورحمة الله وبركاته!
كيف الشباب والصبايا والعجز والعوانس ودار اليتيم والمسكين وابن السبيل << مسك خط :D
كالعاده العنوان فله ومدري وش يبي بس بدون مقدمات كالعاده...!
""""""""""""""""""""""""
ذااات ليله من الليالي الكئيبه ... كنت امارس مهنتي الجميله والتي كنت اشتاق اليها كل ماابعدت عنها ... الا وهي السواليف مع نفسي داخل الحمام (وانتم بكرامه ) عاااد انا على ذا الحاله من يووم انا بزر... حتى مرره امي صحت الفجر جت غرفتي ولا شافتني !! ... خافت علي وراحت تدورني يسااار يمين فووق تحت وين هالبزر وش يطلعه اخر الليل .... وهي جالسه تدور علي راحت تغسل يدينها لانها الظاهر يوم جت غرفتي وتدور علي شالت اللحاف وكان كله سعابيل خخخخخخخ .... المراااد انها راحت دورة المياه وامدااها فتحت اللمبات الا شافتني جالس منسدح احل الواجب ... امي : ياغبي من زوود امتيازك ماسكه تذاكر في الحمام ماودك تضيع وقت ولا ماسك الكتاب مقلوووب خخخخ..... المررراد ان اهلي والمشايخ وعلماء الحاره والامه الاسلامييه ماقدروو يغيرو فيني هالصفه الزينه :D ....
بــــن لاااادن
المررراااد اني في احد الليالي الرومنسيه وانا امارس عادتي القديمه اللي رجعتها حليمه <<<يادلخ ياتقوول المثل صح ولا كل الفقه !!... كنت ماسك مجلة فووواصل ومنسدح على الارض في الحمام طبعا !... فتحت صفحة الشعر << احلف فواصل وفتحت قسم شعر !! خخخخ ... المهم لقيت بيت اعجبني اللي هو : ياهلا والله بحبيبي اللي ماتحمل بعاده "" كل هالغيبه تغلي ولا انا شوفي بزياااده ... عاااد انا عجبني هالبيت وقمت اردده لحالي بصووت عااالي ... فجأه سمعت صووت !! ويشبه صووتي اللهم صوتي احلا منه << واثق ... قالي بتسكت ولا قسم بالله الصابونه بخشمك !!!... قلت شكله واحد من الصراصير من اخوياي مستهبل منخش ورا صابونه ويبي يخوفني !!... الا الصوت احسه طالع من فمي !!.. استغربت قلت ميين ... قااالي يامنسم انا ضميرك !!.. قلت هلا والله ضميري وينك امس ماشفناك ....قالي ولا كلمه وبلا مصاله .. قالي وش قصة اهلك انت عشررين سنه مغير معسكر بالحمام تراني متحملك طوول هالسنين ... قلت خذ قهوتك طال عمرك <<< مقدم له صابوونه ... ويمسكها ضميري ويصقعني بوجهي قلت سم طال عمرك <<< خواف .. قال اسمع كلام يجيك ويتعداااك لو ماتترك هاالعاااده قسمن بالله لا انتحر !!! قلت انتحر في اللعنه وش اسوي لك .. قال يامنسم لاانتحرت انا انت تموووت قلت هاااااه !!!.. قال ايه .. قلت لوا يلويك خخخخخ ... ويصقعني ثانيه على مصالتي .. قلت طيب خلاص انا اصلا الحين بطلع عندي بارتي تبي تجي !! قالي فيه بنات ؟؟ قلت اجل بارتي اولاد يادلخ !!! <<< اكتشفت ان ضميري مهوي الحمدلله ماطلعت عليه .....قاااال وعع بنات مافيه اولاد قلت تعال وربي لو تشووف البنات تنهبل وتنسى الاولاد..قال انا مابي بنات ابي اسولف واضحك مع عيال وفرفشه مابي اتميلح و قال اكيد قلت ايه ماعليك كلام نسوووان اقصد رجااال ...