السلام عليكم ورحمة الله وبركاته
صباح الخير \\.. اعضاء المنتدى الغالي
(( ملاحظه ماراح اذكر الاسامي الحقيقه لـ هذي القصه يعني اسماء غير حقيقيه))
اولآ : هذا قصه كتبته بقلمي ولا احلل من ينقلها ابدً
ثانيا : اذا شفت تفاعل الاعضاء ان شاءالله بكملها معكم ، على امل ان تتفاعلوا
ويلا ماطول عليكم
::
اتيت لكم في قصه من واقعيه .... قصة فتاة سعوديه ..
وارجو تعليق عليها..
نبدداء القصه ... ولدت هذهي الفتاه في احد مدن المملكه .. لقد تزوج والديها عن حب .. ماطول عليكم .. المهم ولدت عام 1400 الهجري
وقد سميت بـ (( العنود ))
موضي فرحة في طفلتها الاول وثمرة حبها
ام محمد:: هاه بشرو عساها ولدة
الدكتور :: ايوه ولدة جابت بنت
ام محمد:: الله يبشرك بالخير هاه وشلونها هي وبنتها
الدكتور :: كلهم بخير ومافيهم شي
ام محمد:: اقدر اشوفها
الدكتور :: اكيد روحي ادخلي شوفيهم
ام محمد:: الله يوفقك والله يرضالي عليك
ام محمد :: الحمدالله يابنيتي على السلامتك الحمدالله الدكتور يقول انك انتي وبنتك بخير
موضي:: يمه محد دق عليك
ام محمد:: منهو الي يدق علي
موضي :: رجلي واهلها
ام محمد :: الا والله دقوا ينشدون عنك وعن بنتك
موضي:: الحمدالله هاه يمه وشرايك في بنتي
ام محمد :: اي ماشاءالله عليها الله يخليها لكم
موضي:: تسلمين يمه .. يمه ابي اطلع من المستشفى
ام محمد :: ابشري هالحين اخلي ابوك يطلعك
موضي :: طيب
ام محمد :: هلاا ابو محمد
ابو محمد :: هلا والله هاه بشر وشخباركم
ام محمد :: لا ابشرك الحمدالله كلهم بخير هي وبنتها
ابو محمد :: الله يبشرك بالخير ياوجه الخير
ام محمد :: ابو محمد تعال نبي نطلعها من المستشفى
ابو محمد :: ابشري ربع ساعه وانا عندكم
ام محمد :: تسلم يارب ياالله مع السلامه
ابومحمد:: الله يسلمك
موضي:: هاه يمه وشقال ابوي لك
ام محمد :: يقول ربع ساعه وهو عندنا
موضي:: طيب
ام محمد :: يالله قومي ابوك برى يتحرانا
موضي :: طيب هالحين اقوم
ابو محمد:: الحمدالله على سلامتك مبروك ماعطاك ربي وجعلها من ذريه صالحه
موضي:: امين الله يسلمك
ام محمد :: وش راح نسمي هالبنيه
ابو محمد :: انا ابي اسميها العنود
ام محمد:: اي ميخالف بس ابوها واهله
ابو محمد:: وشفيهم
ام محمد :: يمكن يبون يسمونها هم هذي بنتهم
ابومحمد:: انتي دقي عليهم قولي لهم انكم طلعتوا من المستشفى
ام محمد:: ابشر هالحين ادق على ام خالد
ام محمد :: الوو هلا ام خالد وشخبارك
ام خالد:: ياهلاا ام محمد والله بخير وانتم وشلونكم
ام محمد :: والله كلنا بخير
ام خالد :: عسساه ان شاءالله انكم بخير
ام محمد :: ابشري يام خالد موضي ولدة وجابت بنيه
ام خالد :: الله يبشرك بالخير وشلونهن هالحين
ام محمد :: والله بخير الا خالد وينه
ام خالد :: والله موجود
ام محمد :: المهم يالغاليه علميه انه جته بنت
