جاوب سؤالي ياسود الوجه يالليل** وضح النويا كيف صارت قضيه(من اشعار البحر الميت)

[ان وفيت]

ساقت مشاوير الشقا وأردف الليل = سريت ودروب السهر سرمديه
أزريت أسوق الهم وأحط وأشيل = وتعبت أكابروالمواجع نــــديه
الحيل مل من التعب مابقى حيل = والجفن مــاله بسهر مقدريه
البهذله...والمهزله...والغرابيل = أبطال وسنين العمر مسرحيه
الهم..والحرمان..والحزن والويل = ضيوف وجروح الوفا شاذليه
والصمت والهوجاس بوح التعاليل = والخوف مسرى والليالي مطيه
يالله عسى درب السنع بالمقابيل = والا الليالي اللي مضت جرهديه
حر(ن)كفخ واستأسرته المحابيل = وعقب السما الرحبه هوى للوطيه
حر(ن)غدر فيه الزمن والمداخيل = مقرود وكفوف العطايا رديه
غلطة عمر منها جنيت البهاذيل = ذنوب غيري حطها الله عليه
غلطه ودحدرها القدر بالمحاصيل = ورضيت بالمقسوم غصب عليه
تناقلتها شلة القال والقيل = وحطو عليه لين صارت قضيه
وقامت تناهشني رخوم الرجاجيل = اهل الملامة والعلوم الرديه
اللي تجيك اخبارهم بالتفاصيل = ويحرفون الهرج عن سوء نيه
بالله قلي ياسود الوجه يالليل = وضح النويا كيف صارت خطيه
قل لي من اللي ضلل الحق تظليل = ومن علم الوافي يخون بخويه
ومن بروز الاوهام خدعه وتمثيل = ومن طلسم الواقع وخان الوصيه
من قال لي دربك مهود وتساهيل = ومن علم الضحكات تمشي عليه
من كفن دموع الوفا بالمناديل = ومن هو جزا الحسنه بمليون سيه
اللي قتل حلم الضلوع المناحيل = وقال انقتل فيك العوض والبقيه
جاوب سؤالي ياسود الوجه يالليل = وضح النويا كيف صارت قضيه

[خـيّـال نـجـد]

تناقلتهـا شلـة القـال والقيـل=وحطو عليه لين صـارت قضيـه
وقامت تناهشني رخوم الرجاجيل=اهل الملامـة والعلـوم الرديـه
اللي تجيك اخبارهـم بالتفاصيـل=ويحرفون الهرج عن سـوء نيـه

	وانا اشهد صح لسااااان قايلها ولا هنتــ..,, على النقل دمــــتــ..,,

[سهرتني ياحب برتاح]

بالله قلي ياسـود الوجـه يالليـل وضح النويا كيف صارت خطيـه قل لي من اللي ضلل الحق تظليل ومن علم الوافي يخـون بخويـه ومن بروز الاوهام خدعه وتمثيل ومن طلسم الواقع وخان الوصيه من قال لي دربك مهود وتساهيل ومن علم الضحكات تمشي عليـه من كفن دموع الوفـا بالمناديـل ومن هو جزا الحسنه بمليون سيه اي والله قلي الله على ما اختارررت لنا اصبحت عندما ادخل للمكتبه انظر في مجلداتك لكي اررى اختيارا من اختياراتك استمتع به تسلم يمينك يالغلا لاتحرمنا جديدك اخوك سهرتني

[ان وفيت]

يسلموووو على المرور جميعا

[شوق العبير]

صح لسانك وتسلم على الابيات الرائعه وتقبل مروري ولك تحياتي

[ان وفيت]

شوق يسلمووووووو على المرور ,,,,