قلت لضميري انت خذ مفتاح السياره وحمها على انا ماروح اتروش قالي اوكي قلت لضميري بررب ورد علي تييت << ينعن شكله حتى ضميري يدخل شات :D.... اعطيته المفتاح وراح للسياره وانا رحت اتروش ... المهم خلصت ترووش واطلع ولا القى السياره !!! وانادي ضميري وينك مارد .. ماوعيت الا ذيك السياره اللي جايه من بعييد فاتح النور وداق الفلشر والبوواري ويسحب جلنط ويجلس يعقد .. ولا وهو يعقد ضميري مطلع يده من النافذه حقت السياره (لاحد يسالني وش لوون شفته ... لانه كان ماسك علم النصر وشفت العلم مبين من النافذه..) المهم وهو مطلع يده ورافع علم النصر يقول حيو الطائي << محشش ضميري خخخخ.... ويوم وقف قااال ضميري معليش من زمااان مافحطت بس اللي شوي عن خاطري .. قلت اووكي مومشكله ... يالله قم البارتي قال يالله اركب جنبي قلت من جدك اخليك تسووق لاشافتنا شرطه وشافت مافيه احد يسوق والسياره تتحرك ؟؟ ماني فاضي مخالفة سحر !!! خخخخخ.... قال طيب ...ركبت الا قال ضميرري وععععععع الله يرجك هذا الحين انت متروش ورحيتك خيااااس ومعفنه وشو لوون قبل ؟؟؟ :... وامسك كرتون الكلينكس واخمه به على وجهه وسكت ...
""""""""""""""""""""""""
الظوااهري
المهم مشينا بالسياره ... واحنا في شوووارع امريكا الفسيحه .. مررينااا على سوبر ماركت صغير (بقاله للطعوس) الا قاال ضميري قااام يصرخ وقف يامنسم .. قلت خير .. قال وقف البقاله ... قلت طيب ... وقفت الا قالي رح جب ثنين بكت ملبوورو ابيض وولاعه وكتكات<<مخربها .. قلت خدام عند امك انا ..انزل انت يازول .. قال غبي انت وش لوون انزل انا مخفي ولا ودي اسرق ... قلت طيب والله وانزل واروح اجيب له طلبه ..واعطيه اغراضه وشوي ويشغل الزقاره... شفط شفطه قويه من الزقاره ويقولي : "اسمع عزووز انا بقولك شي بس لاتعلم احد " قلت وشو قال : انا الزبده كنت مخاوي وحده وسحبت علي سيفوون مدري ليه والصراحه انا مابي اخونها واروح البارتي وكله بنات :( ... قلت له توك تقوول سحبت عليك ..ليه ماتبي تجي البارتي .. قال ولا كلمه انا مخلص في حبي مو مثلك كل يووم بنت لا عااد ياليتك زين كل صفات الشين فيك مدري ليه يبونك !!! ... عااد انا عصبت وسكت قلت اوريك يادلخ ( في مخي ) واروح على طريق الكورنيش جنب هارديز << ماعرفنا لك في الخبر ولا في امريكا خخخخخ ... المهم رحت مكان ساحه فاضيه واوقف واروح عند باب ضميري واقوله انزل يابن اللذينا .. قال وش فيك << شك في عمره ..وامسكه من يده ,وارميه براا الشارع .. واقوله انا الشين يابن اللذينا هاااه .. واتهاوش معه ... ونتعافر وسط الارض وشوي مسكني من رقبتني وامسكه انا بعد .. قال فك.. قلت فك وافك خخخخخ... وشوي واعطيه بكس في امعائه الدقيقه .. ويطيح واسدحه بطريقه جميله ... واقوووله الضربة القاضيه.. واقووم وانقز بحيث اني اطيح بركبتي على بطنه <<< تأثير قرندايزر خخخخ ... ويصرخ ويقوول اييي .. واقوم وانسدح فووقه وارفع يده واقوول واحد ثنين ثلاثه .. طن طن طن فزت عليه << ياشين اللي يطالع مصارعه كثير ... وشوي واشوفه مغمي عليه وينكسر خاطري واقوله قم اسف خلاص كملي قصة خويتك ... الا قام ابن اللذينا على طووول وهو كان مغمي عليه !!! ....