ام خالد:: اكيد يالغاليه ابي اقوله وان شاءالله نجيكم نشوفها
ام محمد:: حياكم في اي وقت وماطول عليك مع السلامه
ام خالد :: الله يحيك الله يسلمك
ام خالد:: خالد ياوليدي ابشر زوجتك ولدة
خالد :: طيب وش جابت
ام خالد :: جابت بنت تقول ام محمد انها مزيونه
خالد :: بنت مابي بنت انا
ام خالد :: لا يا وليد حرام هالكلام
خالد :: اي اي طيب
ام خالد :: اي ياوليد الحمدالله هذي عطايا الله
خالد :: ونعم بالله
ام خالد :: نبي نروح نشوفها هي وبنتك اليوم بعد صلاة المغرب
خالد :: ابشري
ام خالد :: مو ابشري ولا تجيني
خالد :: الا ابد بعد المغرب نروح نبي نشوف هالمزيونه لي يقلون عنها
ام خالد :: ههههههه الله يقطع بليسك
بعد اذان المغرب
خالد :: هاه يمه جاهزه امرك
ام خالد :: ايه جاهزه حتى اختك نوره تبي معنا
خالد :: ياالله اطلعن انا عند الباب
ام خالد :: ان شاءالله
خالد :: يمه شوفي من عندهم داخل ، عمي ماشوف سيارته
ام خالد :: طيب لاتدخل يمكن خواتها عندها انا ارسل لك نوره تعلمك
خالد :: طيب
ام محمد :: ياهلاا والله با ام خالد هذي ساعة المباركه لي تدخلين بيتنا
ام خالد :: هلاا فيك والله يبارك فيك ويبارك لك في عيالك
ام محمد :: تفضلين داخل
ام خالد :: ام محمد مين عن مرتنا
ام محمد :: محد عندها
ام خالد :: اجل خالد يبي يدخل يشوف بنته ومرته
ام محمد :: خليه يدخل ابد مافيه احد
ام خالد :: روحي يانوره خلي اخوك يدخل يشوف بنته
نوره : ان شاءالله
نوره :: خالد تعال مافيه احد
خالد :: متاكده نوره مافيه احد
نوره :: ايه
خالد :: طيب
ام محمد :: هلا والله ياوليدي ومبروك ماجاك والله يجعلها من ذريه صالحه
خالد :: هلا فيك ياخالتي والله يبارك فيك وعقبال محمد ان شاءالله
ام محمد :: الله يسلمك يارب ادخل مافيه احد
خالد :: هلاا موضي الحمدالله على سلامتك
موضي :: الله يسلمك وشرايك في بنتنا مزيونه صح
خالد :: اي
موضي :: وشفيك خالد
خالد :: مافيني شي
موضي :: مدري والله بس حاسه انك منت فرحان فيها
خالد :: تبين صحيح
موضي :: اي والله
خالد :: الحمدالله على كل حال بس انا ابي ولد مو بنت
موضي :: خالد هذي اول مولود لنا المفروض تكون فرحان
خالد :: ايه الله يعين
ام خالد :: موضي خالد يمزح والله فرحان يوم علمته انك ولدتي وجبتي بنت له
موضي :: والله ياعمتي مدري عنه
خالد :: المهم هالحين نبي نمشي
ام خالد :: ياوليدي تونا جاين نبي نشوفها
خالد :: انا ابي اطلع برى يالله لاتأخرون علي
ام خالد :: ان شاءالله ياوليدي
موضي :: وشفيه هذا ياخالتي
ام خالد :: والله مدري وشفيه المهم انتبهي على نفسك وعلى بنتك
موضي :: ان شاءالله عمتي
ام خالد :: وشفيك انت ياوليدي ليه مانت فرحان في بنتك
خالد :: لا ماني فرحان
ام خالد :: الله يهداك بس اسمع عاد ترى ابو محمد يبي يسميها العنود
خالد :: بكيفهم
ام خالد :: على راحتك ياوليدي
ملاحظه .....
