المسلسل يعرض حصرياً على قناة ابو ظبـــي
الساعه 8 بتوقيت السعوديه << اتوقع عند اهل الرياض والشرقيه وقت صلاه
الاعاده الساعه 2 بالليل
والساعه3 الظهررر
المووهم بطولة سعد الفررج وهدى الخطيب والوجه الصاعد اللي هو من اسباب اعجابي باالمسلسل
((امل محمد )) < < حطوا تحتها الف وخمس مية خط لايروح بالكم لأميره محمد القديمه لا بعد السما عن الارض هههههههههههههه
المووهم
المسلسل يتكون من ثلاث عائلات وواحد قاط معهم
يعني سعد الفرج ((اسمه ابو عبدالله ))
عياله هم عبدالله << راح يدرس طب بأمريكا
فيصل << عاطل باطل
دلال<< مررفعه ودلوعة ابوها ولها جوها بالمسلسل
هدى الخطيب (( ام فايز)) هي اسمها شريفه
ولدها
فايز(( ولد جنتل مان ويشتغل مع عمامه بالشركه ))
سالم ((ابو محمد )) << ماعرف اسمه الحقيقي
عائلته
ليلى << بنت ترفع الضغط ودك تصطرها هههههههههه
مي << فديتها ياناس هي نجمة المسلسل بنت جامعيه مافيه زيها بالعالم العربي
اللي قاهرني ليه ينادونه ابو محمد وماشفت له ولد اسمه محمد
وعمهم سلميان وهذا مايخلف وساكن مع سالم
اقصــه تقول ومجمل الاحداث لأنها بدت تطوور وبقووه وبسرررعه
ياطويلين العمر هذول سالم وسليمان وشريفه اخووان من اب
وابو عبدالله اللي هو سعد الفرج كان بدون وابو العيال الثلاثه ضمه لهم يعني مايصير لهم بس بالجنسيــــــــــه
بس ركزوو على بس
طلعت شريفه اخت ابو عبدالله من امه يعني ابو عبدالله مايقرب لسالم ولا لسليمان
المووهم العيال مايدرون ان ابو عبدالله ((بدون)) بالاساس
وتمر الايام ويطلع فيصل يحب مي الموهم تدري امها انها تكلم ولد عمها ((ياني اكره امها كره ))
وتقلب الدنيا عاد سليمان << بعد اكررهه
سليمان يكره ابو عبدالله وعياله كره العما
الموهم يوم درا انقلبت الدنيا رأساً على عقب
زوجة سالم ( ام محمد) راحت لأم عبد الله تقولها ولدك يلعب بمخ بنتي عشان ما تتزوج غيره
قامت ام عبد الله تقول قسم قسمات مدري شسالفة
ام محمد : علينا ما تدريين يالله بس اسمعي الكلام بعدي ولدك عن بنتي لا يجيكم شيء ما شفتوه
وطلعت من بيتهم وراحت بيتها قامت تسولف عن زيارتها لبنتها النسره ...
قامت البنت تقول : انهم ما يشرفونا صحيح انه بيت عمي بس انا استحي اني اقول ان هذا عمي
ردت عليها امها بدل ما تفقع وجهها ...
كان ودي اقول هالكلام بس عمتك شريفة بتقب فينا ... والكلام الي قلته كفاية واللبيب بالاشارة يفهم ....ام عبد الله قالت لرجلها ترا ولدك يحب بنت عمه ولازم تشوف حل
قالها انا وش بيدي شكلها ما بدهاش لازم اعلمهم
قالت ام عبد الله ... لا تكفي العيال بالجامعات تعبنا فيهم حرام تعلمهم الحين
قام يتحلطم الشايب يقول .. وش فيها لو اعرس عليها الحين يعني اكسر بخاطره واقوله لا تسويها بعد ما توظف الحين وصار يشتغل بشركة عمانه وراحت ليلوه(النسره) بنتك يا ام محمد تكلم اختها وتقولها وش فيه ولد عمتك بدل هالخايس فيصلوه مهب من مستوانا ولا هو من ثوبنا ولا سجادتنا...
