اليك يــا شـــاعـــر الـــدرر ( ردّيـــــــــه ) ....

[العـ راعي ـليا]

تقبل الله

هذي القصيده التي كتبت مساء البارحه ولسوء تقدير المشرف حذفت لوجود ردود ليس لي بها علاقه .. ‘ وهنا أود طرح القصيده كما جاءت في القسم المناسب ..

‘‘ وكان أولى من المشرف الفاضل ان يحذف الردود التي أساءت لي مقدما وأن يتجاوز عن القصيده التي لم تغالط ولم تمس أحد بسوء ..‘‘‘‘

اقتباس المشاركة الأصلية كتبت بواسطة شاعر الدرر سيري درر وارسلي المظروف=تعبير في صوره شعريه ماني مجامل ولا بي خوف= ولا همني ذاك او ذيه حنا مع الحق دوم سيوف=والكل عندي سواسيه ودام اللعب صار عالمكشوف=ومابه معه اي سريه سلمت ياذيب يا موصوف=بالمبدع اللي سطع ضيه انت المقدم وحنا صفوف=اعبر ونارك معك حيه واللي يبي الدق فوق دفوف=يبشر نعرقي له الكيه هذا كلام الوفا معطوف=على الحدث دون رمزيه ويبقى الخوي دوم لي معروف=هو لي شماغي وطاقيه من نجد حتى نصل للجوف=سلام يالذيب رديه

يسلم جناابك يالذيب والله والسبعة أنعام بك ولا يهون الجميع ..

ياهاجسي مـا عليـك كلـوف=بالشعـر .. فـرقٍ وفرقـيّـه
دوّر على اللي ماهـو مألـوف=ودوّن ابـيــاتٍ رهـاويــّه
خـذ الوصايـف ياكلاشنكـوف=أبيهـا تـوصـف خـلاويّـه
شمس الضحى ما غشاها كسوف=احروفهـا وضـحٍ .. منقـيّـه
كامل قمرهـا ماجـاه خسـوف=سحبٍ ترازم حماويّه
رعّادهـا لا أرعـدت راجـوف=وبرّاقـهـا فــج جنـبـيـّه
خابرك ما تركب المعسوف=والـقـاف يحتاج وزنـيّـه
ردن على اللي مهـو مكلـوف=فـيـنـي ولا رد جـبـريـّه
ادري ولا هـو بعـد محيـوف=ولا جابـتـه طــخ ردنيّـه
لا شك عنـه الـردى منقـوف=دارة علـى ســاس مبنـيّـه
مـا هزّتـه هبّـة العاصـوف=بالحـق كلمـتـه ..فـرديـّه
لا هنـت ياسيفـي القاصـوف=يـا فزعتـي ساعـة الهـيّـه
يـدوم لـك عـزّك المسقـوف=مرفـوع فـي راس سـاريّـه
وإلاّ الـردي خلّـه لـذالـوف=يمـوت مــا ذاق جمـريّـه
من يعترض سيلكـم مجـروف=بالعـون ملعون ثاويّه
والطيب بين الملا منصوف=كل(ن) خذا منّه قسميّه
ما ني لحق العرب جاحوف=اديار الأجواد ممليّه
ما طار طيرٍ وهو منتوف=(والحق ما ينحجب ضيّه)
قد قالها اللي مهو مكتوف=حر(ن) اليا جيب طاريّه
(رائد النايف) وكلّه نوف=من هالنا ؛ عذب صافيّه