" جـــــدهـ " ..
الجـــو مره أخوي وهـآدئ .. البنـآت بغرفهـم يذآكرووآ ..
والأولاد بالصـآله قدام التلفزيوون .. وفرح وفجـر قاعدين ع النــت بنفس الصـآله ..
أمآ أمهم نـآيمـــه ..
ووآحــد منهـم مهمـــووم .. وقلبـه مكســوور .. يفكـر بكلآآآآم نزل زي الصاعقــه عليـه ..
يفكر في مستقبله إلي أمــه حسمتــه بكلمه منهـآ ..
متضاايق لأبعـد حــد ومو لاقي مين يشكيلــه ..
تنهـد فرااس وهوا يفتكـر كلآآآم أمـه له قبل كم يـــووم ..!!
[ ~ ... أم فآيز بتردد : مستعـد تسمعني ؟!
فراس بقلق : ايوا ياامي اتكلمي قلقتيني ..
ام فايز بهدووء : ياحبيبي مافيه شي يقلق انا ابغاك تسمعني للآخــر بدون لا تقاطعني ..
فراس يفرك يدينه : طيب اتفضلي ..
ام فايز بابتسامه واسعه عدلت جلستها ع الكنبه وحطت رجل على الثانيــه : انتا دحين رجال ومايعيبك شي ..واعتقد انك مستعد من كل النوآآحي للقرار الي بقولك اياه .. سواء دراستك او وظيفتك أو ..
فراس قاطعهـآ وكأنه عرف السالفه : طيب وبعدين ؟!
ام فايز اتسعت ابتسامتها : وانتا عارف الي مرينا فيه هالفتره كان صعب كثير علينا وعلى عيال خالتك الله يرحمهـآ ..والصدمه لسه مآثره فيهم .. وعارف كمان انو مالهم احد في الدنيا غيرنا .. وملاك بنت هاديه ورقيقه وحساسه .. واكيد انها دحين عايشه في ناااار من بعد وفاة امها وابوها .. ومحتاجه لانسان يوقف جنبها ويطلعها من الي هيا فيه و ...............
فراس بشوية عصبيه وهوا يوقف : ياأمي مستحيل الي بتفكري فيييييه ..
ام فايز وقفت معاه وكملت بنفس الهدوء : ايش المستحيل ؟! ملاك بنت مايعيبها شي ويكفي انها بنت خااالتك وانتا كمان ماعندك أي عذر .. دراستك ومخلصها وظيفه وعندك شركه بحالها وكل شي متوفرلك ايش الـ مستحيييل ؟!
قال وهوا يحاول يهدي نفسه : الـ مستحيل ياأمي انو ملاك اختي الصغيره وماأفكر فيها بشي غير كداااا .. وثانيا انتي عارفه علاقتنا سوى من يومنا صغاار مزح ولعب وبسس وبعدين ماأفكر اتزوج دحين ولا ليا رغبه في هالشيي ..
ام فايز : بس ياحبيبي اول كنتو صغار اكيد دحين كل شي بيتغير انتا بس طيعني ونروح نخطبها وبتشوف منها بنت غير كل البنااات ..
فراس بضيقه : ياامي الله يخليكي انسي دا الموضوع اذا انك تحبيني وتعزيني لا تفكري في هالشي مره تانيه ..
ام فايز بصرامه : يافراس هادا قرار مو محتاج لرأيك .. وبعدين ايش الي مانعك ؟! لا يكون فيه وحده في حياتك ولا من الخرابيط دي ؟
فراس تنهد : لا مافيه احد .. بس ملاك بالذات انا مااقدر ارتبط فيها ( وقف بقلة حيله ) انسي هالشي ياامي انسيييه ..
طلع من الغرفه وخلقـــه ضاايق وكل أحلاامه وطموحاته انهدت على رااســــه ....~]
صحى من تفكيره على صوت فدوه نازله من الدرج وتصرخ : خلصصصصصت لووووولوووووووووي ..
فرح بفجعه : بسم الله اشبك ياهبله ؟
فهد : الحمد الله والشكـــر ..
فدوه تبوس خد فرح بقووه : خللللصت تخيلو خللللللللللللصت ساعتين بس والله من قديي ..
فجر بابتسامه : ايش عليكي بكرا ؟
فدوه : بلاهـه ونكد ..
فرح : ههههههه ياحليلكم الين دحين تسمووها كدا ..
فدوه : ههههههههه اهم شي خلصت والله مو مصدقه ..
فهد : اممممم طيب ايش رايكم ؟
فرح + فدوه بصوت واحد : ايششششش ؟!
فهد : نطلع نتغدى كلنا مدام فدووشه مخلصه ..
فدوه بعدم تصديق : واااااااو ايوا والله كدا الكلاااااااااااااااام ..
