.. رُبَى يتيم .. وكان .. رابع خواته
أبوه مات .. وماترك .. لامهم .. شين ..!!
// .. ماغير .. رحمة ربهم .. في وصاته
عاشوا على .. شغل امهم .. بالفساتين
// .. وياحسين ود الثوب .. ياحسين هاته
باول حياته .. جرب الشين .. والشين ..!!
// .. هو فيه .. زين يجربه .. في حياته !!
ان راح يلعب .. عيروووه الوراعين ..!!
// .. واذا .. رجع للبيت .. مو .. من .. حلاته
يسمع " كلام امه " .. عن الفقر والدين ..!!
// .. ويضيق فيه الكون .. باربع .. جهاته
يعني بنت مستقبله .. دمعة .. العين ...!!
// .. ماعاد .. تفرق .. عن حياته .. مماته .. !!
كُبر .. وصار .. اكبر حرامي .. دكاكين ..!!
// .. يسمع .. بفقر الذيب .. والا .. غناته ....!!
لين اكفشوه .. وصارله .. أربع سنين .....!!
// .. يدعي ... لرب البيت .. بآخر .. صلاته :
يارب .. تشملني .. (( بعفو .. المساجين .. .. ))
.. وتفرج عن اللي .. يرتجنّه .. خواته ..!!