تنثري غدر ٍ وألملمْك فرقا =.... حلّي غياب ٍ وارحلي وجْه نسيان
وتجرّدي بحر ٍ لبس ثوب غرقا =.... والا جميل ٍ تسكنه روح نكران
أو انحدار بْصورة شموخ مرقا= .... وإلا عقوق ٍ في ذرى برّ واحسان
وإلا نشاز ٍ!. غرّد بْصوت ورقا =.... أو غصْن شوك ٍ جاور زْهور بستان
إثر الطيور اطْيور!. تنزل.. وترقا =.... والطبع ميّز بين هدهد .. وشيهان
جنوب.. وشمال ٍ.. وقبله.. وشرقا =.... جهات!!.. لكن فرْقها فرْق الأزمان
طرقت باب الحب للقلب طرقا =.... مثل النمل.. للموت حلّق بجنحان
وسافرت يمك والمسافات عرقا =.... ودروبها تصخب متاهات .. واحزان
ووصلت لك لاهث والاقدام زرقا= .... وسلّمت لك عمري بلا شرط واثمان
والحين نادم والحسافات حرقا =.... واللي مضى ماشيّد ب ( ليت ) بنيان
اليوم صيري غدْر واصير فرقا= .... إمسي غياب ٍ وانفجر صبْح نسيان