حبايبي هذي قصيده للشاعر المليون ابن فطيس سمعتها البارح جره ربابه بصراحه هزتني وحبيت انقلها لكم كامله .... اتمنا ان تقضون وقت سعيد معها الضيقة اللـي دايـمٍ تالـي عصيـر ...وش حيلتـي وأردهــا لا تجيـنـي لا طال ظل العود حزة عشـى الطيـر ....كنها على سجـن الحديـد تحدينـي يضيق صدري كل ما جـات وأسيـر ....ولايخفـف سـوج رجلـي حنينـي لا حولنا مشـراف ولا اقـدر اطيـر ....يالله قسـمـة خـيـر لا تبتليـنـي وعقارب الساعة توقف عن السيـر ....ولاكن في الدوحة سواتـي حزينـي والعبره اللي تاصل الحلـق وتحيـر ....يا قربها لو قيـل لـي يـا عوينـي أمل شـوف النـاس ورد ومصاديـر ....واللي يقول اشفيـك كنـه يهجينـي يعني على ما قيل من بـاب تصويـر ....(لاحدٍ أبي قربـه ولا أحـدٍ يبينـي) أروح أدور خـط مـابـه دواويــر ....وأدور الـلـي هـادهـا تهتديـنـي وآخذ مع الهاجـوس سجـة وتفكيـر ....وأراجع اللـي فـات بينـي وبينـي وأحسـب ذنوبـي وأدور التكفـيـر ....عساي مـا قصـرت فـي والدينـي وعساي ما قارنت من ينفـخ الكيـر ....واللي يحمل المسـك جعلـه قرينـي ويطري علي يوم الحشر وأطلب مجير ....ما أعطى كتابي في شقيقـة يمينـي ويطري علي صدقان كثـر الدنانيـر ....اللـي اتعادينـي إلا كـثـر ديـنـي وراعي الهروج اللي سوات المناشير ....أصـد عنـه وأدري انـه يعنيـنـي الله حسيبه يـوم عـرض القواويـر ....والله حسبـي مـن صـواب مكينـي وإلا طرالـي واحـد كانـه اصغيـر ....أم أصغـر بيومـيـن ولا سنيـنـي دريت وش قومـي وعينـت تفسيـر ....للضيقة اللـي مـن زمـن تعتلينـي حبه بصدري سالفة سـر فـي بيـر ....وكـن الفـواد يقـول هـذا زبينـي أشفق على علمٍ يجي منه مـن غيـر ....لا يسمع اللي سولفـوا بـه ونينـي يا كثرهم غيرهم ولكـن خبـر خيـر ....ما غير شوفه في الوجـود يهنينـي رايي كـذا يـا عاشقيـن الغناديـر ....ماله على وجـه البسيطـه وزينـي العام أجيهم مـن حسـاب المساييـر ....واليوم حـال عـداي وينـه ووينـي خطاي تعليق الأمـل فـي المدابيـر ....اليـن راح وشفـت حقـري بعينـي صبرٍ جميـل وخابـر إنـه مقاديـر ....والله على تخفيـف حزنـي عوينـي ذي حالتي لين اتغبا الشمس واصيـر .....معطى سراحي عقب مانـا سجينـي واذا امتلى جوف الشجر بالعصافيـر ....طلبـت مـن رب العبـاد يهديـنـي يعتقني المذن عقب ضيقـة عصيـر ....اللي على سجـن الفـراق اتحدينـي وسلامتكم .............
أخي / الامير النايف مسائك / دخون العود / أخي صح لسانك 00 وعلا شأنك \\ جميل 00 عزفك هنا !! تسلم على النقل 00 والاختيار يعطيك العافيه سوف تنقل للقسم 00 المناسب لك تحياتي وتقديري
يالروعة مانقلت قصيده معروفه للشاعر المبدع محمد بن فطيس اليامي رائعه من جد رائعه
مشكور أخوي ع النقل الرائع تحياتي أحبك منذ مبطي
صح لسااااااانك ولسان شاعرها ,, ولتنويه:القصيده لأبو محمد اللي هو فطيس المري ماهي لشاعر المليون ,القصيده عرفت قبل برنامج شاعر المليون ... ودمت بخير
الأمير الناااايف صح لسان قايلها وتسلم يد ناقلها قصيدة جميلة وراااائعة ومكانها ليس هنا سوف تحظى بالقسم المناسب ألا وهو"المكتبة الأدبية " دمت بخير
هلا و غلا الامير النايف سلمت على القصيدة الرائعة ،،،
اقتباس صبرٍ جميـل وخابـر إنـه مقاديـر ... والله على تخفيـف حزنـي عوينـي شكرا لك اخوي الأمير على نقل القصيدة الرائعة للشاعر الكبير محمد بن فطيس وياليت يتم تزويدنا بمقطع صوتي للقصيدة إذا أمكن تقبل مروري
قصيدة تهز جبال مو قلوب شكرا اخي فقد ابدعت بالقل ابن فطيس من الشعراء اصحاب اسلوب فريد وقصيدته هذه تمثل ذلك الاسلوب الذي ينفرد به ابن فطيس وماقصر صالح بان مانعه فقد انشدها بلحن يتوافق مع الكلمات شكرا اخي للمرة الالأف فقد اتحفتنا .
هذه قصيده روعه يا الأمير نايف لو أن أسم الأمير نايف غير أسم له الأحترام و أنت لك أخ الأمير نايف لك مني الأحترام
العرض العادي