شوفيلك واحد يمستوانا بلا حب بلا خرابيط
قامت الثانية تلقي عليها خطبة عن الطبقات وان الحب فوق كل شيء وشعارات الي يحبون بالتلفزيون
المووهم
اخت فيصل علمته بزيارتك يا ام محمد الولد تشقق قال هاه تكلمو عني شيء قالت لا بس هي جتنا وشياطين الدنيا بمخباتها .. وانا نافقتها شوي بس ماش ما يمشي مع هالعجوز قال يالله اليوم الخبر ببلاش بكرا بفلوس
ووراح فايز لخاله سالم بالشركة(ضعيف الشخصية)وعطاه اوراقك يا فيصل ووقعه ووقع على راتب وش زينه لفيصل
ولما طلع دق علي سليمان (الاصلع )وقاله تعوذ من ابليس ولا تجيب العيد ... ووقع الاوراق خلاص انا وقعتها قام هذاك شكله هزئه بالتلفون وقعد يقول خلاص وقع بس وفكنا
ولما راح فايز له قام يتميلح ويقوله دير بالك عليه ..
ودربه خبرك ما يعرف الاتيكيت لا يفضحنا
وهذاك يقوله ابشر واكيد وكاتم الضحكة النذل
واتصلوا على فويصل واستانس بالخبر وامه قعدت تدعي لفايز وامه
وهو ما ضيع وقت قال ابي دراهم ثيابن جديده حركات ابي اكشخ بالوظيفة قالت امه بكلم ابوك
وابوه اتصل عليه ولده عبد الله الي يدرس طب بامريكا عبد الله وقعد يساله كيفك وشلونك وكذا يتطمن عليه ومتشقق ما يستفاد من الموضوع ان الولد يدرس طب بشري
وتقوم ام فايز وتزور ام محمد لانها كانت تعبانه وام محمد استغلت الفرصة
وقالت ترا فيصل يلعب بمخ بنتي وهالسربوت خلاها ترفض كل واحد يتقدم لها شوفي صرفة لهم
قالت ام فايز ترا هذول بزران وشباب وعيال عم صعبه نفرق بينهم
قامت هذيك تنقز وتقول طيب وين ولدك عن هالسوالف >> قسم قلة حيا عيني عين خليه يرقم بنتي
على الاقل من نفس مستواها واقرب لها من فيصل قامت هذيك قبت فيها ...
ام فايز : ترا احترام اخوي من احترامي لا تنسين
ومن هالحوار احس ان ذا يا ولد تكرونية وذالينه بهالسالفة ..
ولا مهب ولدهم موليين اجل وش الي صلة القرابه اقوي
المهم وعدتها انها تكلم فيصل وطلعت وراحت بيتكم يا فيصل
تكلمت مع امه شوي وما لقت الولد راحت بيتهم >> وهاذي انتي تدورين بالشوارع24/24
وجا ولدها فايز وقالها ان الولد توظف خلاص ...(طق اصبع)
وسالته .. انت تعرف عن سالفة ((مــي وفيصل؟))>>> ما يحتاج مــي بنتك يا ام محمد
فايز : ايه الولد ما يخبي عني شيء
ورا ما نفتك ويروح خالي ابو عبد الله يخطب البنت لولده وانتهينا
قالت انت خبل انت
عنبو ابليسك حرمة خالك مهدده ومسويه فيها بتقوم الدنيا الحين وبتولع بالولد وبنت نار وانت تقول يخطبها ؟
فايز : عجوز الشر ورا ما تحب الخير لبنتها الحين .. عيال عم ويتزوجون وش فيهم على بعض
قالت اسكت العجوز مطرطعه تقول ليه ما ولدك يخطبها عشنك غني ومن مستواها تبيك تدشر مع بنتها يا ولدي
قام تحمد الولد على العافية وشاركته امه الدعاء للثانية بحسن الخاتمه خخخخ
واخر مشهد اليوم لما مــي راحت تبي تزو بنت عمها دلال الي الصباح وصلتها بيتهم لما خلصوا جامعه وانقهرت امها واختها اكثر لما دروا ... فنزلت الاخت بكل ثقة وهم قاعدين بالصالة
قالت بطلع بروح امر ((دلال+اخت فيصل)) متواعدين ...
