خَنَقْتْ اْلْوَرْدْ يَآ يُمَهْ وَبِيَدِّيّ اِنْكَسَرْ ذَبْلَآنْ
المُصآدفآت الغريبة ” لِـ الأشخآص في حيآتُنآ , هي الأكثر لذة ، الأعمق جٌرحاً ، والأكبر في | قلب الذآكرة ! ♥
كان يتكلم بمواضيع كثيرة مشاء الله عليه راعي أصول وواجب
يعني عبدالله ما يماشي غير كذا
كل أخوياءه طيبين
لف علي وهو يسوق
: قلت لي اليوم افتتاحك
ابتسمت اييه والله وبعد بكره راجع تورينو إن شاء الله
مشاء الله تبارك الله طيب تكلمني عن الفرع أكثر
هو الفرع الوحيد بالمملكة مكلف واحد فيه والتقارير كل يوم بيومه توصلني وأنا هناك يعني مشاء الله فروعنا بالخليج بدبي والبحرين والكويت حتى قطر ماشيه بالنسبة للسعودية بتكون تجربة جديدة
: الله يوفقك آميين
همست وأنا اشوفه يوقف عند البيت آميين
كانت فيلا متوسطه الحجم من الحجر
بترحيب تفضل حياك
الله يحييك ويبقيك
استقبلنا خالد عرفته من المره اللي قبلها سلم علي بحرارة وهو يدخلنا ع المجلس
ارتحت بالقعده معهم ناس طيبه وتفكيرها نظيف
فيصل والحين عبدالله يشتغل معك
بندر بحب اييه تدري عبدالله مشاء الله متخرج من البترول وشهادته معتمده هناك يعني لو أنا والا غيري بيقبل شهادته
وإنت وين توظفت؟؟
قدمت ع سابك وآرامكوا مع إني ما كنت أبيها وبالنهاية اشتغلت بشركة تصدير سعد الوافي إذا تعرفها
آييه شركة عالمية مشاء الله وخالد قلت لي ما بعد تتخرج
ابتسم لا والله هذي آخر سنة
صب لي القهوة وضيفني من الحلا
كنت جوعان حدي وخلصت نص الصحن مع السوالف
ولما جا وقت الغدا ما قدرت آكل زين
وأنا على طاولة الأكل ما أدري ليه دققت بوجه خالد وذكرني بوجه بس مو ذاكر مين
ابتسم بوجهي بندر تراك ما أكلت مدري تدلع علينا وإلا أنت أكلك قليل
ابتسمت تسلم والله لكن حلاكم شبعني
فيصل لو أدري إنك تحب الحلا كان ما حطيته قدامك
ضحكت بخفة ما عليك استنى عليّ شوي وباكل...
أول ما دخلنا البيت كنا مبسوطين وواضحه الراحة علينا
بدر بغمزة رحتوا فطرتوا هاا أشك ؟؟
ابتسم بسام يبه اطلع منها
ناظره بصدمة مصطنعه سامعه يا لتين زوجك
ضحكت عليه ما عليك منه عمي بس صدق بس فطرنا وتمشينا شوي
أول ما دخلت خالتي يلدا قمت وأنا منحرجه منها ع اللي سويته أول فيها
وبست راسها
ما تركتني أروح حضنتني بحنان الله يتمم هالفرحه عليكم
همست آميين
جلسنا بالصالة وجات تاله هي ولين معهم صينية
فيها كل أنواع الفواكه المجففة
وراكان معاه صحن جاتو الليمون
هذا اللي جد أحبه ودايما أطلب من دادا لينزي تسويه
صبت الخادمة كوب الأسبرسو
بسام قطع لي من الجاتو وعطاني هي
: يسلمو حبيبي
راكان يغمض عيونه ويفتحها مشاء الله تبارك الله لتين تقول لبسام حبيبي لازم يسجلها التاريخ
ابتسم وعيونه تلمع قديـ...
