من حقي اصمت وانت من حقك البوح ** حقي عتابك وانت حقك عنادي
ياصـــــــاحبي فيما تسويه مــــــسموح**خذ راحتك ذا يعتبر شي عادي
لكن فسر كل الاســــــــــباب بـــوضوح** وبعدها كل يحدر بوادي
من يـــــــوم شفتك تخلط الجد بـــمزوح**حلفت ماخلي عليك اعتمادي
كنت احسب انك بالوفــــــا جيت وتروح**واثرك كل يوم تحاول اضظهادي
تنسى وتجرح بعدما كنــــــــــت مجروح** الكره عندك رمز والحب غادي
حاولت ترتيبك وانا كلي طــــــــــــموح**تعبت ولكن ماتحقق مرادي
وجهت نقدي لك معرف ومشــــــــروح**والحمد لله بان فيك انتقادي
حماسك المعهود مامنه مصــــــــــــلوح**الجمر مهما احمر يصبح رمادي
العام ..كنت اشوفك اغلى من الــروح ** واليوم اشوفك للاسف شخص عادي