السلا11111111111111111111111111111م عليكم ورحمه الله وبركاته
الايام تمر
والساعات قهوه << حشى صارت قصيده
عندما تكون الساعه الثانيه ليلا والناس نيام وانت قيام وفاتح الانترنت << بكسر الظاء .وتجلس لتتصفح وتدور في المواقع وتخرج من منتدى لتدخل في اخر فان اول شئ يخطر ببالك في هذه اللحظه هو والله مدري المهمـ عاد بي شريط الذكريات الى الوراء<<ويعني العاده يعود الى الامام
وتذكرت الماضي << احسبك تذكرت المستقبل وقلت لماذا لااتوغل في بحر الماضي فالماضي جميل
وذكرياته حلوه تذكرت حارتنا القديمه مع انها هي نفس حارتنا هذي لكن الحين صار فيها زبايل اعزكم الله تذكرت ايام ماكنت دلوع جدي وكنت المدلل حتى اني اذكر في مره من المرات طلب جدي مني كأس ماء امام الرجاجيل << بضـمـ الصاد . فقلت له انقلع ورديت به فردعني بالباب ايما ردعه
وقاللي الشرهه ليست عليك الشرهه<<بضم الفتحه.على ابوك اللي ماعرف يربيك ...وكان ابي موجودا في ذلك الوقت وسمع كل الكلام فقام من مكانه متجها لجدي ونظراته تخترق جدي فخفت كثيرا وتمنيت انه يمسحها بوجهي هالمره ولكن ابوي توجه الي وبدأت نظراته تخترقني فتمنيت ان يمسحها بوجه جدي هالمره ثم بدأ بالتوجه الى عمي الاصغر ونظراته تخترقه فخفت على عمي كثيرا
ولكني لم اتمنى ان يمسحها بوجهي هالمره ثم توجه الى خالي الكبيرفقلت<<تستهبل انت ترى اللي يقرون طفشوا .فقال ولكني ابحث عن كأس ماء لجدك فقلت قطع الله سوالفك <<بفتح الضمه .لقد اعتقدتك انك تنوي شيئا اخر ماتلاحظون انقلبنا فصحى كله من القلاعيه الله لا يعودها .
المهم كانت عندي ذكريات جميله جدا جدا لكن والله مدري وين حطيتها وكل ما سألت الوالده العزيزه
قالت كلمتها المشهوره دورها منا ولا منا فأزداد حيرة على حيرتي ولكنني املك بعضا منها في
الدرج << بتسكين لام العله . لحظه بس اروح اجيبها
تأخرت عليكم معليش بس الوالد طالبني اعمله مساج اليومي اللي يبدا من الساعه ثنتين ونص وينتهي
ثنتين ونص الا خمس المهم جبت معي كم ذكرى من ذكرياتي الحلوه هذه ذكرى بعد ان بلغت الخمسه
طعشا كان الكل يقول لوالدي ماشاءالله صار رجال << كانوا متوقعين اصير حرمه يعني . فأتفاخر
يشوفوني مع ابوي اني صرت رجال اتذكر انه في يوم من الايام عندنا عزيمه فقلت للوالد لا تشيل هم
وانا ولدك اللي تبيه بسويه لك وببيض وجهك قدام الرجاجيل قال ابوي كفو والله والنعم فيك ثم توجه الى خالي الصغير لا لا امزح عليكم ما صارت كل شوي متوجه لواحد المهم قلت للوالد امرني
وانا انفذ فقالي رح جب القهوه وصبها لهم واحد واحد الى ان يخلصون وبعدين رح جب الشاهي و
النعناع وبعدها رح جهز العشاء مع اهلك وبعدها عود بقهوه جديده و و و و و و و و و ... الخ
بيني وبينكم حسيت اني استعجلت شوي في كلامي لكني قلت يالله يا ولد << غصبن عنك . صرت
رجال ولازم تتحمل المهم وصلوا بعض الرجاجيل وصبيت لهم القهوه لكن في من الرجال قام يهز الفنجال قلت وش يبي ذا وقلتله بأسلوب لطيف لو سمحت انتبه لا تكب القهوه على الموكيت فجاء
الوالد وهو يبتسم بأبتسامه فشله ورفسني رفسه حنان وكانه يقول الله ياخذك وياخذ اللي يجيبك معه عند الرجاجيل المهم كملت صب القهوه ولما هممت بالخروج واتوا باقي الرجاجيل فرجعت بالقهوه وصبيت لهم ولما هممت بالخروج << حلوه هممت هذي . اتى بعض الرجال فرجعت بالقهوه
وصبيت لهم وقلت لهم انتم الحين ورى ما تجون كلكم مع بعض مره وحده ضج المجلس بالضحك و
قام يضحك من غير نفس وقرب مني ولكزني لكزه فيها شويه المـ وكأنه يقول لا يكثر وروح جب الشاهي ولكن رح جب مويه قبل فرحت اجيب المويه وانا ماسك الجيك بيديني الثنتين << احسبها يدينك الثلاث . وانا في الطريق تعثرت بنعله احد الرجال الافاضل وانكب على وجهي شوية مويه فقلت
والله فشله ادخل عند الرجال ووجهي كله مووويه فرحت على طول وغسلت وجهي ورجعت << تصرف
نبيه. المهم انتهت العزيمه على خير حسب اعتقادي الشخصي لكن الوالد حسيت ان عيونه نظرات عتاب
وهذا طبعا بعد ما صفقني في الصاله وكأنه الى الان ما فضى حرته فيني لكن الاهم هو الذكرى الحلوه.
