الشاي
سأل واحد صاحبة وقال له: لماذا يضع الناس اللبن على الشاي فقال له: لكي يرضع التفل
واحد غبي سأله المدرس ليش يدق القلب اجاب .... علشان ترقص المعده
حفايظ الطفل السعيد
فيه حرمة قالت لولدها اشتر لخوك حفايظ الطفل السعيد، راح الولد للصيدلية وحاول يتذكر الاسم لكنه نسى، قال للصيدلي: عندك حفايظ البزر المستانس.
معاد في محل فاضي
واحد عازمله قروي على الغداء ويوم خلص قام القروي وكلا الفاكهة ثم قاله المعزب شف الجلي على يمناك قام القروي وكلاه ثمن قاله شف الكريمة ورا قام القروي وكلاها ثمن قاله شف الكلينكس على يسارك قام القروي وقال كثر الله خيرك معاد في محل بالمعدة فاضي
--------------------------------------------------------------------------------
انا الفايز
واحد قروي قاعد عند مكينة ببسي وكل شوي يحط ريال ويسحب ببسية جاله واحد وقاله ياأخي اخلص قال القروي لا تصجنا دامني افوز ابلعب
--------------------------------------------------------------------------------
كيك بالطماط
واحد راح للمخبز وقال لهم عندكم كيك بالطماط ؟ قالوله لا جا ثاني يوم وسأل نفس السؤال ، قررالمخبز يسوي كيك الطماط يوم جا الرجال وقال عندك كيك بالطماط قال راعي المخبز وهو فرحان ايوه قال الرجال الله يحوم كبدك
--------------------------------------------------------------------------------
وين التنسيم
واحد حلق صلعة بالموس وحط راسه بسطل موية يبي يشوف من وين التنسيم
--------------------------------------------------------------------------------
الكسل
واحد كسول جداً راح للحلاق وجلس على الكرسي منزل راسه قاله الحلاق شعر ولا دقن قال الكسول دقن قاله الحلاق ارفع راسك قال الكسول لا خله شعر
--------------------------------------------------------------------------------
بطاقة فيزا
واحد قروي طلب امر شراء بالانترنت وطلب البرنامج رقم ومعلومات كرت الفيزا راح القروي وحط الكرت في محرك الأقراص المرنة وطلعة بسرعة
--------------------------------------------------------------------------------
الببسي الثاني
اثنين راجعين بالسيارة من الشرقية وقفو عند محطة نزل السواق عند البقالة وراح الثاني لدورة المياه اشتري السواق حبتين ببسي وركب السيارة ومشى بعد يومين اتصل عليه أهل خوية قالوا له وين فلان ما رجع معك قال وانا اقول الببسي الثاني منهوله
--------------------------------------------------------------------------------
معسكر الثمامه
اثنين معسكرين بالثمامه وراقدين على ظهورهم بالليل ناظر الأول للسما وقال للثاني وش تشوف قال اشوف نجوم كثيرة قال هذا وش يدل علية قال الثاني قال الثاني ان فيه مجرات وكواكب غيرنا في هالكون قال الأول هذا يدل ان سقف خيمتنا انسرق يا دايخ
--------------------------------------------------------------------------------
الخرفان
فيه خروف يلحق أسد ليه ؟؟ ( بايعها )
خروف انباع ولده بالسوق سأله باقي الخرفان وين ولدك ؟ قال ممباع
خروف يصيح وسط شنطة السيارة ليه؟ يبي يركب قدام
--------------------------------------------------------------------------------
المكيف
واحد نايم فوق المكيف، ليش ؟؟ . الدكتور قال له: لا تنوم تحت المكيف
--------------------------------------------------------------------------------
السيارة
ناس راكبين مع سواق كلما سوا حركه سووا معه، اذا التفت يمين التفتوا معه، واذا التفت ورا التفتوا معه، سألهم واحد: انتم اللى تسوقون عنه؟ قالوا: لا، احنا قاطين معه في السياره.
