يسعد أيامكم جميعا"
أخترت لكم قصيدة أعجبتني للشاعر ثامر شبيب الدقباسي
*
*
تعبت اقول لضيقتي سهود ومهود=اليا متى هالعذر بيكون عذري
البارحه يوم اكثر العالم رقود=عادت علي اللي تجي منين مدري
الضيقه اللي كل ماراحت تعود=مكانها مابين قلبي وصدري
ناس ن تنام مدهّنه في دهن عود=وناس ن تنام مدهّنه بزيت مقري
لا واهني اللي حلاله من الذود=تسعين وضحى كل ما ضاق يسري
يسج معها كل ماهبت النود=يتبع مسيل السيل في القاع يجري
ماهوب مثلي من اقرب الناس مجحود=الله يسامح من طعني بظهري
لو تستحي من فعلها ايامي السود=كان استحت مبطي ولا طال صبري
قدمت بالموجود ال خاطر الجود=لين التفت ولا بقى شي حدري
عطيت من عمري ولا شفت مردود=ياللأسف للناس ضيّعت عمري
واذا فرحوا واجد على طيحة العود=هذا دليل انه فعل شي يغري
بوقف لحالي واتبع الطيب والزود=أشرّه علّي ان صغّر الوقت كبري
ماني على بعض المخاليق محدود=اموت مانزّلت للناس قدري
للشاعر ثامر شبيب الدقباسي
*
*