الله من قلب ٍ تداعت شقوقه
مداعيه من كثرها مالها حل
قلبي وسيع العين مني يبوقه
مامل مني هو وأنا منه مامل
العين عين اللي ترخت سبوقه
كفه يّبدع بالضريبه ليا زل
اقفى يهز الريش و الحوم فوقه
و أخاف طيري عن هوى عملتي فل
يا قلبي اللي يا بساتٍ عروقه
اغديه من مزة ثناياك يبتل
لا وابي الله نثر الدمع موقه
وليا ذكرته دايما دمعهن هل
خده مع الظلما تلامع بروقه
شكلٍ جميلٍ لون هو ما تجمل
هو عايقٍ قلبي وأنا صرت عوقه
انا اشهد انه بالغلا سلني سل
حبه تغلغل بالضماير حروقه
وابقى على عهد الوفا ما تبدل
مليت روح ٍ عاشقه ومعشوقه
سبة حبيبٍ بالهوى تلها تل
أجمل جمال البيض يجلس بسوقه
شعاع وجهك يودع الشمس في ظل
منال يطلبك المولع حقوقه
يا للي غلاك بسرة القلب محتل
يا ليتني عقد الجواهر بطوقه
ليا مال جلبابه علي قلت له ول
عـــــقد الجواهر
للشاعـر : راضـــــي الدلــــــــــــــــــيمي
عـــــقد الجواهر
العرض الشجري
