امـــــــــــــيره من اعالي القوم منهو اللّي يساويها؟=عليها أنصب شراكي وارسم في هواها دروب
وكنّي من عظيم الشّوق ماادري كيف اناديها =انا وش حيلتي ياناس عقلي والغلا مسلـــــــــوب
انا من زود افــراحي بغيت اخطب معــــاليــــــها = تشوف العيـــــن كل اللّي على فوق الهدب مكتـــوب
قبل تزعل انا بالــــــرّوح افكر كيف اراضيـــــها=ومن كـــــثر الصبر فيني غديت من الصبر ايوب
اذا جت ترفق بحالي ... .. تطالع من اعاليــها=واشوف اللّـــــيل غطّاها على عـــــــين الخلايق ثوب
ويا بخت الّذي امسى يسمّونه مخــــــــاويـــــــــها= ويا بخت الّذي اضحى على محرابـــــــــــــــــها محبوب
تدوس من الثرى طيفه اذا داست خطاويها=ويرحل من سنــاها البدر يرحل يختفي محجوب
لها في دفتري اوصاف ما تحصى معانيها= ومن فوق المعالي انه على عرش الغلا غرشــــــــــــــــــوب
اذا ما جيّت اسمّيـــــها باسم الّلي سمى فيها = تذوّبنـــــــــي رموش العــــــين وتنسيني وش المطلوب
واذا ما قلت اباهـــجرها تلاقيــني اواسيها= ترى زاد العــــنا فيني وكنّي من الهجر متعوب
اقاسي لوعة الأيــــــــام واشرب من مآسيها= واشـــــــوف اللّي برى فيني وخلاني انا المتعوب
بغيت اشرح لها الاحساس وارحل في غناويها = لانّي ما قويـــــــــت الحين ارحل في عنا وهـــــــــــروب
ويوم اني على بابه نسيت اشلون اسمّيها ؟= اخاف ارجع والاقيــــــــــها تموت بعشقتي وتذوب
واخاف اني على عين الخلايق يوم اداريها= تنازعــــــــــــــــني باشـــــواقي عليها في الحنايا قلوب
وتفرح معشر العذال يوم اني اجافيها = وحسّــــــــــــادي يقولوا لي بفرحة يالمعنّى توب
وانا ذاك الرهين اللّي باشواقــي احاكيها= وطيف الليل بانسامه على شان الغلا منــــــــــدوب
عساها بالعنا تدري و تدري اشقد اغليّــها= والقـــــــى في هوى عمري ولو مره صبر يعقوب
عليها ذابت ايامي وانا بالحيــــــــل اطويها = اداري صفحة الماضي واسامر في هواها خطوب
واحكّل بالمنى طرفي متى ياعين الاقيها؟= ويذبحني هجير الشوق ويسرى في سناها صــــــــــــوب
امـــيره في سما العشاق منهو اللّي يساويها = صحيح اللّي يبي مــــ الشّهد يتحمل عنا اليعســـــــــــــــــوب
علي الحزمي