الى هنــــا بدا الحمااس
الحلقه اللي بعدا انكشف السرر اترككم مع الحلقه خلووكم معي
انكشف السر اخيرا
شريفة اتصلت علي فيصل وطلبت منه يجي ...
وتكلمت معاه وقالت له ابعد عن بنت عمك وانسي الموضوع...
انهبل الولد من سمع الكلمة وقال لها
انتي طلعتي مثلهم مهما حاولتي تبينين انك طيبة
تكرهينا وتحسين اننا مو بمستواكم ...
قالت له هالكلام كذب وانا احبكم كلكم عيال اخواني ما افرق بينكم
قالها انتي تكرهينا كلكم تكرهونا وطلع من البيت معصب
راح لبيت عمه ...
دخل علي سالم وسليمان وام محمد والبنتين كانوا قاعدين ليلي ومــي
بعد ما طق الباب ذاك الطق الي رفع ضغطهم وضغطي ....
قب فيه الاصلع وقاله انت ما تستحي كيف تدخل علينا كذا ..
قاله انا بكلم عمي
يا عمي انا ابي مي قاله كيف يعني ...
قاله ابي اتزوجها خاصة اني الحين صرت متوظف وتطلع عيونهم ...
واليوم كلمت عمتي قالتلي ابتعد عنها
وشبو فيه انت اصلا من قالك اننا بنرضي وبنقبل فيك
قالهم ليش وش فيني ....
سليمان : انت نسيت اصلك وفصلك يا ولد راعي التكسي؟
قاله : الحشيمة مو لك الحشيمة لعمي
قال ما بقي الا انت تحشمني
رد عليه ابو محمد .. من قالك اصلا اني بقبل اعطيك بنتي الحين اذا طلبتها
فيصل: خلاص دام الدعوه كذا هي خاربه خاربه بخربها اليوم .. ويقعد لهم بالصالة ...
تعالوا نتفاهم وين حلال ابوي هالضعيف المسكين الي ساكت عليكم هالسنين كلها وين ورثه
لو سكت انا ماراح اسكت انتم تلعبون بالفلوس لعب ..
واحنا البيزه تستكثرونها علينا تعالوا نتحاسب وش لنا ووش علينا ...
ورد عليه الاصلع .. ومن قالك ان ابوك له حلال عندنا ...
هذا اصلا لا هو اخونا ولا شيء
ابوك بدون ابونا مسجله بسمه عشان يترزق << طاح الفاس بالراس
ويقوله انا امي وابوي بدون وابوي طلق امي واعرست علي ابوهم
وجابت شريفة اختي بعدين ابوهم تزوج وحده ثانية وجاب اعمامك
وعشنا حياتنا اخواني بس مو اخواني
وسالته بنته ذاك السؤال الي يوجع القلب
.. يبه احنا منو وش اصلنا وش نكون جاايين من وين وين اهلك ... << بغيت ابكي يوم سألته
ويرد ابوها والدمعه على خده اقولكم بعدين
وفي بيت شريفة جا فايز وعلمته امه بكل شيء وصار يقول كلهم خوالي ما في فرق بينهم
بروح اكلم خوالي قالت له لا تكبر السالفة خلاص انا الي بحاول اعدل كل شيء...
وراحت لبيتك يا ابو عبد الله وقعدت مع العيال تشرح
شريفة :ابوي عطاه الجنسية وتربي معانا وابوكم اخوي من لحمي ودمي يعني انا عمتكم صدق ...
