كانو هناك أربعة من فطاحلة الشعراءهم
المتنبي الفرزدق وامرؤ القيس وجرير
المهم
الشباب راكبين موتر المتنبي (الميتين أل) وطالعين يتعشون بروست
طبعا امرؤ القيس هو الشايب فيهم لأنها قافله معه لأنه ما يحب طلعات
نص الليل لأنه مايشوف ................ وكان كل شوي يلمح للشباب ويقول
>" ألا أيها الليل الطويل ألا أنجلي ***بصبح وما الأصباح منك بأمثل"
بس الجحلط جاحدينه لأنهم يحبون الفرفره في الشوارع...
عموما المتنبي وهو يسوق حده واحد من عليميه السواقه في الرياض
وما حلمو وعلمو الشعراء إلا وهم محضرين في إشارة تقاطع العليا مع الثلاثين ....
طبعا .....
انقهر المتنبي وقال لذا العليمي
>"من لم يمت بالسيف مات بغيره***تعددت الأسباب والموت واحد"
الفرزدق وجرير (اللي كانو راكبين ورا) ما كانو فاضيين له
تخيلو الفرزدق وجرير جنب بعض(أنواع النقار بينهم أربع وعشرين ساعة)
وما انتبهو لأحد
لكن المتنبي استغرب
لأن العيال هجدو فجأة
ماهيب عادتهم......
أثاري الملاعين قاعدين يكحلون
وياليتهم شافو شي
كلها طرف عبايه راكبه جمس ومظلل بعد
تهيض جرير(عاد هو مايبيله كلام أدنا ما هيضه)وقال
>"إن العيون التي في طرفها حور****قتلننا ثم لم يحين قتلانا"
عاد قام يتطلب المتنبي يبيه يلحق الجمس
عاد المتنبي يوووووووووووه أنواع الغرور في ذاك الآدمي
رد عليه: ما بقي إلا هي
أنا المتنبي اللي
>"الخيل والليل والبيداء تعرفني*** والسيف والرمح والقرطاس والقلم"
ألحق جمس وأفرض ياخي كبس علينا أبو العتاهيه بجمس الهيئة
بتنفعنا أنت ووجهك
قفلت مع جرير
وبغى يتضارب مع المتنبي
ولأول مرة في تاريخ الشعر العربي يتفق جرير والفرزدق على نقطة معينة
بس الفرزدق جابها بأسلووووب
وقام يقردن المتنبي عشان يلحقهم
وهاتك مدح ويدحلس في المتنبي وقال
>"هذا الذي تعرف البطحاء وطأته***والبيت يعرفه والحل والحرم"
وصولا إلى.......
>"ما قال لا قط إلا في تشهده****لولا التشهدكانت لاؤه نعم"
عاد في الأخير انتفخ راس المتنبي وقرر يلحقهم
وهات يا طريدي في العليا إلى طريق الملك إلين مسك الجمس
الدايري الشمالي والأخ محضر وراهم
عاد امرؤ القيس كان مكبر راسه من ناحية البنات
بس كان فاك مع الجمس حقهم(82 يلاعب الهوى)
ومافيه إلا غزل في الجمس :
>"مكر مفر مقبل مدبر معا****كجلمود صخر حطه السيل من عل"
المهم بدا الجمس يبعد عن العيال
وصار جرير يتريق على عزم الميتين أل ويقول للمتنبي
ومزعجنا وأنت اللي تقول
>"على قدر أهل العزم تأتي العزائم ****وتأتي على قدرالكرام المكارم"
وأخرتها طلعت الدعوى
بكش
قفلت مع المتنبي وقال للفرزدق:
والله بعذرك فيه
والله يلوم اللي يلومك
يوم أنك تكرهه هالسنين
وبعدها ردها المتنبي في اثنين
ويدووووووس
وبقدرة قادر صادو الجمس في الملز
لز المتنبي جنب قزاز راعي الجمس وقال لجرير:
يالله يالمتفلت ورنا شطارتك
رد جرير:
اعتبر الموضوع منتهي
وياحبيبي سحبنا بنات كلية عليشة على وجيهههم
وبعجز عن
ذوووووولي!!!!!