لحظه يا شباب صبايا فيه مشكله بسيطه احــــــــــمـ
والله مشكله يا شباب اذا كنت مندمج وتكتب موضوع في الانترنت والساعه قربت الصلاه وفجأه تهبط
يدان بسرعه الصاروخ على كتفيك لتلتفت وتجدها الوالده العزيزه وهي تقول وش تسوي الى الحين
وتجلس تناظر وتشوف وش قاعد تسوي وتقول عساك ما تروح خرابيط وسربته والا تكلم وتغازل
بنات خلق الله وانا اكون في قمه البراءه واقولها لا وش دعوه انتي تعرفيني ماني راعي هالحركات
وفجاءه تدخل عليك وحده بالماسنجر وتقول هلا حبيبي الى الان سهران فتنظر اليك الوالده بأستغراب وتقول وش هذا فألتفت بأبتسامه غبيه ودقات القلب تمشي مليون ابد والله هذا واحد من زملائي يحب يستهبل علي دايما يا حليله ويا خف دمه ما يعقل عن حركاته البايخه لكن الوالده
صراحه تفكيرها متفتح وهالاشياء تعتبرها اشياء عاديه وما تهتم لها كثير فأكتفت برفستين وكم
كف من النوع المميز وكم دعوه من دعواتها المستجابه بأن الله يأخذني والجني يخطفني والبحر
يبلعني بس
المهم في عندي بعض الذكريات من ايام الطفوله اتذكر اني اول مره اروح مع اهلي << يعني كان
يروح لحاله. واتذكر اني من اول يوم ضعت عن اهلي وصرت امشي وادج لحالي في شوراع جده
وحواريها القديمه وصرت امشي وانا كلي خوف بس الصراحه ما نزلت مني ولا دمعه كلها خلصت من الصياح اول ما ضعت المهم صرت امشي واشوف ناس اجناس واشكال وألوان وشفت اثنين قاعدين يتكلمون بلغه غربيه عرفت انها اللغه الصينيه فقلت الحمدالله الحمد الله الحمدالله الف مره اني ماني
صيني لاني بصراحه ما اعرف اتكلم صيني يعني كنت بتورط المهم صرت امشي وامشي وانا ادور اهلي ..يمكن انهم منا ولا منا على قول الوالده الله يحفظها شفت واحد يبيع خبز والظاهر انه يمني
فقلتله اهلي ضايعين وش اسوي ؟؟؟؟؟
فقاللي روح دورهم يمكن تقدهم منا ولا منا!!! قلت شكل هذا يقرب للوالده فترجيته انه يساعدني
وقلت الله يخليك فرحمني ووداني لقسم الشرطه اللي بدورهم دوروا وبحثوا عن اهلي منا ولامنا
حتى وجدوهم احتضنتني الوالده بكل حنان الامومه ودعت علي بكم دعوه من دعواتها المستجابه بأن الله ياخذني والجني يخطفني والبحر يبلعني لاني على حسب ماقالت خليتها تخاف وترتاع علي
وايضا خربت عليها طلعة السوق اللي كان الوالد واعدها فيها من يومين المهم الانسان مهما واجه من مصاعب في حياته << بقلب الف التأنيث . تبقى له ذكرى جميله في حياته الساعه الان قربت على
خمسه ونص وانا ماصليت وانا الظاهر تعودت على السهر تصدقون ان امس جلست الى الساعة
تزعه الصبح<< قالبن سوداني اشوفك.سهران وبصراحه استغربت ليش انا سهران الى تسعه الصبح
وانا سهران لكن فعلا اذا عرف السبب بطل العجب اكتشفت في الاخير اني نسيت انام.
طولت عليكم صووووووووح معليش اعزائي الكرام استحملوني شوي << فاضي ما الومك.
وتصبحون على خير.