السلام عليكم ورحمة الله وبركاته
صبحكم الله بالخير جميعاً ، لكم أطيب وأرق التحيات
عساكم على القوة والله يعطيكم العافية
يسعدني هذا التواصل بيننا جميعاً وعسى الله لا يحرمنا من بعض ولا يغير علينا هذا الاهتمام والحرس على نجاح منتدى الــود بس تعالوا احنا يمكن ننسى شغلات مهمة ما نسوويها او مو الكل يسويها طووول ما احنا مجابلين بعضنا البعض؟؟؟؟؟
طول ما احنا قاعدين نسولف مع بعض من وراء المكتب وخلف شاشة الكمبيوتر طوال النهار،، وناس تستلم بالليل ،، وأكيد يمكن في من يضع الأكل فوق المكتب ويقعد يطيح له أكل طول ما هو مجابل المنتدى (عليه بألف عافية) ،، إذا في من يسوي هالشي فعليه التوقف عن ذلك (هذا مو كلامي هذا كلام الخبراء).
كذلك يوصي الخبراء بوضع زجاجة ماء على المكتب ،، شربوا ماي يا جماعة "نهاركم عسل الصيف وصل" ،، عشان تحافظون على بقاء كمية من السوائل في الجسم وأيضا يساعد على تصفية الجسم من السموم والفضلات.
زين ،، وانتوا قاعدين تفكرون بموضوع يديد تثرون فيه المنتدى ،، مافيها شي انكم تريحون روحكم دقايق وتمارسون الرياضة وانتوا قاعدين ما يحتاي توقفون على ريولكم ،، يالله كل واحد يمد ريوله شوي يمين شوي يسار أو قوموا من على الكرسي وردوا قعدوا (جنكم تلعبون لعبة بر بحر) :D عاد تدرون الخبراء شقولون؟ يقولون انه من المعتقد أن النهوض عن الكرسي كل 60-90 دقيقة و حتى لمدة خمس دقائق والمشي حول المكتب او بالغرفة مع ممارسة مد الأطراف له فائده كبيره.
وإيييه قبل لا انسى بعد ،، تدرون ان الرقبة من الأعضاء المهمة في الجسم من خلالها يتدفق الدم ويصعد ليغذي خلايا المخ مركز الاحساس (يعني حطوا بالكم على رقابكم) ،، كل واحد فيكم يطق رقبه مافيها شي محد يشوف أحد
لالا صج الخبراء يقولون ان اي خلل في الفقرات السبع المكونة للرقبة تنتج عنه أمراض كثيرة منها الصداع وضعف قوة الأبصار أو عدم الاتزان والسيطرة على الحركة ،، عاد انتوا تخيلوا كلو احد فينا يكتب له حرفين ويختض ابمكانه ويرد يكمل له حرفين ،، فالأفضل ومنعاً للاهتزاز والرقص الشرقي اللي بصير نمارس الرياضة للرقبة.
وإليكم بعض النصائح المهمة التي يقدمها دكتور جيمس براون أخصائي العظام بجامعة كولورادو الأمريكية (مو المغني) لحمايتكم من ألام ومشكلات عظام الرقبة (عسى الله يحميكم ويكفيكم الشر) ،، شقول بن براون؟؟؟
يقول الله يسلمكم ويسلمنا وياكم ،، الحرص على عدم انحناء الرقبة إلى الأمام أثناء الكتابه ،، تصدقون عاد انا ليه اندمجت بموضوع أقط ويهي كله جدام الشاشه مادري ليش (شدعوه عليج دهنه)
زين وبعد يقول تجنبوا الحركات أو الالتفات المفاجيء (يا خوفي يطقكم عرج تالي عاد ،،،،،، الله يعينكم).
ويقول الله يخليكم عدم الجلوس وسند الرقبة على جانب واحد كعادة متلازمة ( يعني لا تنشكحون على الآخر) ولا تستخدمون الرقبة في سند سماعة الهاتف مع استخدام اليدين في عمل اي شي اخر (ولحد يقول ما نسوي جذي اتوقع كلنا نسوي هالحركة حتى بالسياره)
ومثل ما يقولون الخبراء ودكتور جميس ،، الحرص على ممارسة بعض التمرينات الرياضية لمدة 10 دقايق مرتين يوميا ،، وعسى الله يبعد عنكم الشر ونشوف المواضيع تهل وتنور المنتدى
وسلااااااااامتكم،،
تــحــيــــــ رواااااااااااااان ـــــاتي
العرض العادي
