ياخوي تسأل عيونـي ليـه ذبلانـه
وهذا السواد اللي عليها محاصرنـي
انا عيوني تمااان سنين سهرانـه
والحزن شوفة عيونك كيف فاضحني
القلب ياخوي يشكي فـراق خلانـه
والدمـع عيـا يكـف ولا يريحنـي
اقفى وخلى عروق القلب عطشانـه
ياقوه كيـف جاهـ قلـب يتركنـي
وشلون بنسى وهو قلبي وشريانـه
وشلون برضى بموت اسباااب هجراني
ياخوي روحي تنادي حيـل ولهانـه
وش حيلتي بالجفا ياخـوي علمنـي
اول انا اللي اداوي قلـوب مرضانـه
واليوم بلشانه مدري مـن يعالجنـي
الحظ قفـى وصـك اليـوم بيبانـه
مغير ادعـي واقـول الله يصبرنـي
صابره واشوف الهوى تتكسر اغصانه
واللي رحل جعل ربي بـبعده يصبرني
داري واكيد الزمـن تتغيـر الوانـه
والوقت لازم يجيلـه يـوم يسعدنـي
ياجرح يسعد صباحك انسى عنوانـه
ولا عاد تسهر على ذكـراه تتعبنـي
تكفى ياجرحي عشاني مو على شانه
خلاص ابنسـى طلبتـك لا تذكرنـي
العرض الشجري
