قبل غروب الشمس من قدم البحر حبيت اقول
يسعد مساك ودنيتك ياللي بقلبي لك مكان
ياجنه الدنيا على الفقراء. بسيطين العقول
حياتهم كانت مأسي. واصبحت بعدك جنان
ويانكبه الدنيا على اللي (دايم يقول ويطول)
قبلك وهو ثابت عقل. بعدك وهو ماله كيان.
الورد من ضيقتك ينضايق ويدخله الذبول!
ومن بسمتك حتى الحجر يضحك ويعطيك الحنان..
ماقلت لك غير الحقيقه والحقيقه ماتزول
استغفر الله قبل اقول المعجزه هذا الزمان
هذا شعوري هاج مثل الموج لو اني خجول
لكن قصيدي يفضح احساسي وللغالين بان
>>>
>>
>
العرض الشجري
