السلام عليكم ورحمة الله وبركاته إليكم احبتي هاذي الابيات المتواظعه عسى ان تنال القليل من الاعجاب . . ياقلب لاتنهي حياتك بفرقاه ماهو كفو ينهي حياتك وينهيك دامه نسى وش كان حبك ومعناه ماهو لزوم تكون وافي ويعنيك ادري تهزك لاطرت بس طرياه لكن ترى ياقلب ماعاد يطريك حتى ولو تسمع كلامه من شفاه ما أظن من منطق كلامه بيشفيك أعلن رحيلك وتركه ليه تتلاه وانت الذي حبيت ماجاك يتليك واعفيك ياقلب العناء قوم واجفاه هو من بدأ بالظلم بادي بيجفيك من صد لو هو كامل الزين عفناه وكلمة كرامه حر ياقلب تعفيك وحده بوحده ظلمها كان ترضاه طبق كلامي وأظلم وقول يرضيك دام الجزاء نكران بالعين شفناه وش فيك ياقلبي تمناه وش فيك مني ومنك صادق الحب سقناه ومنه الجزى للحب حرمان يسقيك تزرع وغيرك يملك الحق بجناه ولاهو بحقه وانته الموت يجنيك يمكن ابا كذب لو بأقول تنساه حاول وعالم في خفاياك ينسيك حسبي على من صد والقلب يبلاه حسبي عليك ويا عسى الله يبليك يبليك في شخصٍ تحبه وتهواه ويعاهدك بعدين حرمان يسقيك ياقلب بشـــــرني تخطيت فرقاه وقم ياصدوق وشلون غدار ينهيك وقولي يا ( ... ) من نسى الحب عفناه قولي حروف الحب ماعاد تعنيك وسلامتكم العبيوي
يمكن ابا كذب لو بأقول تنساه حاول وعالم في خفاياك ينسيك ,,,,,,,,,,,,,,,, ألعبيوي :: نص جميل معبر بصدق ألبوح ,,, صح ألسانك ,,, ,,, وصدقت والله أن من تحب ليس من ألسهل نسيانه ,,, تقبل تحياتي وتقديري ,,,,,,,,,,,,,,,,,,,
صح لسا نك العبوي تقبل مرورى
الله يعطيك العافيه قصيدة جميلة ننتظر جديدك
صح السانك ويعطيك العافيه روعه ياكل الروع تحياتى سكوره
صح لساااانك العبيوي .. ولا هنت
هلا بمصادر منور يالغلاااا وصح الله ابدنك ولاهنت على المرور
هلا بخوي محمد نورت المعزوفه بمرورك وصح الله ابدنك لتنبيه ياخوي العبيوي وليس العبوي حرف الياء اكيد سقطى سهون
هلا بالغالي نديم منور هالابيات يارائع صح الله ابدنك يالغلاا ولاهنت على المرور
العرض العادي
