وإن عجعجت ياسيّدي كلها غبار..تمضي وخشم العان باقي بمحله..(البـــدر)

[العنوووود]

هذي قصيدة لمهندس الكلمه الأمير الشاعر بدر بن عبد المحسن..
والله يحمي المملكه من العابثين..قولوا امين...

ياسيدي هبت وثور لها غبار...............لاشك خشم العان باق"محله

وسوده تهامه طلها فوق الأزهار...........وعلى الشمال امطار وسم تعله

كان العجاج ينّقص الشمس مقدار..........مقدار دارك مانقص يوم والله

واللي جمعهم مسلمين وكفار..............في حربنا صف وذي حكمة"له

ماغيروا في قلوبنا خمسة أعشار..........من الوفا والحب والصدق كله

لي ملة" ماتعرف ظروف وأعذار...........وترى العذر عن ملة الحق مله

العار من يجلب على ارضه العار............كشاف عوراته على الناس,,خله

ياسيدي حنا هل الحق وكثااااااار..............والا هل الباطل ابشّرك قله

نعرف فضل من وحدونا والأخيار.............من أهلنا اللي ذبحوا فدوة له

أقطار كنا وياترى وش هالأقطار..............كل نخلتين دولة" مستقله

فقر وجوع وخوف,,مايامن الجار...........جاره ولايعطف على الخل خله

ثلاثة قرون ولامرت قصار...............يطوي الوطن سيف وسيف يفله

لين إنتهت ياسيدي خير وأعمار..........والمملكه في امنها مسفهله

من اليمن للشام لو كوكب سار............فيها وحيد دور اللي يدله

ومانيب ألوم اللي على داره يغار........... الله يثيبه والوطن غاية له

وفينا عيوب ومن بلا عيوب ماصار......... من فيهم الكامل,,, الكامل الله

وفينا مزايا شعشعت مثل الأنوار........... مشاعل في الليل شهب وأهله

ماتنجحد لاشك,,في الخلق فجار.............مايقبلون الحق دقه وجله

ومجادل الحاقد مثل لعبة قمار............ماهي حرام وبس,, خسر ومذله

ياسيدي ياسيد العرب والأحرار ..........ياشامخ يرمي على السحب ظله

في حلمك امطار وغضباتك اعصار........وماصعب من امرنا علينا تحله

لاقيل عبــــــــــد اللــــــــــــه خضع كل جبار...وكل ظالم صابه ثمانين عله

ياللي ذخرت الشر كله للأشرار........... أشرف حسام اللي كفوفك تسله

وإن قالها الله تاخذ لدارنا الثار............ وتشفي قلووووب عليهم مغله

وإن عجعجت ياسيدي كلها غبار .........تمضي وخشم العان باقي بمحله

[نجوم السماء]

كلام رائع جدا جدا

[مــريـرالشوق]

مشاركة جميلة تشكر ى

[شــوق عاشق]

لاقيل عبــــــــــد اللــــــــــــه خضع كل جبار...وكل ظالم صابه ثمانين عله
لو تغيري كلمة جبار يكون افضل لان جبار من أسماء الله الحسنى وصح السانك ولا هنتى اخوووك شووق عاشق

[العنوووود]

نجوم السما ــــــــ مرير الشوق
شكراَ عالمرور

أخوي شوق عاشق هذي القصيد مو لي ومو من حقي أغير فيها ...والا؟؟؟؟

وبعدين جبار هنا غير المعنى اللي انت فهمته...

وأشكرك على الملاحظه

[سااااري المفعول]

اختيار جميل يعطيك العافية

[ابن العز]

وسوده تهامه طلها فوق الأزهار...........وعلى الشمال امطار وسم تعله

كان العجاج ينّقص الشمس مقدار..........مقدار دارك مانقص يوم والله

مشكوره اختى العنوووود على نقلك لنا هذه القصيده الجميله

وتقبلي خالص تحياتي /
ابن العـــــــــــــــــــــز