بسم الله الرحمان الرحيم
ياأمير الشوق يا قلبٍ جسور
شايل جروحه ولا حيٍّ درا
يا ظنين الروح ما تشكي قصور
غير جرح ٍ من زمانك مابرا
يا هلا شرفت ياطاغي الحضور
مع حروفك كم من عاشق سرا
الشعر حياك باحساس وشعور
مانسيتك لا .. ولا والله طرا
جيتنا هتان والقيعان بور
رحت والقيعان بساطٍ أخضرا
الجفول اللي تودك ماتبور
ماهي لغيرك تباع وتشترا
ياعيون الليل ماباقي سرور
ياحروف الشعر وينه ماقرا
للمواصل والغلا مد الجسور
ماتشوف العين مثله ولا ترا
دون وصله مثل لجات البحور
يتعب الغواص ماشاف الثرا
في أمان الله ياريح البخور
قافنا شيّب والليل أسمرا
العرض الشجري