(( بعد مرور اكثر من 6 سنوات ))
الجزء الثاني :::
العنود : يمه يمه بسسسسسسسسسرعه تأخرت
موضي : ههههههههه والله ياخالد بنتنا بتطلع دافوره بالمدرسه
خالد : افلقيني بس اذا طلعت
العنود : بصير دكتوره عشان اعالج بابا
خالد : اوما تعالجني ، ليه شايفتني مريض
العنود : ايوه انت بس تهاوشني والي يهواش كثير يمكن يمرض
موضي : العنود عيب هذا بابا
خـالد : العنود
العنود : سم بابا
خالد : يالله روحي جيبي شنطتك من فوق
خالد : والله ياموضي قدرتي تلعبين بعقل بنتك
اجل انا مريض
موضي : استغفرالله العظيم انت وش جاك
خالد : وش الي وش جاني اسالي نفسك ياالفهيمه
موضي : ياربي ترى ماصارت كل صبح على هالموال
خالد : الين ماتعدلين اتعدل انا
موضي : انت مدري وش الي صاير فيك من عقب ذا البنت
صاير ماتبيني ولاتبيها ، قلي بالله وش الي صاير يمكن انا مافهم
خالد : اما سالفه ماتفهمين من زماااااااااااااااان ماتفهمين مو جديده ذي
موضي تذرف من عيونها دمعه ..
خالد : ياليييييييييييل ، موضي وراك والله ماقصدي شي
موضي / ولايهمك لاتــأخر على البنت
خالد : طيب طيب بروح اودي هالدافور واذا رجعت اعرف اتصرف وياك ياعسل
موضي تضحك باستحياء ..
في السياره ][
العنود : بابا
خالد : هاه
العنود : بابا انا سمعتك تهاوش ماما
خالد : ومن قال اهاوشه انا بس اكلمه وبعدين انتي وش الي مخليك تسمعين علينا
العنود : انت صوتك مره كبير
خالد : اها طيب وش عندك يالمحاميه
العنود : وااااااااااااااااااااااااااااااااااااااااااااااااا اااو هذي مدرستي
خالد : هههههههههههه والله شكلك صدز بتطلعين دافوره
العنود وتطير عيونها وبراسه مليون استفهام
خالد : يالله يابابا انزلي وسمي بالله وماتطلعين لين مانادي اسمك
العنود : طيب بااااااااااااااااااااااي
خالد : باي ، والله هالبنت مدري كيف مستحملها ...؟ مادخلت قلبي ابد
يالله نرجع نراضي اومها لاحووووووووووول ذا الزواج احسبه راحه مير طلع سقم
::
نوره : يمه وين فارس
ام خالد : والله مدري
نوره : شلون ماتدرين بق نص ساعه على محاضرته
ام خالد :: والله مدري وينه والبارح مانام فالبيت
نوره :: يمه لاتسكتين له وربي راح يضيع مستقبله
ام خالد :: ان شاءالله هالمره ماراح اسكت لها
نوره :: والله ياميمتي ماضنتي تبين تقولين له شي
ام خالد : وش اسوي انا والله مابي حيل والسكر ذبحني
نوره :: هو ماغير ماسك هالكلمه وش تبون ماعليكم مني امي راضيه
ام خالد : طيب وهالحين انتي بدال ماتعطيني هالمحاضرات الي انا بغنى عنها
ليه ماقومتي سهى
سهى :: افا بس يام خالد عريضه طويله قدام عينك وماتشوفين اهئ بس ياحسرتي على شبابي
نوره : هههههههههههههههههههههههههههه عاد وش دخل شبابك
ام خالد : هههههههههههههههه والله انها الخبله
سهى : وهـ بس اذا انا خبله يازين خبالي اقول ياقلب سهى ماجهزتي الفطور
نوره / وش رايك بعد تفرشلك الارض ورود
سهى : والله مانقول لا ههههههههههههه
ام خالد : اقول قوووومي قوووومي قوووومي يالله لاترفعين ضغطي
سهى : طيب طيب لاتدفين ههههههههههههه
نوره وام خالد يضحكون على سهــى
][ تعريف / سهى اخت خالد عمره 17 سنه تدرس سنه ثاني ثانوي / نوره اخت خالد بعد عمرها 29 سنه مطلقـه متخرجـه في انتظار الوظيفـه
فارس عمره 19 سنه يدرس سنه اول جامعه تخصص هندســه بس انه داج فيها خخخخخخ الموهم ماطول عليكم يالله نكمل ][
خالد : ياااااااازين الصبح على طلة احلى البشر