المرد ركبنا السياره ويشغل الاف ام وكانت وكانت الاغنيه لراشد الماجد : اغلى حبيبه .. وكان المقطع : يسالوني ليه تهم الي يعيشون الهوا الاصابع باليدين الواحده ماهي سوا "" عندعم حب طبيعي وعندي فووق المستوى .. الا ضميري ويمسك شماغه ويلوحه في الارض ويقوول ينعن ابو الشقا ياشيخ ويبكي .. كسر خاطري قمت قلت له افصح ياهاذا مالديك قل مافي قلبك يافتى ؟؟ قال هاذا ولا هاذاك هع هع هع<< حتى ضميري ماصل .. قال ياعزووز قصتي ياطويل العمر تذكر يوم نروح ايطاليا ؟؟ قلت ايه بس انت ماكنت معنا .. قال ياغبي انا ضميرك معك ..قلت بس ماحجزنا لك كرسي بالطياره << انواع المصاله خخخ .. قلت له اسلم سووري اني قاطعتك .. قال انت تذكر البنت اللي انت تميلحت عليها عند البحر ام شعر اشقر ... قلت له ايه .. قال الزبده انا انعجبت في ضميرها والصراحه اخذت رقمها وكلمتها بس من رجعنا السعوديه سحبت علي .. قلت اهااا طيب والسواه يابعدي ... قال ابي اروح ايطاليا ... قلت رح ماحد قالك لا .. قال لازم اكون معك ياغبي وش لون اخليك بدون ضمير !!.. قلت طيب قدام ينعن اللي يقول ورا عطله ماوراي شي ... قال اكيد ... قلت ايه ...قال اجل لف يمين ذيك الحاره .. قلت طيب ... والله والف الا نزلت مركبه فضائيه من السما وبعدها ماحسيت وش اللي صار لي .... !!!
"""""""""""""""""""""""""""""
تنظيم القاعده
المرراااد اني ماحسيت بروحي الا في مطار رومااا ... صحاني ضميري قال قم مع هالسعابيل الخضر قسم بالله اللي جنبك في المركبه كلهم اللي جاه ايدز واللي جاه جنووون بقر!!! ... قلت اخلص وين نروح .. قال يالله الحين على البحر على طول الحين صيف واكيد البنت معسكره هناك ..قلت طيب .... واحنا طالعين من المطار ... واشوف الوجيه السفره وذيك الشعور السنعه والجسم ويلي ويلاه ومشكلني حبك ياروح الروح <<< الفقه وكمل مشيك (ضميري يقول ) قلت طيب .. المهم قربت مني بنت ايطاليه وقالت كبيش ( هااي بالايطالي) قلت اول لفه على يدك اليسار لفي معها وبتلقين محل الطواقي << عربجي :D ....قال ضميري ياغبي تقصد هااي قلت اهاا وعليكم السلام ... والله واطلع له المعروض (الرقم ) .. وانا خايف انها تفضحني عند العالم والهئيه ... ماوعيت الا هي اللي مدت يدها وخذته ... قالت ابتصل عليك ..قلت يابعدهم كلهم << خق .. المهم قلت لضميري هع هع شفت اني مو شين اول ماطبينا ايطاليا رقمت بنت .. تحمد الله علي وقال كمل الله يفكني من هالخشه ... والله وطلعنا واخذنا سيارة اجره وقلنا له البحر يامعلم وكثر شطه ... قال تيب << راعي التكسي يدخل نت اجل وش لون عرفه بكلمة تيب ؟؟ خخخ ... المهم قعد يسولف معي قال الاخو من وين قلت المملكه العربيه السعوديه.. قاااال هاااه .... قلت ايه ...