تحياتي لكم ،،،
ها انا اعود لكم بقصيدة كتبتها ،،
اتمنى ان تنال على رضاكم ،،
كم مرة اشكـي وماتسمعيـن شكـواي=ماتفرحين لين تشوفيـن الدمعـة بعينـي
إلا تجرحين وتزودين بهمـي وعنـاي=مايهمك فرحي بس يهمك كيف تجرحيني
همك الأول زود همي وانسـى هنـاي=همـك إستعبـاد وبقيـودك تقيديـنـي
قانـون قاسـي بحبـك مسـود سمـاي=تعذبينـي بعذابـك بـس ماتذبحيـنـي
موهب حب لعآنـه ترتاحيـن بشقـاي=ماتبغيـن ابـعـد ولاودك تتركيـنـي
ماتعرفين الحب ليـش صرتـي غـلاي=ماتعرفـي الصـدق ليـش تكذبيـنـي
إن قلت اكرهـك قلتـي طبـع معـاي=وإن قلت احبك قلتي تكـذب ماتهتوينـي
يوم ماتبغين حبـي وش جابـك معـاي=اشوفـك واصـد عنـك وإلا تلحقينـي
كـل ماحاولـت ابعـد تمشيـن وراي=إلا غصـب عنـي غصـب تلحقينـي
غصب اشوف الماء واعيـش بضمـاي=وغصـب احبـك وإنتـي ماتوديـنـي
تحبينـي وتعشقيـن غيـري وسـواي=ماني مجنـون ولانـي بايـع سنينـي
أنا يوم حبيتـك بغيتـك العمـر ويـاي=مابيـك نـزوة اسلـيـك وتسليـنـي
ابيك بصدق المشاعر بهمـي وسلـواي=ابيك قلب بنبض وبروحـك تحركينـي
ابيك نار شـوق ولـع ونـور سمـاي=ابيك لاغبـت احسبـك وتحـس فينـي
ابي إحساس الحب ينبـض مـع هـواي=ابي أضيع بالكـون وبنـورك تدلينـي
ابي لامن قلت احبك قبل ماتنطقها شفاي=اشوف إيدك على فمي وتقول انك تحبيني
ابيك لـي المـاء لازاد بـي ضمـاي=ابي ارويـك بحبـي وبحبـك تروينـي
ابيـك لـي الضحكـة لابـدا شـقـاي=ابيـك بحنانـك ياعيـونـي تدفيـنـي
ابيك لي النبضه ويـن مـاروح معـاي=ابيـك لـي الظـل اتبعـك وتتبعينـي
ابي لاطـرى حـب مايطـري سـواي=وتقلويـن احبـه واقــول تحبيـنـي
ابي عشق يـدوم مـع عمـري الجـاي=ابي الدفا والوفا والصفا يانـور عينـي
مابي تعب وحب صعب وقلـب نسـاي=مابيـك تعذبينـي بعـد ماتشوقيـنـي
مابيك لي النـار وانـا اكـون المـاي=مابيك سراب لـي طويـل وتضمينـي
مابيـك البـرد بعـز فرحـي ودفـاي=مابيـك هـم بعـد فــرح تشقيـنـي
وإن كان كلامي ماعجبك ولاحب معاي=روحــي لااشـوفـك ولاتشوفيـنـي
وش ابـي بقلـب ينبضـبـه ســواي=وش ابي بدم مايجـري فـي شراينـي
تقبلوا تقديري وإحترامي
عبدالعزيز