قطع كلامه لما دخلت جيهان ووراها خدامتين شايلين كيس من النايلون الأبيض كبير
ابتسمت بينفونوتي !
وتوسعت ابتسامتها جيت أوصل آبيتو دا سبوسا سنيورا تاله
" فستان الزفاف "
وبمعنى وزعت نظرها ع الكل قلت أجيبه بنفسي أحسن
نقزت تاله تعطي الخدم الأوامر إنهم يطلعوه غرفتها بحرص وحذر
رجعت جلست جنبي زفرت وهمست بإذني تراها ناويه شر
أومأت براسي وطنشتها ولا كأنها موجودة قالت جايه توصل الفستان وأشوفها جلست حضرتها
ابتسمت لي شلونك لتين؟؟
رديت وأنا أرجع ظهري ع الكنبة الحمدلله
حط يده بسام ورا كتوفي وهمس
ما شفت بحياتي أجمل من ابتسامتك!
لانت ملامحي بابتسامة خفيفة وما رديت
رجعت ناظرتنا وينه بندر؟
يلدا تضيفها من الفواكه سافر الخبر عنده افتتاح فرع
أخذت حبة فراولة مضغتها بشويش
: لاحظت من يوم ما رجعت لتين الخبر رجعت الكل معها وقلبت العيلة فوق تحت
عم السكوت المكان وقبل لا يصير أي ردة فعل
ابتسمت ببرود الحمدلله هالشي يثبت غلاتي عندهم
وإذا حضرت الشياطين مكان خرجت الملائكة يعني ماني من ضمنهم
وبرفعة حاجب سألت باستفزاز وإلا..!؟
تجاهلت كلامها وردت بقهر اخفته بإتقان الحين بندر بيفتتح فرع بالخبر وش بيوديه هناك كل شوي والثانية حنا عائلة من سنين هنا إنت جيتي بتفرقينا
عقدت حواجبي باستغراب وبصدق بسألك جيهان أنا وش سويت لك حتى كارهتني كل هالكره اللي أعرفه إنك خالتي إلا إذا في شي ثاني ما أدري عنه بعد..؟
ارتبكت ملامحها وبإحراج واضح مو شي بس إنتي كل شي ماخذته
ابتسم بسام بهدوء وبتريقه أفهم من هذا إنك غيرانة
خزته من مين يا بعدي؟؟!
راكان بمشاكسه من توتي دونا ! وأشر ع لتين وهو يرمش باستفزاز نرفزها
" سيدة الجميع "
تاله تخفي ضحكتها مع لين وبدر انشغل بقهوته
أما يلدا ناظرت لتين وجيهان تعوذوا من الشيطان إنتي وياها وخلوا الجلسة تعدي ع خير
وقفت بتأفف قربت لعند تاله الجالسه بقرب لتين ناظرتها من فوق لتحت وباست تاله ع خدها
See you in vostra cerimonia di nozze, sposa fedele
" أراك في حفل زفافك أيتها العروس"
ابتسمت وأخفت ضحكتها ع نظرات لتين البارده تقهههر اللي ما ينقهر
غراتسيا زيا
" شكرا، خالتي"
لما طلعت ناظرني عمي بدر ومن ورا خالتي يلدا أشر لي
Ok
ابتسمت ابتسامة واسعة أخفيت فيها حزني
أنا بجد مو عارفه وش سويت لها
كل اللي أعرفه إني ما بلعتها لمصاختها مو لشي ثاني بس هي الظاهر إنه فيها شي
تاله وقفت ومسكت كفي قومي لتين ومسكت بالكف الثانيه لين يللا إنتي الثانية
بسام باستغراب على وين ماخذه زوجتي لوسمحتي
تاله بجديه اليوم إنسى نانا بتنام عندي لأنه اليوم آخر يوم لي بالعزوبية
: مشاء الله اليوم سارقه البنت من زوجها وبكره سارقه أخوها الليل كله
حمر وجهها وهي تلف على أبوها
داااااااادي وش هالكلام مام عقلي زوجك
ملت الصالة ضحكهم
ناظرت بسام بعيون ناعسه استأذنه
ابتسم لي وبالهوا باسني
وقام إلورا أنا طالع مشوار استمتعوا إنتوا سوا يمكن أغير رأيي وأرفض عملية السرقة اللي سويتيها
سحبتني معها بسرعه لااااااا اطلع واتأخر لا اوصيك لانك راح تصبر لين بكره
دخلتنا معها أنا ولين
وحنا نسمع اعتراضات راكان وبسام
دايما الذكور ما لهم حظ في أمور دلع البنات الخاصة
جلستنا ع السرير انتظروني بروح ألبس بيجامة محترمه وأرجع
رددت وراها وأنا أناظر لين باستغراب بيجامة محترمة؟؟!!