وشوي وسكت وملامح وجهه تغيرت ... المهم طولنا في الطريق قلت هييه انت وين مودينا خط خريص !!! .. قال لا من هنا البحر قلت اوكي ... شوي والقى روحي في منطقه محاصره بالجبال ... قال هذا البحر قلت ولا كلمه على بالك انا من الرياض ماعمري شفت بحر انا ولد الشرقيه البحر عندنا خخخخ ... ماوعيت الا شغل السنترال ويكلم ويقول بلهجته كلام بس المرراااد اني لقطت كلمه اللي هي بن لااادن !!!... وشوي يتجمعو علي جيش وطيارات ودبابات وقنابل نوويه وسيوف واسلحه دمار شامل وكيماوي حتى صدام حسين شفته معهم !!!... ضميري قالي ماعلي منك انت اللي قلت خل نروح ايطاليا <<< جحدني خخخخ ... والله وانزل من السياره وقالو لي حط يدك للخلف وببطئ قلت ببطئ ولا قطوه <<< ماصل في اسوا الظروف خخخ ...والله وارفع يديني ويكلبشوني ويشيلوني معهم وللسجن !! ..المهم السجن حقهم فله ..فيه فراش كبير ودريشه تطل على مناظر طبيعيه وتلفوون فيه صفر دوولي .. وحتى فيه كريمات ..المهم دخلو علي مجموعة رجال ايطاليين ويلعن اشكالهم كشخه ...اول ماجا قلت له من وين الشيرت حقك .. قال من بقيق (بقيق = مدينه كبيره بالشرقيه من كبرها مافيها الا بيتين *6 ) <<< حتى الايطالي ماصل خخخ ... المهم قالي انت اسامه بن محمد ابن لادن ؟؟ قلت لااا والله انا عزووز بن عبيد بن عزووز ... ولا يجيني كف يمشي خمس الاف .. قال اعترف احنا شايفين الجينات حقتك وكل الادله انك هو اللهم انك حلقت اللحيه !! قلت ياولد الحلال توي حالقها امس عشان اتميلح على بنت من بناتكم .. قال ثبتت التهمه انك ابن لادن ... قلت بن لادن ماوراي شي ..قلت انا بن لادن في راس امك شي ؟؟... ويكتب واعترف المجني عليه بأنه الشخص المدعي عليه << افلقووني ان فسرتوها خخ ... ويرجعوني لسجني الفله مرره ثانيه ... ربع ساعه الا دخل واحد يشبهني .... ابد كربووون 100% بال 100% .. قلت من انت قال انا بن لادن قلت ياحمار انا بن لادن قال لا ... انا بكون شبيهك اللي بطلع على الاخبار اما انت خلك هنا معزز مكرم.. قلت على اللي سويته فيكم والتهديدات وتعززوني وتكرموني والله انكم فله !.. قال احنا نفكر مو مثل عيال عمك العرب ..قلت وش لوون ؟ قال انت عقليه داهيه وكل العالم يبي يصيدك مو عشان يحاكمك ولا يسوي فيك شي .. قلت اجل وشو ؟؟ قال عشان نستفيد منك في المجال العسكري .. ربعكم العرب منسمين من يشوفوون واحد داهيه مثلك يقومون يسجننونه يقولون بفجرنا لاكبر ...اما احنا لا بننومك تنويم مغناطيسي وبننسيك تاريخك وتشتغل لصالحنا <<< والله انهم اذكيا عيال اللذينا ... والله ومشى ... اليوم الثاني فتحت التلفزيووون والقى شبيهي طالع على الشاشه الفضيه .. ويحاكموونه علنا في مدينة صوفيا في بلغاريا.. المهم نتيجة المحاكمه بالاعدام... والله ويعدموونه ..قلت في مخي ليه يضحي بنفسه ذا الثوور يعيش حياته ولا يموت عمره وش لوون برقم بعدين << سعودي ...وشوي الا واحد يطق الباب وقلت له تفضل << شوف الادب يدقوون الباب مو مثلنا ندرعم بالغرفه ولا ندري وين الله قاطنا .. ويدخل والا القاه شبيهي ..قلت لع خم سط اح .. قال وش فيك ..قلت توهم معدمينك !! .. قام مسك زقاره شرووت وضحك ونفخ على وجهي وقال بصوت خفيف بابا هووليووود تسوي كل شي حبيبي !!.. قلت الله يرجك انت وهوليود ذي ماتعقلوون عن التميلح خخخ... وصفقني كف واغمى علي ...