قام جرير يشر جنب راعي الجمس
عاد البنات ما صدقو خبر
أول ما أشر جرير فتحو القزاز
وكانت صدمة ما بعدها صدمة!!!!؟؟؟؟؟
وش ذا المقاشع
ولا شلة طقاقات عام 1401
العيال أنصرعو من شدة المفاجأة
والبنات جاتهم صدمة من ردة الفعل
جرير كان متأثر وقال لوحده من البنات:
>"فغضي الطرف إنك شيفة***فلا باسكال بلغتي ولا ديانا"
طبعا بعد كذا الموضوع صار مكهرب في الميتين أل
والمتنبي يقول لجرير:
شفت ياالزلابة
وش أنا قايلك
مشورتنا على الفاضي وفي النهاية
طلعت الدعوى هش فش!!!!
في هذا الوقت
لمح المتنبي موتر من هاالمواتر اللي كأنها حصالة(فلكس واجن بيتل)
كان يلحق بنات
فحب أنه بنبههم علشان ما ياكلون نفس المقلب
بس يوم دققو العيال في الموتر اللي كأنه حصاله
عرفو من اللي فيه
قال الفرزدق
والله إني قايل موضوع فيه غزل وبنات لازم يكون فيه أبو نواس
رد جرير: شف أبو نواس ذا المصلحجي جايب معه عنتره
علشان لو طلع الموضوع فيه حارش>>>مارش يطلع مزبن عمره
المهم في الجهة الثانية
كان عنترة يتميلح جنب البنات
المهم ناظر من الفتحة وهو يقول:
>"ولقد ذكرتك والرماح نواهل ***مني وبيض الهند تقطر من دمي
>فوددت تقبيل السيوف لأنها ***لمعت كبارق ثغرك المتبـــــــــسم"
عاد من بعد هالحظه
ضاق صدر المتنبي كذا لله في الله
وقال لأخوياه
والله محد يحقر نفسه
حتى ذا الشين قام يغازل
وبدون مقدمات فتح المتنبي القزاز
وقام يقول لعنتره:
>"لا تشتر العبد إلا والعصا معه ****إن العبيد لأنجاس مناكيد"
عاد عنتره سمع المتنبي وإلا ما سمعه؟؟؟؟؟
ويولللللللللللللللللللللللللع
عاد أبو نواس يحب الشر
طنش البنات وحاتك طرد ورا العيال
وقام أبو نواس يكبسلهم
ويقول لهم مسوين فيها زعطه
ويوم جاء الجد أنحشتو "وإلا كلام الليل يمحوه النهار"
لكن المتنبي أشر لهم وقال الوعد في التخصصي
في هاللحظه
أبو نواس دخله الخوف
وقال لعنتره:
هم أربعة (وحنا أثنين والمازدا ما تكفينا)
واحيانا الكثرة تغلب الشجاعة
وأنا أخوك
قال عنتره :
أقول يا ولد أجل همك
ما عليك بأدق على أكبر مشكلجييييييييي بالرياض !!!!!!!!!!!
قال أبو نواس:
منهو:
قال عنتره :
ههههههههههه من غيره
ا
لسنايدي اللي على الدين
تأبط ....شرا
قال أبو نواس:
عزالله اللي راحو فيها
بس المشكلة إنهم يوم دقو على جوال تأبط شرا لقو الجوال مفصووووول
صرخ عنتره:
أفاااااا قعدنا بها؟؟؟
قال أبو نواس:
ولا قعدنا بها ولا شي
أصلا دايم تأبط شرا نلقاه متكي يعسل وبلوت وسوالف
في أستراحة أبو تمام
دق عليه هناك
دق عنتره على الإستراحة ورد عليه أبو تمام
سأل عنتره عن تأبط شرا
قاله أبو تمام:
إن الرجال طلع مشوار وجاي
قال عنتره طيب أسمع
ترا الموضوع كيت وكيت وكيت ولازم العلم يوصل للرجال
قال أبو نواس :طيب
يا أبو تمام بتجون وإلا لا
قال أبو تمام أفا علييييك
>"السيف أصدق أنباء من الكتب ***في حده الحد بين الجد واللعب"
أزهل الموضوع
يا ترى يا حبايبنا وش بيصيييييييييييييييييير بالتخصصي ؟؟؟؟؟؟؟؟؟؟
مع تحيات الامبرااطور...
منقول
العرض العادي
