اذا كنتي بـــنــــت جريئة جاوبي على سؤالي بصرااااحة؟

[الشاكـــي]

السلام عليكم ورحمة الله


كيفكم جميييع


اليوم احب اطرح موضوع جديد,,,,,

او هو سؤال جريئ

وابغى الجواب يكون بكل جراءة وصراحة,,,

بس احب اوضح شيء فالبداية

السبب الي خلاني اختار البنات بالسؤال

هو ان هالموضوع بالذات البنات حساسات فيه اكثر ويهمهم اكثر منا يالشباب

باختصار ولا اطول عليكم :::


لو اتقدم لك واحد للزواج,,,, وطلب يشوفك النظرة الشرعية,,, وبعد ماشافك قال هالبنت ماعجبتني وخلاص غيروا رأيهم,,, ايش تكون ردة فعلك؟؟؟


وزي ماتفقنتا الجواب بصراااحة



تحياتي للجميييع

[حــنــونــه]

سوال جريئ
بس رح اجاوبك بصراحه
اول راح اسالك هل بنت الي حطت امال على الي جاي بيشوفه
شافها شبع قال مابيها ابذمتك ماجرح مشاعره محطم شي ابداخله
اكيد بتكره الساعه الي دخلت عليه موبعيد تكره الزواج بشكل عام
انا اوجه السوال لكم يشباب العكس ؟
فل اول ولا خير هاذي سنت الحياه
تقبل مروري وشكرا

[سمو الملاك]

موضوعك حلو

بصراحه شئ طبيعي الناس اذواق صح راح انجرح لكن ماراح اتاثر اكثر من يومين

واثق الخطى يمشى ملكا

اذا ماعجبته هو راح اعجب مليون غيره

اطيب المنى

[أسيرة الود]

الشاكي

الناس في ما يعشقون مذاهبُ


قد لاتعجبه لانه لايهوى هذا الجمال لكنه تكون مطلب لغيره ويهوى نوعية جمالها


لذلك كانت النظرة في الاسلام الى جانب هناك التآلف الروحي بمعنى انه يرتاح لها وتقبلها نفسه لو نظرنا لجمالها في مقاييس الجمال لوجدناها أقل بكثير لكن تآلف الارواح والميل

واذكر وحدة من الزميلات ان أخوها على قولتها هلكنا بشروطه وفي كل بيت يشوف البنت ويصرف نظر الين ما جابلهم الاحراج وفي النهاية على قولتها وافق على وحده كل اللي قبلها احلى بكثير منها سبحان الله

لكن يا أخي العزيز ليست المشكلة في النظرة

المشكلة في ما بعد النظرة وما يصدر من بعض عديمي الذمة

لعل مثل هؤلاء النوعية هو ما جعل معظم أولياء الامور يرفضون النظرة

بعد رؤيته لها ولاتعجبه والحمد لله عرف كل اصحابه انه راح يشوفها اليوم وراح تصير النظرة

وطبعا هؤلاء يدفعهم الفضول لمعرفة نهاية الموضوع فيخبرهم بأنه صرف نظر عنها لأنه فيها وفيها ..... والله الوحيد العالم بمدى صدق كلامه ولاكذبه


وربي الذي لااله الا هو وانا في السوق ماشية مع الوالدة بين بعض المحلات شباب اثنين ورانا اسمع واحد يقول للثاني: ايش صار في خطبتك؟
يرد عليه: لا صرفت نظر وتركتها بعد النظرة
وهذا يقوله : ليش؟
يرد عليه : تصدق انا احلى منها
والثاني يرد لاياشيخ .

بطئت حركة مشي ابغاهم يتقدمون عشان اشوف هذا اللي يقول انه احلى منها ويكشف سترها
وشفته الحمدلله على العافية طالع وجه العنز واحلب لبن
والله لولا الحياء كان ودي اقوله بالله طالع في المراية مضبوط قبل ما تنتقد بنات الناس وتكشف سترهم والله العالم انها هي اللي رفضتك ماهو انت

الخلاصة انه لايوجد هناك اي مشكلة بالعكس وهم على البر احسن من بعدين بس ليتقي الله من يحضر لبنات الناس من اجل النظرة فوالله لولا شرع رب العالمين ما شاف ظفرها


الشاكي


اعذر اطالتي دائما وابدا مميز لاحرمناك يارب


أسيرة الود

[][بنت النوٍرٍ][]

.. أول شي مشكور على الموضوع الحلو .. والجرئ..

في بداية ألامر ابشعر بأحراج .. وبعدين ابنسى بداله الف واحد يتمناني.. خخخخي..<< واثقة

والشي الأكيد أني ابطلع فيه ألف عيب وعيب.. وأقول الحمد لله فكه منه..

ومشكور آخوي على الموضوع..