تفجيررااات
المهم صحيت الصباح ..والقى فطووري قدامي اومليت بيض وحركات وحليب وعصيرات ....وجنبي واحد يأكلني بعد لانهم عرفو اني زووول ... المراد بعد ماخلصت الاكل ..جاووني دكاتره في زيهم الرسمي <<< كلنة زي متعووب عليها خمس ايام افكر فيها خخ ... ويجوني ويقولون يالله بن لادن جا وقت العمليه ... قلت دقيقه بس ابي اكلم اهلي بالسعوديه مع اني عارف ماجابو لي خبر ..قال طيب التلفوون جنبك ووسع صدرك اهم شي قبل العمليه الراحه النفسيه ... واكلم السعوديه ورد ابووي قااال هااه << اخلاقه شينه .. قلت له هويت في نار جهنم لاتقوولي هااه انا ولدك خخخخ ... قال وينك يالسربووت قلت له يبه لقيت وظيفه في ايطاليا مع توتي وديلبيروو حطووني مهاجم في فريق روما وراتبي خمس مئة الف دولار شهريا .. قال قمت تعرف كوره عزيوي ؟؟ اخبرك دايم حارس خخخخخخ .. وقلت له سلم على امي قلها ولدك في امن وامان والايطاليين سنعوني .. قال طيب اهم شي فكنا من خشتك خخخخ .. قلت عااد انا اللي ابيك واقفل بوجهه ...ويجوني الدكاتره قالو لي خلصت المكالمه ياشيخ ؟؟ قلت ايه يادشير .. ويودوني لغرفة العمليات والله .. وانا بالسرير اللي يدفووني بنات ..المهم وادخل غرفة العمليات ... ويحاوطوني الدكاتره ويقولون : يالله بنعطيك ابره .. قلت لااااااااااااااه واللي يرحم والديكم كل شي ولا الابره ... جيبو رشاش كلاشنكوووف ولا ابره خخخخ ..قال ماعليك ابرتنا ذربه مو مثل اللي بالسعوديه خخخخخ ..قلت على شرط ابي اللي تعطييني الابره بنت ... قالو بس نجيب لك ملكة جمال ميلانو .. قلت لا ابي اخت توتي اللاعب .. قالو دقيقه .. كلها تلفوون ولا هي جايه ... وعلموها اني اتكلم انجلش .. قالت هو ار يو تويكس .. قلت ياااشيخ يوزري تويكس في منتدى الود فدى لك ..ضحكت ضحكه حلووه واغمى علي الا شوي قبل الابره ... والله وتمسك الابره بأناملها وتقزني في كتفي وتقولي عد معي واحد ثنين ثلاااثه ...وبعدها مااادري وش صار لي لما الحين ماني عااااارف ..
انتهى....
مايستفاد:
1- لاتلعب بالنار تحرق رموشك خخخخ
2- كل انسان له ضميره واسراره عامل الناس على حسب الظاهر والخافي الله اعلم به ...
3- اكتسب خبراتك ومعلومات من الناس احسن منك خبره مو اللي اقل منك !!!
4- والله اسف على الاطاله وارجو الموضوع ينال اعجابكم !!!
العرض الشجري