ضحكت قصدها إنه العزابية دايما يلبسون بجايم محترمة وهي من بكره بتبدا بقلة الحيا
ضحكت من قلب والله اللي يسمع ما تلبس هي الحين
وفعلا طلعت لنا بشورت برتقالي وبلوزة بنص كم بيضة وعليها رسمة دب
فتحت الدولاب لين بسمح لك تاخذي من بجايمي وإنتي بعد توتا
لين تتخصر وهي تنسدح ع السرير يا سلام مابي بروح أجيب بيجامتي
وأنا بعد !!
رفعت أصبعها بتحذير اللي بتخرج من الغرفة بتحل عليها اللعنة وزواجي ما بتحضره
ضحكت وأنا أقوم مالت أنا أول وحده بحضر بعد زواج أخوي بتحرمني منه
لين بنعس بالله توتا جيبي لي أي قميص قدامك
من عيوني لفيت ع تاله وأنا توني أتذكر
تلوو مو على أساس اليوم في شوو
ميلت بوزها ببكى ما قدرت أروح نونا ما رضت تقول عروس وبكره فرحك لو قبلها بكم يوم كان ممكن
أنا باستغراب أكثر بس من أول وإنتي تسوين بروفات ما قالت لك شي
لين بتفكير كانت ماخذتها على قد عقلها
رميت عليها القميص وأنا أدخل الحمام
اوكيه تلوو وش بتسوين لنا
ولا شي بتكلم وبس !
جآهلي يحسب كلآمي فيه من ضرب آلغرور
عآرفي يعرف آني لآمشيت آمشي بهيبة ملك .. ~
حطت اللاب قدامها حطيه قدامك ما فيني حيل
ثبته ع الطاولة وأنا أشوف وش بتوريني إنـ..
انقطع كلامي وأنا أشوفه يمشي بين الصحافة والناس المعبيه المكان
هيبته كأنه واحد أكبر من عمره بعشرين سنة
قمة الشباب منتشرة فيه الله يحفظه
تلألأت عيوني
وأنا أشوفه يقص الشريط الأحمر وبعدها الكل صفق يبارك افتتاح فرع الصايغ وريث المليونير اللي توفى بحادث وترك كل ورثته لولده الوحيد
تركت الكل حتى إني ما انتبهت ع شي
غيره
كان مبتسم
يتكلم براحة وسعادة عن نجاح اسم عائلته بهالمجال
ابتسم بالأخير يوم سأله الصحفي عن سبب اختيار الخبر بالذات من بين مدن المملكة الكبرى
: حقيقة مدينة الخبر قريبه من دول الخليج الباقية وفي نظري تعتبر أفضل منطقة بالمملكة تناسبنا بما إنها تجمع مختلف الجنسيات وبإذن الله في مخططات لفروع أخرى أولها بالعاصمة الرياض
سكرته قلت شوفيه ما قلت تابعيه للنهاية
ناظرتها بقهر لمووو
ابتسمت حبيت ابسطك عزمه فيصل بكره يتغدوا برا لكنه قال إنه متغدي مع طاقم العمل بمناسبة الافتتاح وبعدها بيسافر بالليل
تنهدت وأنا امسك قلبي اللي يدق بقوة عاليه
لمار، قولي لي وش أسوي فيه؟؟
ابتسمت وهي تمسك بطنها بألم اصبري ولك اللي يسعدك إذا مو هو الأحسن منـ..
