عنــــــــــــــــــــــاويني

[°ˆ~*¤®§(*§الواف]

قد يكون العنوان الشئ الذي لا يفارق الانسان اينما ذهب

وقد يحس الانسان يوما ما انه ضايع بلا عنوان فيرجع للماضي

يتابع خطاه لعلها ترشده الى عنوانه الجديد .

عناويني اخر حروف استعت كتابتها واقدمها لكم على امل ان تنال بعضا من اعجابكم ورضاكم... فان حصل فكرم منكم وان لم يحصل فمنها وعليها





انا الضاحك وانا الباكي وانا الفارح وانا المهموم

......................................... وانا اللي دنيتي عيت تبين لي عناويني

وانا اللي لابغيت اكتب كتبت بخاطرٍ مكتوم

........................................ وانا اللي لابغيت اضحك تحير الدمعه بعيني

وانا اللي لاشكيت الحظ قلتوا ياعرب مقسوم

................................................ وانا اعرفه ثمان سنين عيا ما يقديني

وانا اللي دنيتي ظلمه وليلٍ ما معاه نجوم

.............................................. ولا ادري وين ذا الايام تاخذني توديني

ضربت بكل قاع اوتاد..لكن ياقدر محتوم

............................................نشافٍ في نشاف الله من الارزاق يسقيني

ترجيتك وانا عمري ابد ما قلت لك في يوم

..............................................دخيل إخطاك يالايام روفي بي وحبيني

شربت المر والعلقم وذقت الحنظله مضيوم

.................................................. ومغلوبٍ على امري ولابه من يواسيني

وقلت اروح وادور حبيبه تنهي المعلوم

............................................لقيت اغلى عيون الكون حبيبه تفتخر فيني

عزيزة نفس ما تخطي ولا تكثر علي اللوم

...............................................ولا ترضى علي كلمه تحس انها بتشقيني

عيون الكون لو اخطي تقول من الخطا محشوم

.................................................. ....ولو اصر واعند تقول ان الخطا فيني

وتاتيني تراضيني بحب جباه ثم خشوم

..............................................تقول ارجوك لاتزعل ترى ما عاد يمديني

ترى ماعاد يمديني اطيح بحسرتي واقوم

..............................................وغلط اتك على قلبي مثل شهدٍ يداويني

وعشت اغلى سنين العمر احسب ان الهنا بيدوم

.................................................. واثاري لعبة الايام ماترضى تخليني

ودارت لعبة الايام وصرت العاشق المحروم

.................................................. ..ودارت لعبةٍ قشرا تعليني..توطيني

فقررت ابتعد وابعد بعيد وما علي من لوم

.........................................ما دام اني زرعت الورد وشوكه قام ياذيني

ابا انهي رحلة الفرقا مثل حكم العجم والروم

....................................... وابا ارثي صفحة الدنيا قبل لا الوقت يرثيني

فمان الله ياخلٍ عزيز مقدرٍ محشوم

................................................. وفمان الله ياوقتٍ بلاني وابتلى فيني

وفمان الله ياخلٍ غديت الصاحب المرحوم

.................................................. ...وفمان الله ياحرفي ويادم الشراييني

وفمان الله ياقبرٍ مداهيله مطر وغيوم

.................................................. ...وفمان الله ياقبرٍ يضم اغلى دواويني

وفمان الله ياقبرٍ شواهيده جبل ورجوم

...............................................وفم ان الله ياصبري ويا جرحي وسكيني

ابا ارحل لاخر الدنيا وازيد من العزوم عزوم

................................................وا با امشي كل خطواتي ادور ما يسليني

وباصحا منك ياحلمي ..قبل لاقول صح النوم

...............................................ابا اقلب صفحة التاريخ ادور عن عناويني




مع التحيه اخوكم المحب00


°ˆ~*¤®§(*§الوافــــــــــــــــــــــــي §*)§®¤*~ˆ°