[poet font="Simplified Arabic,5,black,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=" dropshadow(color=white,offx=4,offy=4) shadow(color=white,direction=135) glow(color=white,strength=5)"]
لبيه ليتك ماتعلمت لبيه
خليتني من بعد لبيه ذايب
أخاف منك تملك القلب واتيه
ومن بعدها تصبح حياتي نشايب
ياللي تبدل نطقة الإيه بالهيه
الإسم نوره والوصايف عجايب
إن جيت أبنسى عوّد القلب يطريه
وإن جيت أباصل عوّد القلب هايب
لو تسألوني وش هو محببك فيه
أقول هو ياناس طبعه غرايب
يامن يخبرني عن الزين واجيه
لو دونه الدنيا تواقد حرايب
قولوا له إني صرت بالحيل هاويه
قووا له إن جروح قلبي عطايب
قولوا له إني بالمشاعر أحاكيه
وش فيه عني قد له أيام غايب
ياللي تعرف الزين بالله تنهيه
عن صده اللي للمولع عقايب
أما يعلقني على غير تنويه
هذي ترى بتخلي الراس شايب
والله لولا العيب لاصرخ واناديه
واقول احبه والمحبه مصايب
لاشك (عزة نفس ) بصبر وخفّيه
أما نصير أغراب والا حبايب
أما يوافيني على العهد وأوفيه
والا يباعدني وينهي الطلايب
من صد عني بجبر القلب يجفيه
حتى ولو يشعل بقلبي لهايب
[/poet]