[poet font="Simplified Arabic,4,darkblue,normal,normal" bkcolor="transparent" bkimage="backgrounds/20.gif" border="inset,4,gray" type=2 line=200% align=center use=ex length=0 char="" num="0,black" filter=""]
أببدا بسم خالقنـا إلهـي الواحـد المنّـان = مجيد ٍ ماجد ٍ واحد ٍ يغفـر الذنـب والزلـه
وابكتب من شعوري ما دعاني لدعوة القيفان = واريدك تنصت وتسمع وتفهم ما عني كلّـه
ظهر في وقتنا رجال ٍ سقيمة كنّهـا غربـان = دلايل نعقها يكشـف خـرابٍ ساكـن ٍ حلـه
رجال ٍ رسمها رجال ٍ وهي يا صاحبي قطعان = ضعيفة نفس ما تعرف سلوم الهيل والدلّـه
تخّطت سلمها تاطى على زهرة من البستان = ضعيفة نفس ما تعرف تحامي الزهر وتظلّـه
ضعيفة نفس تاصلنا علوم ٍ عنهـا واحـزان = تبرهن بنهـا دون الـذي مطـروح بالعلّـه
ضعيفة نفس منهجها تذلل عـزة الإنسـان = ضعيفة نفس خافقها يعيش اليوم فـي غلّـه
حقودة ما بها امروة حقيقه ما بهـا إيمـان = ذهلني علمها واسمع خبرها يا الوفـي كلّـه
خبرها بنها تضرب حمام البيـت والاوطـان = حمامه قدّر الخالق تجي حلـه وتوصـل لـه
حمامه يوم اهو سيّر لبوها خاطب ٍ طربـان = رضت به تحسبه نشمي بتلقا العز في ظلـه
أثاري بادل الشيمة بشتم وعنجهـه والعـان = وضرب ٍ في جسد ماله قوى تحويه وتجلّـه
وحطّم حلمها الحاقد لدغهـا لدغـة الثعبـان = وشّوه خدها الطاهر مرق عن منهـج الملّـه
وحتى غصنها المورق تهاوى يابس ٍعريان = نزع حسنه صليف الريح لديار الوهم شلّـه
ألا يا درة ٍ عاشت مع اللي ناكـر الإحسـان = أمانة ذا عديم الـذات مـا منـا تمثّـل لـه
رفضنا منهجه ظالم وقلنا يا شبيـه الضـان = ترى أفعالك وأقوالك عن الأجـواد منسلّـه
وأنتي يا فتاة الجود ناجي بالخفـا رحمـان = يبدّل بالكدر صفو ٍ يجـوب القلـب ويفلّـه
[/poet]
اختي ديمومه
قصيدة رائعه
كعادتك اختيار رائع
يعطيك العافيه
من هذي صفاته
قليله القصيده في حقه
واعذرني على التنسيق
لانها تستحقه
وانتظر مشاركاتك
العرض العادي