[خربوشه]

اول شي يحلم يشوف اضفر من اضافري الين مايكون متأكد انه بيتزوج اخلاق وادب مش شكل خاجي



ثاني شي الشوفه ماتصير الا اذا كان متأكد انه بيرتبط فيها مو كل من جا قال ابي اخطب طلعوله بنتهم وهو يتشرط

[فجــر]

بصرااااااااااااحه

البنت لازم وقبل كل شيء

وقبل ما تدخل على اي رجال

انها (تؤمن) بفكرة ان النظره الشرعيه اولا لها وله في نفس الوقت

وثانيا انها تفضل بان يرفضها (الف) رجال على ان يأخذها (واحد) مو مقتنع فيها

صحيح ان الموقف بطبيعة الحال محرج ووممكن يكون جارح لان الشعور هنا لا يختص بالبنت

فقط لان حتى الرجال لو انرفض بعد النظرة الشرعية بيعيش نفس المشاعر

لكنها بطبيعة الحال مشاعر مؤقته يتخللها السؤال (ايش العيب فيني؟؟)

لكن نرجع ونقول هذا نصيب ويمكن خيره ويمكن ربي ما كتب الوفاق

.
.

اشكرك على جراءتك الشاكي لاني استغربت من عدد ردود البنات كفوووو والله نواعم

خليكم كذا دايماً ( :

.
.

ف
ج
ر

[الشاكـــي]

اقتباس المشاركة الأصلية كتبت بواسطة hanona 3 سوال جريئ بس رح اجاوبك بصراحه اول راح اسالك هل بنت الي حطت امال على الي جاي بيشوفه شافها شبع قال مابيها ابذمتك ماجرح مشاعره محطم شي ابداخله اكيد بتكره الساعه الي دخلت عليه موبعيد تكره الزواج بشكل عام انا اوجه السوال لكم يشباب العكس ؟ فل اول ولا خير هاذي سنت الحياه تقبل مروري وشكرا

هلا اختي حنونه

شاكرمرورك وتفاعلك مع الموضوع

وتجاوبك معاي بكل صراحة وجرااءة

هو اكيد ان البنت بتنجرح وبتتضايق اذا احست انها ناقصة من ناحية الجمال

واذا ما اعجبت الي مااتقدم لها وكانت من النوع الغير واثق من نفسه

اكيد بتتعقد وبتتأثر كثير.....


اما بالنسبة للشباب فصدقيني ابدا ما يمكن يتأثر اذا رفضتة البنت عشان شكلة,,, والسبب انة عارف وواثق من نفسة انه بيلاقي بكرة مية وحدة غيرها,,, اما البنت فما كل يوم فيه عريس وخطيب.....


شاكر تواجدك بصفحتي مرة اخرى

تقبلي تحياتي المعطرة بالورد والكادي

[الشاكـــي]

اقتباس المشاركة الأصلية كتبت بواسطة سمو الملاك موضوعك حلو بصراحه شئ طبيعي الناس اذواق صح راح انجرح لكن ماراح اتاثر اكثر من يومين واثق الخطى يمشى ملكا اذا ماعجبته هو راح اعجب مليون غيره اطيب المنى

هلا وغلا فيك سمو الملااااك


اعجبتني هذا الثقة بالنفس

وحلو لمن تكون موجودة في الانسان

واكيد انك مااغفلتي جانب التأثر والتجريح

ولو قلتي غير كذا كان يبان انك مو صادقة

لكن على قولتك واثق الخطى يمشي ملكا

واكيد اذا ماعجبتي واحد يمكن يكون لك خير انة يحل عن سماااك

ويجيك واحد يشوف شيء غير الجمال ويعجبه فيك

شاكر تفاعلك مع الموضوع

وتقبلي تحياتي المعطرة بالورد والكادي

[الشاكـــي]

اســــــــــيرة الــــــــود

ابغى ابدأ اول شيء بقصة هذا الي بالسوق

صراحة انا اجزم مية بالمية انة مو رجال

لأن الي يكلم ااي احد وحتى لو اعز اصدقاه باشياء زي هذي ماهو رجال ابد

يعني حتى لو كان شكلة حلو ويأهل ماله ااي حق يصفها لخويه

تلاقيه دلخ زيه وماصدقوا على الله لقوا هرجه يتكلموا فيها

وبيني وبينك حكاية التحجج بالنظرة الشرعية عشان يشوف شكل البنت هذي منتشرة عند بعض الشباب

يعني تلاقيه هو حق بنات ومعاكسات وامه ملزمة عليه الا تزوجه,,, فمنها يفقتك من زنة امه عليه,, ومنها يتونس ويتسلى بالتفرج على اشكال البنات,, ويضيع وقت بحجة انه مالقي البنت الي تعجبه...

طبعا الجمال عمرة ماكان كلل شيء ,,,, وفية حديث للرسول اللهم صلي علية بما معناه"" ان الرجل الذي يبحث عن المرأة لجمالها يورثة الله قبحها,,, يعني يخلية يعيش الين يشوف قبح تلك الجميلة..فالشاب اذا جاء يفكر يتزوج احسن شيء يبحث عن ذات الاخلاق والدين,, ومافي مانع تكون جميلة او متوسطة الجمال... وجاءت النظر الشرعية مو عشان يتونس وياخذ راحته عليها,, بل حتى يطمئن قلب الشاب الجااااد فقط...

والرسول صلى الله عليه وسلم بما معناه... احلت النظرة الشرعية كي يؤدم بينهما ,, اي الشاب والبنت....


عالعموم ردك كان قمة في الروعه

وتفاعل جميل منك


تقبلي تحياتي المعطرة بالورد والكادي