فرح : ههههههههه يافرحتك ..
فهد : يلا تجهــزوا ..( طالع في فراس الي يطالع التلفزيون بدون نفس وباله مو معااه ) فروووس هيييييه ..
فراس لف عليه ببرود : هلا
فهد : فين مساافر ؟ جي معانا ولااا ؟!
فرح رفعت حاجبها : اكيد جي ..
فراس ابتسم بضيقه ووقف : لااا روحوا انتو ابغه انام ..
فرح : ليييه فرووسي والله الخرجه ماتحلى بدوونك ..
فراس : معليه ماليا نفس ( لف ظهره ومشى ) الله معاااكم ..
فجر بهمس لاختها : غريبه من رجعتوآ وحالو مو مضبوط ؟؟
فرح بنفس الهمس : قصدك من بعد ماتكلم مع ماااما ..
فجر بتفكير : والله صادقه .. بس ايش الي حصل ؟!
فرح هزت كتوفها بجهـل عن الي صااار ..
فدوه تخصرت : اقوول لا تتسرسروا انتي واياها قوموا اتجهزووا ..
فرح : بس يابرميل ماهمك الا كرشك طايره ع الغدااء ..
فدوه بعصبيه : مالك شغل ..
طلعت لفوق تغير ملابسها وحساسيتها من موضوع سمنتها مرره زاااد وصارت تتضايق منه وتزعل اذا احد دقها بالكلاام ..
فرح : هههههه اشبها سايره زعووله
فجر : ههههههه خليها مو كفايه محتله دولااابي مابقت فيه شي ..
فرح ابتسمت وطلعت جوالها من جيبها ودقـــت على نوف من امس ماكلمتها ولا تطمنت عليهـآ ..
فرح : الوو
نوف : هلاااا حبيبتي ..
فرح : مسااء الخير ..
نوف ابتسمت : مسااء النووور ..
فرح : اخباارك ياقمر ؟
نوف : الحمد الله كيفك انتي ؟
فرح : بخير ..
نوف : وامك واخوانك كلهم ان شاء الله تمام ؟
فرح : ايوا مبسوطين الحمد الله .. انتي قوليلي كيف مسويه ؟
نوف تنهدت : ماشي حاالي ..
فرح : ناقصك شي محتتاجه شي .. اذا بخااطرك شي ترى مشعل مايقصر وعندك رقمو ..
نوف ابتسمت : لا حبيبتي انتو ماقصرتو معي كل شي عندي بس ضاايق خلقي لحالي ..
فرح ابتسمت بحزن : يلا اهم شي رجعتي لوظيفتك تسليكي ..
نوف : هههههههه على قولك
فرح : ههههههه ليه تضحكي ؟ ( شهقت ) ايووووا صح ايش ساااااااااااار من زمان ماكلمتيني عنووو ؟!
نوف ابتسمت بخجل : ماصار شي ..
فرح : اهيييييي علييييييييينا ..
نوف : ههههههههه والله ماصار شي بس ..
فرح : ايوووا الـ بس دي انا ابغاها ايش ؟!
نوف : اممم قالي ههههههه ..
فرح بقلة صبر : ايش قلللك ؟؟
نوف بهمس : وحشتيني ..
فرح : وه ياقلبي اناااا من جد ؟
نوف : ههههه ايه وامممم لسه مصر يشوفني برى ..
فرح : يوووه منك وانتي سايقه الثقل على رااسو ..
نوف : مو كذااا يافرح بس كيف ارضى على نفسي اطلع معه ولا اقابله بأي مكان غير الشغل وانا مابيني وبينه شي ؟
فرح : بس انتي محاتروحي معاه لمكان بعيد .. عادي في مكان عام واعتبريها مقابلة شغل واذا حسيتيه اتمادى معاكي في الكلام اخصريه ولا كانه صار شي ..
نوف : لا مااقدر انتي عارفه وضعي الحين ..
فرح بقلق : عارفه ياقلبي .. بس اهم شي انتي بخير ؟
نوف : ايه تماام بس مرات احس اني خايفه لحالي عني تدرين ماعندي احد و .....
فرح بحزن : عارفه والله انا راح احاول ارجع بأقرب وقت لا تخااافي ..
نوف : لا لا خليييك عندك اهلك وانبسطي انتي ماقصرتي معي وماراح انسى لك الي سويتيه معااي انا بخير لا تقلقين علي ..
فرح ابتسمت : طيب حبيبتي انا حبيت اتطمن عليك واذا صار معااكي شي او احتجتي لشي لا تترددي انا موجوده ..
نوف ابتسمت : ان شااء الله ..
فرح : يلا اسيبك دحين ..
نوف : اووكي ..
فرح : مع السلامه ..
نوف : باي ..
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;
العرض الشجري