واحبكم ومرت خمسين سنة على هالسالفة ..... والشايب بنص هدومه
صار فيصل يقول انا بروح اعتذر لعماني واحب على روسهم لو تبون وانهي السالفة
قام ابوه وقاله
انت بالاساس وشلي موديك لهم وتقول حلال ما حلال ... وطلع وهو كاره عمره من البيت وراح البحر
وفي بيتكم يا ابو محمد مسكوا البنت ذيك المسكه وصارت اختها تقول
ما قلنا لك هذا مو من مستواكي الحين ؟
على الاقل قبل كان ولد عمك ومنتف الحين لا يقرب لك ولا شيء وظل منتف بعد << انواع التقطيع ههههههههه
صارت البنت تقول بتمسك فيه اكثر ..
وبالصالة الاخوان الاثنين قاعدين والشري هذاك يقوله من زمان قايل لك المفروض البنات ما يروحون لهذا ابو عبد الله شف وش صار الحين ...!!
ابو محمد : ترا البنت ما غلطت وانا معطي حرية لبناتي يستعملونها صح وعارفين حدودهم
وش فيها لو حبت ولد عمها
هي تحسبه ولد عمها ما فيها شيء وغرضهم شريف والدليل الولد لما توظف كان ناوي يخطبها
قب فيه ذاك
سليمان : لا تكون ناوي توافق بس؟
سالم ومن ملامحه واضح انه كان بيقول ايه موافق بس قاله
لا طبعا ماني موافق ....
وفي بيت فيصل الولد قعد ياكل بعمره يرسل مسجات حب للبنت وردي علي تكفين وامها واقفه فوق راسها تقولها ان كلمتيه مره ثانيه ما يلوم الا نفسه ... واغسلي يدك منه بتايد ههههههه
وهذاك مافي شيء ما ارسل احبك اتصلسي علي بموت.. وهي ساحبه عليه
اتصل عليه فايز وساله عن ابوه قاله ابوي طلع
قاله وينه فيه قال مدري ما يرد علي
قاله اكيد ما يرد عليك وهذي سواتك برب بروح اتصل عليه>> حلوه برب << صرفيــه ههههههه
ويتصل على الشاايب وقاله انت خالي ووسع صدرك وبينتهي الموضوع ماصار شيء
قام الشايب يشتكي ضيم الزمن .. وهرجن فاضي المهم سكروا الخط>> يا شين الي فيه النوم وناسي السالفة
وراح فايز لخاله بالشركة وقال الولد يعتذر وكذا وابيه يرجع الشركة والشراني يعصب عليه صاحي يرجع مهب رااجع ولا ابيه يوطوط حول الشركة هالهيلق الي خليناهم ناس وهذي اخرتها يجي يتعدي علينا ببيتنا
ورد عليه الولد .. لا تنسي ان هالشركة لولا فلوس امي ماكان كبرت ولما كبرت سلمتني حلالها ... >>> يدق من بعيد (:
والحين ابي منك جواب فيصل بيرجع او مهب راجع
قاله طبعا ... لأأأأ
بكمل لكم بس بريح شوي لأن نوص السواليف كانت ناقصه وانا قاعد اكملها لكم اصبروووا
رجع ابو عبد الله للبيت سالته حرمته وينك فيه طول اليوم قال مدري بس مترت الديره
قالت له لازم تكلم اخوانك .. وتروح لهم ....
قالها صح لازم اروح رغم اني خايف من كلام سليمان لــي ..
ولما راح .. لبيت سالم لقي سليمان عنده وقام سليمان يقط عليه كلام زي السم...
انت ما ربيت ولدك وانت هايت بالشوارع رايح جاي بهالتكسي ... وما ربيت عيالك وهذاك يقول مقبوله منك ... وسالم يحاول يطبطب عليه وهذاك مستمر لين قال سالم اتركونا لحالنا وقامت زوجته وبنته وطلع سليمان ..
وصار يهدي اخوه
ويقول ما صار الا كل خير وحنا اخوان وقاله ابو عبد الله انا خايف على مستقبلي ومستقبل عيالي ..
لو تبون ماراح نقول اننا حتي نقرب لكم ولا تشوفون وجيهنا ...
قاله من ايش خايف قال خايف على الجنسية
قال الجنسية ابوي اللي اضافك فيها وانت اخونا ومستحيل انا ولا سليمان نضيع مستقبل عيالك ...
