ربع ساعة
ودي بوصلك لو بها ربع ساعة ... ومن طيب أصلك لو تزيده ثواني
خلي فؤادي لك يقدم دفاعه ... ويشرح دلايل حجته بالبياني
لاصار ظنك بي قليل المناعه ... مازال ظني بك شديد المراني
ماتحجبك عني ذواري إشاعة ... وماتنبت بأرضي بذور الشواني
وما ينقصك قولن غراك استماعه .. إﻻ يزيدك في غرامي معاني
والله ياشبه الفضا بإتساعه ... يللي تعارج في صروحه كياني
وبالله ياسب الهنا وانقطاعه ... يللي غلاتك بالحشا شي ثاني
مابي على غيرك بودي قناعه ... ولاغيرحضنك بالليالي دفاني
ولالي بحبن غير حبك بضاعه ... أذخر بها نفسي لجور الزماني
ولابي على قلبك بقلبي شجاعه .. إن جيت أبغزي بالمفارق غزاني
إن قلت:هيا ، قال سمعن وطاعه .. وان قلت : ماني، قال: أمرك بماني
كل المواصل دون وصلك قطاعه .. وكل الغواني دون رسمك سياني
خلي عيونك في عيوني جماعه ... وهذي يميني لك برسم الرهاني
إن كان بي زورن وباقي خداعه ... جعل الضواري ماتبقي' مكاني
أما غيابي عنك يومن وساعه ... بحكي بها ظرفي وشاهد عياني
شفتك بحلمن مابغيت انقطاعه .. والشاهد الله ثم بطيفك رهاني
م / ن
العرض الشجري
