ياحزن تكفى لا تطول فديتك

[المحطم]

ياما نهار أمس القريب بكيتك ----- يا ما ذبحت من الوله في تحريك
باعتني الدنيا و جيت و شريتك ----- واليوم يمكن ما أحبك ولا ابيك

أضمى غرام ولا لقيتك رويتك ------- سبحان ربي في ضلوعي معليك
ياما و ياما من حناني عطيتك ----- أزعل عليك شوي وارجع وراضيك

واطاولك مابين علك و ليتك ------- وليا مرضت اقول فيني ولا فيك
من كثر ماحبك أحب أهل بيتك ----- حتى الحديقه والغرف والشبابيك

وأحب ديكورك وفرشة موكيتك ----- وكل الهدايا والتحف والسراميك
شالك و مكياجك و حتى جكيتك ------ حتى حلقك اللي تحطه فأذانيك

خواطرك شعرك فنون أتيكيتك ------- صح الله السانك وتسلم أياديك
رسمت لي موتي ومت ورثيتك ----- وأبعدتني عن بند ربعك وأهاليك

جلست أدور فالضلوع و لقيتك ----- ذكرى مثل ذكرى عصورالمماليك
لو كنت جرحي ياغرامي بريتك ----- مير البلا والجرح في فقد غاليك

يا حزن تكفى لا تطول فديتك --------- لايجتمع ليل الغرام و لياليك
ياما بديتك وأنتهيت و بكيتك ----- والحين بصبر وابكي الحزن وأبكيك





اعجبتني ونقلتها لكـــــــــمـ

مع تحياتي اخوكم
! المحطم !

[حـالـي ^^ الــذوق]

المحطم



كلمات جميلة


وقصيدة راائعة


مشكوور على اختيارها

و


لاهنت يااذوق




ت
ح
ي
ا
ت
ي

[وهــ المصيف ــج]

سلمت يداك مشاركه رائعه تدل على ذوق عالي

[[] خفـوٍق الـرِوِح []]

المحـطم .. ,.,’.. ذوق رآقـي .. تسـلم يميـنك .. طرحـك سيحـضى بالقسـم المنـآسب .. وبإنتـظآر جديـدك ..,.,’..

[المحطم]

حالي الذوق ..

مشكور يالغالي على مرورك وردك الحلو
يسعدك ربي ولايحرمنا طلتك الحلوه

تقبل ودي

المحطم

[المحطم]

دلوعة الطائف ..

يسعدك ربي يالغلا على المرور والرد الحلوو
الله لايحرمنا منك


تقبلي ودي

المحطم

[المحطم]

خفوق الروح ..

يخليك ربي يالغالي على الرد الذوووق
الله لايحرمني طلتك الحلووه


تقبل ودي


المحطم