وتطمن واستريح الرجال فرح بهالكلام وصار يقول ..
لسالم طمنتي الله يطمن قلبك ... وطلع من بيته وهو فرحان ...
ومــي معتكفه بغرفتها << ياناس فديتها .. قعدت تقرقر على راس فيصل انا احبك وابيك والثاني نفس الحاله ... وامها ... طابه عندها ..كل شوي .
اتركي فويصل ولا تقولين عنه ولد عمك وابوك مو موافق على زواجك منه بالعربي اغسلي يدك
والبنت مصممه على الولد هددتها امها تعلم ابوها يشوف صرفه لها
وهذيك ما كذبت خبر ..
اتصلت على رجلها وبنتك ما تبي تروح الجامعه ومصممه على الولد ...
ورجع ابوها البيت وقعد يتكلم مع بنته
ان زواجها مع فيصل غير متكافئ وانها لازم تحترم العادات والتقاليد ..
وهذيك مسكته من جهة الدين وذكرت له حديث الرسول واحرجته
وقالت له انت ولي امري انت ابوي مالي دخل باحد ثاني ..
رد عليها ... لو ولد عمتك فايز الحين ازوجك اياه بس فيصل ما اقدر
صارت تقول يعني الفقير مهب ادمي ... والشايب يطبطب خاطرها حسيته ابوها صدقي
وبالاخير قالت له .. ودام هذا كلامك انا ماراح اعصيك يبه ...>>> اخلاق الادمية فديتها
وفايز امه هزئته على كلامه لخاله بالشركة يوم يصر ان فيصل يرجع وهذاك مصمم على طردته ...وبالصباح صار يدق علي خاله ابو عبد الله ... ولما صحي الشايب ارتاع وراح قابله
وقاله فايز
ربعك بالديوانية .. ماله داعي يعرفون سالفة الجنسية عشان لا ننفضح
رد عليه .. خمسين سنة وانا شايل الجنسية مستحيل اسويها
وقاله فايز اجل خلاص انتهينا ما عندنا مشكلة ولا تنسي ان اخوانك يحبون اختهم شريفه ومستحيل يضرونك ...
وفي البيت ام محمد مطرطعه ورجلها يقولها موتي قهر لو تبين اعرف شلون اتفاهم مع بنتي (( مالت عليها هالعجيـــز ))
والسالفة انتهت وخلصت .. قلت لها وجهة نظري وقالتلي وجهة نظرها ... وهي ناشبه له ابي تفاصيل كل الي صار والرجال ميت على بنته يقولها لا تكلمين البنت ولا تزعلينها اتركيها بحالها وهذيك بجد نشبه تبيها تقوم ترقص على وحده ونص ... والاب مقدر حالت بنته النفسية
قعدت ام فيصل مع ولدها وصارت تقوله انسي سالفة بنت عمك
وهم قاعدين اتصل عليه خويه الي ماخذ سياره باسمه .. لان شكله بدون
وقاله انه بالتوقيف متهاوش ... طلع من البيت يروح يكفله ...
وطلعه وراحو تقهو مع بعض ...
وعلى ذكر المكالمات مي اتصلت علي ليلي وقالت لها جيبيلي شريحة جديده
قالت ليش؟
قالت مو انتو تبون اني ما اكلم فيصل جبيلي خط معك ....
وتشققت النذله من الوناسة ...
