الحياة القـديمة بوجودالوالد رحمه الله كانت من أجمل ايام عمري...........
انا لا من ذكرت اللي مضى ضاعت براهيني
اصفق بالكفوف ودمع عيني حايرٍ فيها
أحن لعيشة الماضي واهل الدمع يا عيني
حياة مابها حزنٍ حياة زين ماضيها
تعذبني دموع العين والهاجوس يطويني
جزع قلبي من الاحزان وروحي من يسليها
تذوقت الهموم اشكال والوان وموازيني
على قدر المصيبة تكمن الآمي واخبيها
الا ليت القدر يرجع ويجمع بين غاليني
ويعود اللي رحل واضمه بروح سكن فيها
وتعود ايامنا الحلوة وذكرى الحب وسنيني
واعوض كل نقص في حياتي واهتني فيها
ولكن ليت ما تنفع ولا من الجوع تغنيني
ولا يمكن ترد الذكريات الماضية واحلى لياليها
حسافة مامضى من عمري اللي راح تكفيني
وحسافة كل لحظة عشتها من دون غاليها
ترى الذكرى بـقـت في داخلي ودايم تناديني
تسافر بي على امواج البحر وارسي بشاطيها
تذكرني بوقت فات والمقصد تبكيني
عـيـوني لا ذكـرت اللي مضـى هـلت عـبـاريـهـا
الا يا علة بالصدر الا من هو يداويني
وروحي من جروح ماضيه من هو يداويها