السلام عليكم ورحمه الله وبركاته
الشاعران الرائعان الصديقان,المثيران للجدل ضيدان بن قضعان وسلطان الهاجري في محاوره متميزة, يتبادلان ورود الشعر...والمعاني الرائعة التي تبحر في تقلبات الحياة
ضـــــــــيـــــــــدان:
مرحبا فـي حلـة دونهـا عشريـن بـاب
الـمـراوح فوقها..والهـبـوب تفـرهـا
الحرار اللـي مواكيرهـا روس الهضـاب
حولـت فـي نقـرة مـا تحمـل حرهـا
ســــــلــــــطــــــان:
والبقا يـا صاحـب مـاوراه إلا العـذاب
والجريره حسبنـا الله علـى مـن جرهـا
صاحبي ضيدان غرب ولا أدري ويش جاب
يوم حصـل خيرهـا مـا كفانـي شرهـا
ضـــــــــيـــــــــدان:
مايبـرك للحمـول الثقـال إلا الـركـاب
احتمـل وجـنـود الإســلام لله درهــا
وإن سرى ثلثين ليلك ونجم الجـدي غـاب
سل عيوني ليش حلو الكـرى مـا مرهـا
ســــــلــــــطــــــان:
الفخـر والعـز بيـن الثريـا والسـحـاب
والمطر لو ما يضـر الديـر مـا سرهـا
مير قل لي ويش فـرق المشالـح والثيـاب
إن سبحـت ببحرهـا وإن مشيـت ببرهـا
ضـــــــــيـــــــــدان:
فرقها فرق ازرق الما على وضح السـراب
والسـراب يوهـق الضاميـه ويغـرهـا
والبلا من شعلة ما حسبـت الهـا حسـاب
واحـد منـا قدحهـا والآخــر كـرهـا
ســــــلــــــطــــــان:
مابقى في حوض الاجرب طعام ولا شراب
والجنوب من الجـرب كـل ليـل يعرهـا
لاتعاتبنـي عليهـا خـطـا والاصــواب
في ذرى روس ماطار الهـوى بـاغترهـا
ضـــــــــيـــــــــدان:
كل أبينا لقمـة بيـن ضـر وبيـن نـاب
ميـر يـا سلطـان دك الركـاب وسرهـا
واضرب أم جلال بالهرش يامـال الذهـاب
لقحة أم جـلال والا الجمـل مـا ضرهـا
ســــــلــــــطــــــان:
احسـب انـك فـارس ماتـذل ولا تهـاب
لين صرتـك المقاديـر جـوف امصرهـا
يحمي الله شذرة السيف مصقول النصـاب
أمـا عـدل ميلـة الـروس والا طـرهـا
ضـــــــــيـــــــــدان:
لاتغيّر هقوتـك فـي ولـد غانـم ذيـاب
لـو تشوفـه لابـس جوخـة مـا زرهـا
وانت في دار ابن سفيان مطـوي الكتـاب
وكـل نفـس تاليتهـا عـلـى مقـرهـا
ســــــلــــــطــــــان:
رحلة الرحالـة ماغيـر وقفـة وانقـلاب
مامسحها إلا يبـي يصطبـح مـن درهـا
من قرصه الداب حتى الحبـل سمتـه داب
يامجـرب حلـو الايـام جـرب مـرهـا
تحياتى للجميع
_________
العرض الشجري
