متضايق وحالك ماش تعال لقسم النقآأش

[انسحاب الشمس]

السلام عليكم ورحمة الله وبركاته هذا الموضوع مو قوانين جديده للقسم ولا هي قضيه تحتاج نقاش ... << أخلصي وش عندك هي بإختصار ... (( دعـــوه لتغيير فكرتنا عن المواضيع التي تطرح للنقاش )) اكيد بتسألون اللحين وش ممكن تكون مواضيع النقاش اللي بنطرحها ...؟ وليش بنغير اصلن خط سيرنا ....؟ اول شي ملينا من نوعية مواضيع النقاش اللي ننقلها من المنتديات الثانيه وبالنهايه نمر على كل المنتديات ونلاقي قسم النقاش موحد بالمواضيع والافكار هل يوجد حب أول وثاني << موضوع مغبر الصداقه بالمسن تعتبر خيانه << بالله هل يوجد صدااقه بين الشاب والفتاه << كح كح كح ملينا ... وصرنا مانحب نمر على قسم النقااش لإننا عارفين مسبقاً وش نوعية المواضيع وحتى طريقه الطرح ننقلها مثل ماهي مافيها اي نكهه تخص العضو ولافيها اسلوبه البسيط اللي نحبه بس من اليوم بنغير هالفكره وبنخط لنا طريق جديد (( نقاش أعضـــآء الــــــــود بيكون غير )) ادري بتسألون وشلون غير اولاً .. اي عضو يواجه مشكله لو بسيطه بيومه بس ضايقته ويبي لها حل ولايهمه عندنا الحل يجي للقسم ويكتب مووضوع ومانبي مقدمه ونهايه مميزه وخاتمه تخص الموضوع لو سطرين يكتبها العضو بس يقولنا عن اللي بخاطره واحنا نقوله وش رأينا ثانياً ... قريت خبر من جريده او موقع وعندك رأي معين فيه وودك تعرف رأي غيرك بشكل مفصل وبعيدا عن قسم الاخبار تعال هنا واقتبسه وقولنا رأيك فيه بكل راحه وبأسلوبك الخفيف البعيد عن التكلفه ونجي احنا من بعدك ونقول رأينا وتناقش ثالثاً ... صارلك موقف معين بالدوام ولا بالمدرسه ومحيرك وماتدري وش تسوي لاتحتار .. تعال هنا ونزله موضوع واحنا بنقولك وش بتسوي ولايهمك رابعاً ... صديقـك صار معه موقف وودك تساعده تعال وخلنا نشاركك طرح الحلول بمشكلته ونقول رأينا يعني وبإختصار .. نبي مواضيع خفيفه من اسلوبكم البسيط بعيداً حتى عن اللغه العربيه يعني شعارنا نبيها بالعااامي واللي بشوفه يكتب بالفصحى موضوعه كووع ع الطاير<< بتنجلد واللي بشوفه يكتب مقدمه ونهايه بنعطيه مو كوع الا ركبه << خربتها , ماعندها الا كوع وركبه لحوووول لإنه لو انكتب مقدمه وعرض ونهايه راح يكون مقال وبنقل للقسم العام اتوقع فهمتوا علي وعلى فكرتي بس شرايكم مو حلوه وان شاء الله راح ابدأ لكم بطرح موضوع ينفس هالأسلوب عشان تتضح الصوره اكثر واللي راح نستفيده : ان قسم النقاش بيكون مختص بأعضاء الـــــــــــود... يعني نفكر بصوت عالي ونفضفض عن رأينا بأي شي بمشاركه الاعضاء ... والاشياء اللي ودكم تقولون رأيكم فيها اكيد كثيره سواء بالمجتمع .. بالتلفزيون .. برنامج غاثكم وودكم تتكلمون عنه بأسلوبكم الخفيف ان شاء الله الفكره وصلت .. واتمنى تعجبكم ونمشي عليها وراح نستفيد كلنا ع الاقل نقدر نفضفض بمواضيع ماهي مقيده بشروط وقوانين