لــــبى طـــــواريـــك

[خالد السنحاني]

يسعد جميع اوقاتكم بالخير والفرحه والمسرات

ودي تطلع بتنسيق زين مير ماهوب راضي يتنسق النص لذلك المعذره على القصور


اشرق غرامك وبالأمال صحاني
من عقب ليليٍ سرى بالهم ما امسيته

نسيم من هب ساق ضعون الاحزاني
يبشر بجيت اللي قد تباطيته

اسقاني شعور صدق العشق وارواني
واسقيته الشوق والتقدير وارويته

عساه يمحي من الايام حرماني
يبرد لظى صدري ويضحك تناهيته

يابعد روحي دموع العين برهاني
تحكي عنا واقعٍ جبار عانيته

لوان غصن التماني بالجنى داني
ماحاشه ذراع حظي يوم مديته

ممشاي ما دله الخاطر ونساني
بعير عزمي بكثر الشف عنيته

مدري بليت الزمن ولا تبلاني
كني عدوه ولوني ما تعاديته

خيم بهمه على الاضلاع واعماني
وكسر نصاب الصبر ما بعد سليته

هذا وزلات صدقاني وخلاني
ضيفان تلقى الحفاوه في حضن بيته

والحين غنى الفرح والسعد لاحاني
شعيت فيني جهام الضيق جليته

لبى طواريك ياوردي وريحاني
يميل معك الحشا من وين هبيته

حلاك صوره تحير فكر فناني
باصغر تفاصيل حسنك بان تشتيته

ذوق الوصايف زهت باشكال والواني
تحيي قلوبٍ من طعون الهوى ميته

وغلاك لو يشبهه فالكون بنياني
ببرج الخليفه شهر بدبي ساويته

هذاك مبنى عظِيم وفيه سكاني
وهذا شعوري مغير الا انت حليته

هو انت مثلي لما سجيت تلقاني
انا خيالك قبل لا اسج لاقيته

ما بين حد الصبا وحدود الاجفاني
نوخ ركاب الغلا عاني وحيته

يعني بروق المخيله ساع تشعاني
مبعد شبوحي وفاء للضيف لديته

مانيب سامع كلام فلان وفلاني
لوفي ظلام الصدود يضوح بليته

برعى شعورك مدام بقدر ترعاني
واليا عطيت العهد يازين وفيته

[ملكة الخواطر]

الله الله يا خالد
يسعدني جدا اول من يرد على قصيدتك

قصيده في منتهى الروعه والجمال والرومنسيه

تصعد معاني القصيده عاليا 0

وتعطي المعاني الحروف الى الموجب و السالب ومن السالب الى الموجب

وتقلب معادلة العشق والحب هنا في صفحتك

وتكتب حروف لها قانونها الجديد في ابجديتك 0 ما اروعك يا خالد

نعم بكل عفويه مني اقول خالد يؤكد لنا

هذا عاشق الكلمه والشعر

يسكن حروفه في ارقى احياء الروح والهوى

نعم ونعم قصيدتك رؤيه ناضجة في الشعر ومعانيه

ا نعم خالد يتامل كل الرومنسيه في مشاعره ويكتب حروفه بكل التاملات

صـــــــــــــح السانك مليون وتريليون

تقبل مني المرور المتواضع على صفحتك

لك مني اجمل تحيه وتقدير

[نايف الشريف]

وليا عطيت العهد يالزين وفيته

الله الله ياخالد
راق لي هذا
معنى في الشوق
معنى في الرجوله
معنى في الكرم
معنى في الشجاعه
معنى للعروبه
بكل ماتعنيه الكلمات من معاني
بحق اخي خالد
هز وجداني
بمافيه من كل معاني القيم الرائعه
ماشاء الله بارك الله
تقبل مروري
وسجل اعجابي
بماقرأته
وبمن قرأت له
لك ارق التحايا

[مــــــدى]

هو انت مثلي لما سجيت تلقاني
انا خيالك قبل لا اسج لاقيته


مع شاعر حسّاس مثلك ..!!
أكيد أنها مثلك !
ماكل قصيد ٍ نقراه يكوّن له اثر بالروح
إلا قصايدك يالسنحاني !
تحيي بداخل الروح روح !!
صح لسانك يالعذب
والله لايغيّر عليك
ودّي وتقديري ,,,

[شمس القوايل]

خالد السنحاني

صح اللسانك ع الطرح الرائع ولاهنت

دمت ودام نزف قلمك الراقي

ننتظر جديدك دوماا

شمس القوايل

[خالد السنحاني]

اقتباس المشاركة الأصلية كتبت بواسطة ملكة الخواطر الله الله يا خالد يسعدني جدا اول من يرد على قصيدتك قصيده في منتهى الروعه والجمال والرومنسيه تصعد معاني القصيده عاليا 0 وتعطي المعاني الحروف الى الموجب و السالب ومن السالب الى الموجب وتقلب معادلة العشق والحب هنا في صفحتك وتكتب حروف لها قانونها الجديد في ابجديتك 0 ما اروعك يا خالد نعم بكل عفويه مني اقول خالد يؤكد لنا هذا عاشق الكلمه والشعر يسكن حروفه في ارقى احياء الروح والهوى نعم ونعم قصيدتك رؤيه ناضجة في الشعر ومعانيه ا نعم خالد يتامل كل الرومنسيه في مشاعره ويكتب حروفه بكل التاملات صـــــــــــــح السانك مليون وتريليون تقبل مني المرور المتواضع على صفحتك لك مني اجمل تحيه وتقدير

هلا بملكة الخواطر

صاحبة الحضور المميز

والروعه والجمال حضورك وردك الراقي

صح كلك ويعطيك الف الف عافيه

مشكوره

[نديم القصيد]

نجمنا وشاعرنا المميز خالد السنحاني
قصيدة رائعة من شاعر رائع
تقبل تحياتي وسلامي

[ملكة الرومنس]

’,

’,

’,
مبطيه ماصافحت ابداعك
رائـــــــــــع يالسنحاني بكل حرف كتبته
صح لسانك ملايييييييييين وعلا شانك ولاهنت ع الحظور الطيب والمميز
ودي وتقديري

[انت حبي]

يا هلابك للامانه روعه صح لسانك واعتلى شانك ابدعت