ما يحبها .. ما يطيقها .. بس ما يبي يطلقها .. ليش؟؟؟

[ام قذيله]

الشخص هذا متزوج من 25 سنه تقريبا .. وعمره ما شاف السعاده مع زوجته .
من أول يوم زواج اكتشف فيها عيوب ، ويوم عن يوم بدت العيوب تظهر للكل. والغريب ان اهله كانوا يقولون له طلقها ( كانوا في بداية مشوار الزواج) واهو كان يرفض ويقول راح اصبر شويه __ وكل مره يقول معصب وزعلان منها ومن تصرفاتها الغير مقبوله وعدم اهتمامها لا بنظافتها ولا بنظافة غرفتها. المهم ما اطول عليكم
في يوم من الأيام كان الرجال هذا معصب ويصارخ ويهاوش ويقول لأهله خلاص انا مليت .. انا ما اقدر
مليت من وصخها .. مليت من طبعها .. ما في حتى أكل الواحد ياكلها وملابسي دايما وسخه والعيال ما في أحد مهتم فيهم. قامت امه واخته امسكوه على جنب وقالوا له يا انك تطلق يا انت تسكت للأبد .. قال ماراح اطلق
قامت الام وقالت تقدر تقولي شنو سر تمسكك فيها مع ان فيها كل العيوب اللي ذكرتها


تدورن شنو كان رده ؟؟


قال يا يمه الحرمه مالكتني

بسكوتها... مهما اصرخ او اهاوش أو اسبها .. الآدميه هذي ما تفتح
حلجها بكلمه


تصورا يا بنات على كل العيوب اللي فيها .. ولانها دايما ساكته دايما ينظر لها بعين العطف وانها مسكينه وما تطلب ولا تناقش... تشوفون كل طلباتها توصل لعندها قبل لا تطلبها ؟؟؟ لانه مثل ما يقول انها مسكينه.

جدتي قالت .. تعلق على كلامه وتقول لنا .. الرجال كل شي يتحمل الا ان الحرمه ترد عليه او تعاسره او تعارضه بطريقه غير مقبوله.


هذي مجرد قصه من الواقع قلتها لكم للاستفاده ..
منقووووول