ام خالد :: ايه ايه امدح فيني ههههههههه
خالد : افا بس انا الي امدح فيك ؟ انا اقول الصدز ترى من كثر مامدحك احس روحي بتطلع واخذ روحك منك واحط روحي فيك
نوره : مير الولد قام يخبص بالكلام هههههههه
موضي : ماعليك تاثير الحب ذا هههههههههه
خالد : والله انكن سوسات جب بس لاهفكن
ام خالد :: اقول ياخالد ماشفت فارس من امس ماشفناه
نوره : و ازيدك من الشعر بيت اليوم شكله والله اعلم انه مادرس
خالد : لاحوووووووووووول بذا الولد انا وش اسوي فيه
موضي : تكلم معه بالهدوء
خالد : وش هدوئه انتي تبيني اصير مثلك
موضي من الفشيله قامت من المجلس
ام خالد : وش هالكلام ياوليدي ترى موضي ماقالت شي وكل الي قالته صحيح هذا مراهق
نوره وده تسال سؤال بس سكتت
خالد : ايه خليني يمه منها بعد شوي ترضى
فارس : السسسسسسسلام عليكم ياقوم العرب
الجميع : وعليكم السسسسسسسسسلام
نوره / لا كان طولت بعد ماله داعي جيتك والله بدررررررررررررررررررررري
فارس : والي يرحم اووووووووووومك هههههههههههههههههههه
ام خالد : وين كنت فيه ..؟
فارس : والله ياميمتي اني عند ولد خالي سعود
خالد : والله ودجه ثنينكم
نوره :: هههههههههههه اقوووول فروس
فارس : هااااااه وش تبين بعد / بتزيدين ولاتنقصين هاهاها يابيخي
سهى : دييييييييييييييييييييييييييييي انا جيت ياحلوين
خالد ويضحك : دي بعينك بالله كم عمرك انتي
سهى وتبوس راس اومها : والله ياخالد للحين قعدتكم اذا جابت اومي مولود جديد خلاص اكبر
ام خالد : سهى عمى ومن وين اجيب هههههههههههههه
نوره : الله يرحمك يابوي
فارس : اوووووووووووووهو تبين اجيب منديل هالحين الصاله تصير مسبح
سهى : اقول فارس علمني والله ماودي اتسبح
خالد : ههههههههههههه ماودك تسبحين الا قولي ماعندك ماعند جدتي بالسباحه
فارس : وش جدتي الا عندها ، ياخوي اختك ذي زيرو بالسباحه
نوره : اقول والله انكم اكلتوني وانا حيه
فارس : عادي طليقك اكلك قبل وليه انا ماكلك
نوره : والي يعافيك اسكت
وتدخل عليهم موضي بالستعجال
موضي : خالد
خالد مايرد
موضي : خاااااااااااالد
خالد : سمي
موضي : الساعه وحده
خالد : طيب وش اسوي
الجميع بالذهووول من كلام خالد كنه ناسي شي
موضي / وشلون وش اسوي قووووووووووم جيب البنت
ياقلبي يابنتي الحين ذابحته الشمس ولاتدري وين تروح
خالد : وهذي شلون راحت عن بالي يالله مع السلامه
سهى : يالله بسسسسرعه هذي دكتورة المستقبل
الجميع ههههههههههههههههه
::
هــلآا : مساء الخير
فاطمه : مساء النور
هلاا : وينك يادووووووووووبا والله انك البايخه يعني اذا اعرستي نسيتينا
فاطمه : هش بس وش ابي فيك وانا طايحه بالعسل
هلاا : نيالك بس اقول اخطبيني لخو زوجك
فاطمه : اقول وش رايك بس اعطيك زوجي بلاش هههههههههههه
هلاا : ماقول لا
فاطمه : انزلعي بس والله لاسكر الحين ولا ادق عليك ولا ارد لمدة نص ساعه
هلا : ههههههههههههههه لا لا تكفين طوووولتي
فاطمه : الا اقول موضي وشلونها وشلون الكتكوته
هلاا : تسسسسسلم عليك يابعدي
فاطمه : امش يانصب
هلاا : كانه دقه فيني الموهم بخير
فاطمه : يالله باي جاء فيصل
هلا : روحي الحقي عليه بس هههههههههه بايو
][ هــلآ اخت موضي الوحيده عمره 22 سنه تخرجت حديثً ، محمد اخو موضي وبالاجزاء ماظهر عشان كذا يمكن ماتعرفونه بس باذن الله له ظهور ][
يتبــــــــــــــــــــع ][ ودي اروح واجي الاقي رودود < مستعجله ههههه
العرض العادي