--------------------------------------------------------------------------------
الواسطة
واحد راح للمرور يبي رقم لوحة جديدة وترجاهم ان تكون أبو حمد لأنه ابنه حمد الوحيد حاولوا إقناعه بأن الأحرف ثلاثة فقط ومع كثرة رجاه عطوه الرقم الجديد ثلاثة أحرف ( حمد ) وعند ما وقف في إشارة شاف لوحة مكتوب عليها( أبو ظبي ) قال هاه ( والله الواسطة )
--------------------------------------------------------------------------------
زمزميه فاضية
واحد أول مرة يروح للبر ، وصاه زميله يجيب معه شاهي، جاب معه زمزميتين واحده مليانة والثانية فاضية، يوم جلسو قال زميله وش هذي الترامس ، قال هذى وحده مليانة للي يبي يشرب شاهي، ووحده فاضية للي ما يبي يشرب شاهي
--------------------------------------------------------------------------------
حلم مرعب
ولد شاف حلم مرعب ، شاف اسد يبي ياكله ، قال لآمه: شفت حلم ان اسد يبي ياكلني قالت : وش قلت له : قال قلت له :تبي تاكلني ؟ قالت امه : وش قال لك، قال : قال الأسد هذا راجع لك الحلم حلمك مهوب حلمي
--------------------------------------------------------------------------------
جنون البقر
فيه قروين لما سمعوا بجنون البقر قام البقر عندهم يتناقش وش يسوي قبل ما يذبحونهم اتفق البقر انه ينحاش انحاش البقر قام حمار وصار يركض معهم استغرب البقر وسألوه أنت وش دخلك في الموضوع قال الحمار: عاد هم يفرقون بيني وبينكم.
--------------------------------------------------------------------------------
بيع ببسي
فيه وحده قروية تبيع ببسي سألت عن افضل مكان للبيع قالوا لها الصين: سافرت للصين وصارت تبيع أول يوم باعت كثير وبقى آخر حبة جاء واحد بيشتريها قالت: ياوليدي ترى بينشق بطنك من اليوم وانت تشرب.
--------------------------------------------------------------------------------
التذكرة
واحد راح يشتري تذاكر، قال الموظف:"تبي ذهاب وإياب أو ذهاب فقط؟" قال: ذهاب وإياب، وهو طالع كان يضحك ويقول:"لعبت عليهم أباروح ولا نيب معود"
--------------------------------------------------------------------------------
محو الأمية
وحده في محو الأمية سألتها المدرسة:"أبغى جملة فيها إدغام بغنة"؟ قالت:"عمن يعميك".
--------------------------------------------------------------------------------
مريصيعات
نفس الحرمة سألتها مدرسة الرياضيات:"وش هذي 5555"؟ قالت:"هذي الله يعافيك مريصيعات".
--------------------------------------------------------------------------------
العزاء
عجوز راحت تعزي ناس ميت ولدهم سألتهم وش صار، قالوا لها: طاح عمود على رأسه، قالت:"أشوى، يوم الله فك عينه ماجاها شيء".
--------------------------------------------------------------------------------
لبس الرشرش
غبي سافر لأمريكا شافهم لابسين سلاسل، قام ولبس رشرش.
--------------------------------------------------------------------------------
المضيف
واحد قروي صار مضيف، بعد ما طارت الطيارة راح للطيار وقال:"متى نقلط".
--------------------------------------------------------------------------------
كليجة
واحد شاف كليجة لأول مرة، صار يطقها بالعود ويقول:"طلعي رجولك".
--------------------------------------------------------------------------------
الطواف
قرويين كانوا يطوفون، سمعوا الأذان صاروا يسألون:"مافيه مسجد قريب".
--------------------------------------------------------------------------------
الجماهير
قروي دخل الملعب لأول مرة صار يسلم على الجماهير.
--------------------------------------------------------------------------------
ركوب الطائرة
قروي ركب الطيارة فصخ نعاله عند الباب.
