هذه القصيده اخواني الاعزاء لابن مهذل اليامي
ارجولكم معها وقت ممتع
جيـت أتظلـم سيـدي وأطلبـك لفـت النظـر=
معذور لو جيت أعتذر غيـري تعـذر وأنعـذر=
حقٍ علي أصبر ومن صبّر على شـيء صبـر=
على سفينة حبكم ظميان فـي عـرض البحـر=
يبّـس شفايـاه الظمـا ولا تصبّـر مـا قـدر=
بيـن البدايـه والنهايـه لا إتجـاه ولا مـفـر=
والموت قـام إدارج التابـوت لأبـواب القبـر=
وحارت بعينه دمعته لوجات في صلـد الحجـر=
قطع رجاه مـن الحيـاة وبّركـه حكـم القـدر=
ما هو بـوده يلفـظ أنفاسـه ولا حولـه بشـر=
وإلا عفيفـاتٍ يطـرَّنّ الجيـوب مـن القهـر=
على ظهر سفينتـه يطـوي مسافـات العمـر=
فجأه وهو ساهي خطف عينه سنا بـرق ظهـر=
وحنت مباكير الرعود وهـب نسنـاس المطـر=
وأسقاه ربي من سحابه وأنجلى عنـه الضجـر=
وتذكرك يا ظامر السرجوف يا تـرف النحـر=
أنت السفينة والبحر لا جـاك علمـي والخبـر=
البارحة لك وأمس لـك واليـوم وأيـام العمـر=
يابو جديـل أشقـر مثـل الشعـاع إذا انتشـر=
يابو حجاج دارته تشبـه هـلال أتلـى الشهـر=
والعين نجدية ترعرع فـي محاجرهـا السحـر=
خدٍ كما روض الزهر وإلا قمر خامـس عشـر=
جمر الشفاة اللي تواقـد فـوق وضـاح الثغـر=
ياقوتـة فـي رقدتـك كنـه مـبللها الخـمـر=
والعنق عنق الجازية لا روّحت حـل العصـر=
وتفاحتيـن بابليـة فـي بساتـيـن الـصـدر=
فخذك فخذ بكر تغض الطرف وتحـب الستـر=
وخضاب كفك جنةٍ خضراء على ضفـة نهـر=
هذي وصوفك يا لطيف الروح يالظبـي العفـر=
وأنت الذي طيفك يسامرني على ضـوح القمـر=
وقف ترى عمري بدونك يا بعد عمـري هـدر=
وصاة مجنون قضى نحبه وهـو يهـذي شعـر=
يا سيدي حلمك علي وأنا أعتذر عن مـا بـدر=
يا ونتي ونة كسيـر عظـم ظهـره مـا جبـر=
وأنا حصان طمرته تعجـب عيونـك لا عثـر=
يامـا عليـك أجـر ونّـات العشايـا والفجـر=
هذا وأنا سيـدي جيـت أطلبـك لفـت النظـر=
وسلامتكم
مع اطيب تحيات دامي خاطر