قهرررررررررررررررررررررر
المووهم مالكم بالطويلـــه
اجتمع فايز مع خاله سليمان وقعد يكلمه عن الشغل وفيصل
سليمان ما كذب خبر قط على الولد كلام زي السم وقاله
انت صاير مطرشه ومخبر
مطرشه لخالك ابو عبد الله ومخبر لأمك كل ما صار شيء علمتها
وزعل فايز ولو ماني غلطان قاله ان هالحلال حلال امه وله حق يناقشه بأمور الشركة ويطلع قرارات
وراح بيتهم ولما وصل امه كانت بتطلع شافته سالته انت وش فيك؟
وجهك متغير
تلعثم شوي وما حب يعلمها
قالت له انت متهاوش مع خوالك ؟
قالها ايه
قالت عن ايش هالمره
قالها عني
قالت عنك كيف وليش؟
قالها انا انهنت اليوم يا يمه خالي سليمان قالي مطرشه وجاسوس لك وانا افتخر ان خالي اصير عنده مطرشه لان الخال ولي وجاسوس لج لانج امي وهذا حلالنا الي خايف عليه
ويطلع لامه قرون وما يردها الا بيت ابو سالم
وشكل سليمان بجد عايش عندهم
وتدخل عليه انت وش الكلام الي قلته اليوم لولدي؟
ناسي ان الشركة ماقامت الا براس مال ابو فايز ... و
هذاك يهزئها زياده يقول ولدك مو متربي وسالم ضايع بينهم يهدي في هذا ويطبطب على ذاك ...
وطلعت من البيت بعد ما غسلت شراعه ....
وقعدت تلف لف بالشوارع ودقت على اخوها فهد تبي تروح عنده ولما راحت طلعت كل الي بقلبها
هذا ما يحترمني ولا يحشمني ... طول هالفتره ساكته عليه عشنه اخوي لكن توصل الامور انه يهين ولدي لا ما توصل
وابو فهد يقول ما يصير تحطين عمرك بهالموقف ولدك يصير ضد خواله مهما كان خواله
وثاني يوم فهد طلع من البيت بدري يبي يروح بيت شريفه يلحق على فايز ويقول له شيل من راسك سالفة توظيف فيصل .... ولما وصل ما لقاه وقعد يكلم امه
قالها الولد مصيره يتوظف عن طريق الديوان ... وهالوظيفه وراها مشاكل وتكفين يختي كلمي ولدك خليه ينسي السالفة ولا يجيب طاريه لين اقنعها بالاخير ولما اتصلت على فايز
و شكله قالها جحدوني وما مشو كلمتي قبل لا تلحق تقول شيء عن فيصل
ومسكت معها ام فايزوقالت له : حولني على مكتب خالك ولما حولها قالت له ترا احترام ولدي من احترامي
فيصل يرجع يعني يرجع كلمت ولدي ما تنكسر وابو عبد الله طالعه عيونه خخخخخ
قالها ليه انهبلتي انتي وجهك وجع هماني قلت ما ابي الولد يرجع الوظيفة؟
قبت فيه .. وليه ما يرجع فيصل مسوي شيء ولا مسوي شيء هاه
خليه يرجع وله حق يرجع ما سوي شيء غلط كل هذا عشنه حب بنت عمه بطقاق
وراح سالم وكلم سليمان قاله بيرجع ما ودي اكسر كلمتك بس الولد بيرجع الشركة وهذاك معصب لييش
وليه توقف معها وما توقف معاي وتقول كلمتي وكلمة اخوي وحده وانتو ليه مهتمين بهالجلب وعياله
شكل اختك عجزت وخرفت ...
ويعصب سالم لاول مره ويقوله
احترم نفسك هذي اختي مره عن الف رجال اخت رجال وفيصل بيرد الشركة...
واللي صار امس يوم الخميس
جا فيصل للشركه وجاه عمه سليمان وتكلم عليه وسطرره كف قدام فايز
فايز دق على امه قالها عمي طق فيصل طراااق
فيصل ماتكلم الا يوم رجع البيت
من جد المشهد محززن
قال يبه يعني يكلم سعد الفرج
قال يبه انا ماتكلمت ولا رديت عليه عشانك
والشركه ماني راجع لها
لكن والله ثم والله لو مد يده مره ثانيه لكسرها له مو اكسرها لأبترها بترر
وطلع فيصل من القهررر
ابو عبدالله مو قادر يسوي شي
المهم دررت شرريفه وراحت هزئت سليمان مره ثانيه (( ياهي مشتغلته تهزيء ))
وبعدها شد سالم وسليمان
وراح الخايس سليمان وبلغ عن فهد قال هذا مايقرب لنــــا
العرض العادي
