يا لله يامنزل علينا مطرها 000000000

الظافي · 30-12-2005, 11:42 PM

يا لله يامنزل علينا مطرها
ياواحدن خلقه له اركوع وسجود
امره يكون وكل نفس وقدرها
والعمر عنده للمخاليق معدود
تلطف على حالن تزايد كدرها
فى دنيته يجاوب الورق والنود
يسهر بطيف اللى عيونه سحرها
ولايهتنى فى طايل الليل برقود
على هنوفن بالوصايف قمرها
زينه على كل العذارى بها زود
صافى ذهب مثل الذهب فى ادررها
وشمسن على الامتان ناعم ومرجود
وساع المحاجر والحلى فى نظرها
هاك العيون اللى مظاليله سود
هذا بلا نفسن هواها اسرها
وصارت اهمومه بين صدار وورود
يالله يامحيى بذاير شجرها
تلطف على قلبن من الحب مضهود
وصلاة ربى عد مورق شجرها
على رسولن وضح الحق وحدود
-------------------------------------------------------------------------------------
---------------------------- الظافى-------------------------------------------------
---------------------------------------------------------------------------------------

قف وناظر · 30-12-2005, 11:48 PM

الظافي

تسلم على الابيات واعجبني فيها البيتين وهي كلها روووووعه

صافى ذهب مثل الذهب فى ادررها
وشمسن على الامتان ناعم ومرجود
وساع المحاجر والحلى فى نظرها
هاك العيون اللى مظاليله سود

ابيات في قمة الروعه يعطيك العافيه ومزيد من الابداع والتألق

لك تحيات
اخوك قف وناظر

Ξوجودك.¸.أفقدهΞ · 31-12-2005, 10:53 AM

يالله يامحيى بذاير شجرها
تلطف على قلبن من الحب مضهود
وصلاة ربى عد مورق شجرها
على رسولن وضح الحق وحدود

صح لسانك

وتمنياتي بمزيد من الابداع

لك احترامي

بدويــــــه · 31-12-2005, 06:26 PM

صح لساااااااانك وسلم بنانك ولاهنت

بنتظار كل ما هو جديد

بدويــــــــــــــه

الطيف المهاجر · 31-12-2005, 08:56 PM

صح لسانك يالظافي ولا عدمناك

فهد الأسعدي · 01-01-2006, 01:23 AM

الله الله

صح لسانك الظافـــي

قصيده عانقة الخيال

والابداع

صح لسانك ولاهنت

لك التحية

اخوك