أخوتي الاعزاء في منتدى الود الله يجعل كل أيامنا ود قولوا أمين بعرض عليكم مشكله مع واحد قريب لي وهو يبحث عن الحل معي بس إني قلت مالي إلا أخواني وأخواتي في الود هم إن شاء الله الحل .. قريبي قصته تبدأ قبل حوالي السنه وهو إن أبوه تاجر كبير يعني كاش على قولتهم مرفه على الولد اخر ترفيه بس ماهي هذي المشكله بدأت قبل حوالي عام في الرياض عند كليات البنات اللي في عليشه المهم هو في أول سنه في الجامعه يقولي مره قلت بمر أختي بدل السواق اليوم وراح على الظهريه يقول وقفت السياره وجلست استنى فيها المهم فيه بنتين على جنب ما كليني بعيونهم هو ولد محترم ماهو راعي حركات يقولي الشيطان يلعب بي واكتب الرقم وأطلع من السياره عاد هو سيارته كشخه من جد ومدري إلا وأنا قاط الرقم عليهم ومشيت المهم أخذت أختي ورحت ومضى على الموقف هذا حوالي اسبوعين حتى إني نسيته ويوم الساعه 12 ليلا إلا وهالرقم الغريب يدق علي رديت تفاجأة بنت تتصل علي ماهي معقوله وكلمه منها وكلمه مني إلى أن عرفت إنها التي عطيتها الرقم في ذلك اليوم المهم إن أخينا في الله مسوي حبيب ورمنسي على الاخر لأنه اول مره يعرف بنت وهي تلعب عليه وتسحب فيه أخونه يقولو تغير علينا مره يدخل غرفته الساعه 10 ولا يطلع إلا الفجر وهوصاحي داخلها ومطلع ثلاثه جوالات يعني غارق على قولتهم المهم إن الرجال ماشي معاها علاقه وبعد فتره سحبت عليه وطنشته هو تغيرمن جد وصار يتنرفز على أتفه سبب ضليت وراه أسأله عن سبب تغيره وهو ما يقولي أبدا وفي ذات يوم ألحيت عليه ونحن في السياره علمني بكل ما صار بينهم وقال افتح الدرج اللي امامك وطلع الاوراق المهم طلعت الاوراق وش تتوقعون والله أنجنيت ما صدقت عيني أثاري أختنا في الله كانت تستغله والاوراق هذي أوراق حوالات جمعتها وصلت 65000 وزياده وهذي الغير الهدايا والساعات والمجوهرات حتى إلى درجة إنه يقولي كنت أستأجر لهاكل يوم خميس سياره فخمه مع سواقها وتتمشى هي ورفيقاتها بعدها قالي هذا كله ما همني المهم ليش تطنشني وش مسوي والحين والله تعبان هو من جد ما يدري وش يسوي يقول أبي أعرف ليش تنهي العلاقه وأحس فيه إنه يبي ينتقم منها بس ما يدري وش يسوي ...... أنا قلت له ما في حل إلا إنك تنساها وتعيش حياتي وصراحه بعد ما هزأته يستاهل وأعتبر هذا درس له بس أبي مشورتكم كيف يعرف سبب مقاطعتها له مع أنه يحبها بجنون وهو يقول أنها تحبه بس مدري عنها وكيف يحسسها بذنب فعلتها هذي القصه حقيقه واتمنى الردود الطيبه التي نجد فيها الحل...... أسف على سوء الصياغه أعذروني .......................... أخوكم مرجان
العرض الشجري
