(مصير الحي يتلاقى) عبـارة تعمـي العشّـاق
بها العاشق يصدق لاغدى وسط الوهـم غـارق
عبارة كذب ... أما الصدق : أصلاً هالحياة فراق
إذا : أفضل كذا نكتب : (مصير الحي يتفـارق)
تعب كـل الحيـاة .. وكلهـا هـمٍّ ولا تنطـاق
ودايم في سمـا نفـس المتيـم حزنهـا شـارق
تسابقنا ظروف الوقت لوصال الحبيـب سبـاق
وتسبقنا على وصلـه وترسـل للفـرح سـارق
وكم من عاشقٍ كـان يترقـب للوصـال وتـاق
وصادم واقـعٍ أخفـى وميـضٍ للأمـل بـارق
حبيبي لا استحال الوصل كيف نترجم الأشواق؟!
زمان يتعـب التفكيـر لوكـان الذكـا خـارق
حبيبي كنت أبي أمدحك وأذكر وش كثر مشتـاق
ولكنـي شغلـت بـذم دنيًـا همهـا حــارق
لذلك قلت بالمبـدأ تـرى الدنيـا ألـم وفـراق
وترى أفضل كذا نكتب : (مصير الحي يتفارق)
للمبدع
ناصر المجماج
(مصير الحي يتلاقى) عبـارة تعمـي العشـّاق !!
العرض الشجري