--------------------------------------------------------------------------------
المضيف
ولما قدم له المضيف العشاء قال:"لو أني داري أني باكلف عليكم ماجيت".
--------------------------------------------------------------------------------
الوعد عندي
ولما وصلت الطيارة قال للمضيفين:"والله ما أنزل إلين تواعدوني".
--------------------------------------------------------------------------------
انتهاء الرخصة
قال له ولده:"رخصتي انتهت يا بوي"، قال:"بلاه والله دورانك في الشوارع كل يوم يا لعاب".
--------------------------------------------------------------------------------
تسطيح الكرة
عجوز طاحت من سطح بيتهم على بيت الجيران، جابها ولد الجيران وهو شايلها ودق الباب وقال لهم:"ترى إن سطحتوها مرة ثانية شقيناها".
--------------------------------------------------------------------------------
فقدان الذاكرة
عنز طاحت من عمارة فقدت الذاكرة وصارت تقول:"ميو.. ميو".
--------------------------------------------------------------------------------
الكووي
قروي راح يعالج في أمريكا، سأله الطبيب عن الكوي اللي في بطنه:"وات إز ذس؟" قال القروي:"ذس إز تش أح".
--------------------------------------------------------------------------------
تحليل الدم
قروي راح للدكتور بعد ما كشف عليه قال له:"أبغاك تحلل الدم والبول" قال القروي:"إيه.. الله يحللهم ويبيحهم".
--------------------------------------------------------------------------------
عندنا من زمان
مدرس يسال طالب:"كم عمر أبوك؟" قال الولد:"والله ما أدري، بس هو من زمان وهو عندنا".
--------------------------------------------------------------------------------
الليموزين
واحد يسوق لموزين ركب معه واحد قال له:"الله يخليك نادي الشباب" قال له:"وانت مالك لسان تناديهم".
--------------------------------------------------------------------------------
القهوة عندنا
واحد سكن جنب قروي راح القروي له وقال:"أقول باللحية الغانمة ترى فنجال قهوتك عندنا" قال:"إيوه.. إيوه يمكن واحد من البزورة رماه عليكم وإلا حاجة".
--------------------------------------------------------------------------------
الثريات
سافر إيطاليا وأرسل لزوجته ثريات علشان بيتهم الجديد، واتصل فيهم علشان يتأكد إنها وصلت سألها:"وصل اللي أنا أرسلت"؟ قالت:"إيه الله يغنيكن بس تراهم ثقال على اذني".
--------------------------------------------------------------------------------
المرور
مسكه المرور لأن لوحة سيارته الأمامية تختلف أرقامها عن الخلفية قال المرور:"ليش كذا"؟ قال:"هالحين أنت وجهك مثل مقفاك".
--------------------------------------------------------------------------------
الهيليكوبتر
طاحت طيارة هليكوبتر في قرية، وصار أهل القرية يدورون الضحايا، أعلنوا في اليوم الأول أن القتلى 4، وفي اليوم الثاني أعلنوا أن عدد القتلى بلغ50 استغربوا المسئولين ولما جاو القرية لقو الطيارة طايحة في مقبرة.
--------------------------------------------------------------------------------
الكذاب
واحد كذاب يقول لخويه:"مرة كنت أمشي في غابة ما فيها شجر ولا حجر طلع علي أسد وأقوم وآخذ عصا كبيرة وأشلخ راسه يوم مات" قال له زميله:"كيف تقول ما فيها شجر ولا حجر وتاخذ عصى" قال له"طيب.. مرة كنت أمشي في صحراء ما فيها شجر ولا حجر، وطلع لي اسد وأقوم وآخذ هذيك الحصاة وأشلخ راسه يوم مات" قال له زميله:" كيف تقول ما فيه شجر ولا حجر وتاخذ حصاة؟" قال له:"طيب.. أنا مرة أمشي في صحراء وما فيها شجر ولا حجر يوم طلع لي أسد قام وكلني.. هاه أرتحت".
--------------------------------------------------------------------------------:D :D :D :D :D :D :D
العرض العادي
