لو قلت لك غالي ادري ما تصدقني= لو جيت اواصلك ما حسيت باحساسي
ما ابيك تتعب معي ما ابيك تتعبني=ما ودي اخسرك و لو انك معي قاسي
من يمك الشوق ما ادري ليش يجذبني=أن كنت في غربتي او كنت مع ناسي
لا تطري البعد طاري البعد يرعبني=يهتز منه الحشا ويكتم على انفاسي
خذني قصيده على كفيك واكتبني=حروفها من ذهب وحبرها الماسي
صدقني اغليك لو انك تعاتبني=من دونك الشعر ما يحلى بقرطاسي
يامروي الحس من غيرك يناسبني=لابد ما ارضيك كان انه سلم راسي