سكتت وهي تعض شفاتها بقوة ياارببـ..
قامت لها بسرعه لمااار شفييك اصبري خليني أنادي ماما
شدت ع يدها وارتخت ملامحها لا ، هذا ألم يجي ويروح لأني دخلت التاسع
بخوف متأكدة ما فيك شي؟؟
هزت راسها وابتسمت بصعوبة اييـ...ـه
أشتآق أنآ في هــ /.. الحيآة لــ كلمتين
كلمة (أحبكُ ) ~نفسهآ بســ مرتين
دق الباب
لين ع السرير
وتاله تدلع نفسها وهي تدهن بالكريمات ما بقى كريم ما حطته بوجهها أو جسمها
قمت فتحت
ابتسمت وأنا أشوفه
تفضل
تاله من داخل اللي عند الباب لا يحاول ممنوع الدخول
جاها صوت بسام المقهور
: مستعد أسوي عملية اغتيال إذا تبين
ضحكت وأنا أدفه وانتبهت ع كرتون بيده
وش هذا؟؟
فتحه
قلت بخفوت وااااو فيري نايس بسام حبيبي شكلهم يجنن
باسني ع جبيني يفداك حبيبتي مو لازم تعطين أحد إذا تبين
فتحت الباب بقوة إنتوا وش قاعدين تسوون
غراميات عند باب غرفتي ترا للحين عزابية ما بعد يجي بكره
ابتسم وهو يضربها بخفه ع راسها شوفي وش جبت لك
ناظرت الجاتوهات الصغيرة بيضة ومرسوم عليها عروسين
وبعضها عليها اسمها واسم عبدالله
نقزت عليه باسته بقوة يا لبـــــــــى روحك بسوومي
وباست لتين بقوة أكبر دايما خليك رايقه عشان نشوف هالبسام
مسكت خدي بألم وجععع تلووو عورتيني
لفني له وهو يمسح عليه
ناظرها بجديه
: شوفي وش لون حمر خدها
وهي شايله علبة الكيك قالت بدون اهتمام يقالك أول مره يحمر يعني
وبنظرة تركتهم وراحت
توردت خدودي زيادة وصار دخان يطلع منها
بسام مبتسم وهو يبلل شفاته
لتين وش رايك تسحبين عليها
حكيت حاجبي وابتسمت بأسف نوو سكوزا
ودخلت بسرعه وسكرت الباب
ضحكت علي تاله ولين
تاله وهي تاخذ قطعة جاتو برافوو توتا
" جيد "
لين بنغزة برافوو نشوف وش بتسوين بعبدالله إنتي
دقت ع صدرها ولا يهمكم وتشوفون بطلع عيونه عشان يحس بقيمتي قبل أي شي
ضحكت عليها حرااام أخوي وش ذنبه تسوين فيه كذا
ناظروني الثنتين وبقوة وأخونااااااا مو حرااام
رجعت ع ورى بسم الله الرحمن الرحيم
وبإحراج بعدين مالكم دخل فيني حره بسوي فيه اللي أبي
تاله بخبث لتين وش هذا الأحمر اللي ع خدك
لين اللي ما تدري عن السالفة ابتسمت
ضربتها بخفه حمـ### والله إنه أنتي
ناظرت لين وإنتي لا يروح فكرك بعيد يا أخت
ناظرنا بعض وبهستره علت ضحكتنا
ضحكة تعوض اللي فات وتمهد للي بيجي
مدري هو انتهى الحزن وإلا بعده مضيع المشوار..!
*
*
*
لم يعمل البشر الا بمقتضى قول القائل " خير الأمور الوسط " ولذلك نراهم يقتلون
المجرمين والأنبياء !
نهاية الجزء الثالث والخمسون
العرض الشجري
