ألا يا دمعة الفرقى كفايه تعبت الأقدام
على ذاك الطريق اللي يذكرني بغربالي
طريق لا تمعنته يحقق أسعد الأحلام
طريق يحضن دموعي وله بالقلب منزالي
بكيته عقب ما مات الحبر في غالي الاقلام
بكيته يوم ذقت المر فيه ولا حصل حالي
شكيته من عذابي بعد ما طال الغياب أعوام
لقيته ما يطريني وأنا من العام يطرالي
حبيبي لا ذكرت العبره اللي تحضن الأيتام
خفق قلبي وطار النوم مني وانشغل بالي
أقلب صفحة الذكرى وأقول له الرجا قدام
واداري دمعة الفرقى ثلاث سنين بلحالي
وأعاتب من يعاتبني على ذاك الغلا ما دام
أشوف النظره اللي تبتسم لي بالوفا قبالي
أنا ودي تشوف اللي بقلبي من غلا وهيام
لعلك تذكر الماضي وترجع تحيي آمالي
زماني لو شكيتك عند دكتور الهوى ما انلام
طعونك من زمان اول عليه دمها سالي
ألا يا دمعة الفرقى أببكي من ظماي أيام
على ذاك الطريق اللي يذكرني بغربالي
للمراسله
Ana_666@yahoo.com
سيد الظلام
العرض الشجري
