وينك حبيبي مبعد عني هناك ؟؟
وين اتصالك يا بعد كل حالي ؟؟
إن غبت عني ..غابت الروح وياك
تسهر عيوني ما تبات الليالي
يا شين وقتي يا غناتي بلياك
عمري بدونك ..لاحشى ما هنا لي
يا كم اردد ونتي زود فرقاك
تدري حبيبي ضاق دونك مجالي
ارحم بوصلك من يحبك ويهواك
اسأل وليتك تستجيب لسؤالي
والله عمري لو مضى .. اترياك
اصبر ولا أبدل بغيرك بدالي
قلبي يحبك يسعد بيوم لقيآك
تدري مرادي بس.. لحظه وصالي
عيني بشوفك تشرق بشمس روياك
وشوقي تعدا يا حياتي خيالي
صدّق حبيبي ما معي حد يساويك
ارجع دخيلك.. يا بعد كل غالي ..
العرض الشجري
