العودة   منتديات الـــود > +:::::[ الأقسام العامة ]:::::+ > المنتدى العام
موضوع مغلق
   
 
أدوات الموضوع تقييم الموضوع انواع عرض الموضوع
قديم 26-09-2009, 01:49 AM   رقم المشاركة : 1
رحيل الأمس
( ود جديد )
 
الصورة الرمزية رحيل الأمس
 







رحيل الأمس غير متصل

Icon8 نص الرساله دووون تحريف


السلام عليكم ورحمة الله وبركاته

والله أنا من زمان ماشاركت لكن بصراحه جتني رساله على الأيميل وردتني من الكلام اللي فيها من جد يغبن واللحين اتركم مع نص الرساله اتمنى التفاعل مع الموضوع

واتمنى ان نتوصل لحل سريع على الاقل يتناقل بين المنتديات حتى يصل للجهات الرسميه...


طبعا الرساله هذي زي ماهو باين بالعنوان احنا يالشباب والحق المهضوم في الرياض بالذات


طبعا انا ماكتب الرساله هذي الا والله من الغبنه الي احنا عايشينها قسم بالله صحيح اني اطلع واتمشى بسيارتي بس احس اني بنت لاني كل مارحت لمكان لقينا الكلمه المعروفه والكل عارفها عوائل ياابو الشباب



نبدا حبه حبه ونسرد كل المشاكل والحلول المتوقعه



اولا:طبعا المشكله الي حاصله الان الاسواق وهي من الاشياء الي تقهر



الاسواق وماادراك مالاسواق لما اجي انا شاب سعودي لي الحريه في بلدي اني اتسوق واخذ الي ابي

وداخل السوق راز خشتي توها نازله المكافاه او الوالد معطيني مبلغ وقال خذه لك


انا تلقاني مبسوط جاي موقف السياره بطريقه فسيولوجيه نظاميه ماعليها اي مخالفه

قفلت السياره وماشي بكل ثقه الى بوابة المول

فجاه تجيك يد توقفك تقولك وين يبو عوائل لو سمحت شوي الي تحس كان واحد صاطرك بكف


تقول طيب بشتري ملابس وبطلع يقولك لا توكل على الله ولا بسوي وبسوي


طبعا في هذه الحاله ترجع بخفي حنين وتتوكل على الله يااما للشعله الي مافيها لبس زي العالم والناس ولا المحلات الي اذا جيت تشتري تقطع محل في الشمال ومحل عند مدري وين وقصه وسالفه


طبعا كل هالمعاناة عشان بنطلون الله لايعيده من بنطلون


طبعا احنا بنقول شي من الحل يااخي والله الشباب كلهم موب واحد ياناس والله ورب البيت فيه شباب يغار على اي حرمه بالشارع اعظم من غيرته على اهله والله ياناس احنا شباب وربي فينا خير


انا ماادري ليه احنا دائما متهمين بالفساد ولما نجي ونشوف البنات الي مطلعين شعورهم وميك اب الي عشان تلمس بشرتها لازم تحفر ولا عبايه مفتوحه ولابسه لي برموداولا سكني وتضحك وباعلى صوتها ولا تنادي صديقاتها بصوت عالي مافيها شي وانا يالشاب المسكين اذا ناظرتها نص نظره سوو معاك تحقيق سنه


ياعاااااااالم خفوا علينا شوي وربي احنا شباب عندنا طاقات اذا انا شاب وشفت هالاغراءات او شاب مكبوت في جهه معينه الا وهي الشارع وش تبي مني اكثر من كذ1 ياناس ارحمونا تكفون وربي اننا نعاني لاوالي يقهرك تجيك اختك تقولك ياحظكم بالعيال تروحون كل مكان طيب مو انتو كل الاماكن لكم 1-ملاهي 2- اسواق 3-حتى البر اذا جلست وجمبك عايله يااما انك تستحي على دمك وتقوم ولا كلن بينقد عليك


انا اتوقع بعد 5 سنوات حتى الشوارع عوائل


ياناس والله اننا شباب وعندنا طاقات ومهاراات هائله فينا خيرر والله العظيم فينا خير بس محد جا وطلعه

والي يقهرك يقولون لك توظف ولما تجي تتوظف في شركه يقولون لازم 3 شهور بدون راتب وبعدين نعطيك الراتب طيب ليه كذ1 اشتغل بلاش وين الحقوق



لاعاد تعال وشف الضحكه الكبيره الاهالي والعوائل اذا شافوا 3 او 4 بالسياره خذلك دعاوي واتهامات يااما يقولون هذولي فاسدين وين اهلهم عنهم ((طيب وين تبونا نروح)))والله ياعالم ان نسبة الشباب الي يشربون شيشه انا متاكد انها زادت عن 70% ليه لان مافي مكان يتقبلنا الا هو


مهاراتنا لاتستغل ابدا وتقولون شبابنا فاسد طيب وين المساعده احنا تونا كالعين ع الدنيا ونبي من يوجهنا وين التوجيه


طبعا الكل عارف ان الدين مبني على الحسن بالظن لا هنا بالسعوديه لو تشوف 5 مجتمعين على طول اساءه بالظن


والله ياعالم ارحمونا تعبنا لا والحين بيجيني واحد يقول اعرس طيب انا بعرس بس من الي بيزوجني يلا انا شاب عمري 20 سنه قلي منهو السعودي الي بيزوج بنته شاب توه حتى راتب ماعنده

ياناس قسم بالله بنموت كل شي مسكر لييه طيب ليه التعميم بالغلط والله اصابع يدينكم موب سوا والي يغلط نزلو فيه اقصى العقوبات



طيب والعقوبه الجديده الي بما معناه طبعا بالعاميه تقول في امك خير رح للشارع ببرمودا ولا شورت

ليه طيب وش فيه البرمودا الشورت ممكن نقول فيه خلاف لكن البرمودا وش فيه

اذا تبونه من ناحيه شرعيه هو مطبق للشرع بالتمام لانه فوق الكعب يعني نص الساق

ليه كذا ؟؟الاجابه مدري




المحلات وسكرت 12 بالليل قلنا اوكي لكن تدور بالشارع على التوقيف ليه؟؟؟؟


بالنسبه لنا كشباب كل شي عوائل وممنوع ومنبوذين


قسم بالله قهر وبالاخير يجيك من يقولك ليه تسافرون برا والله اذا قالوها لي اصيح قهرررررر



طبعا انا اقول للشباب كلهم الي عاجبه كلامي يحط اسمه او توقيعه تحت


لانها ممكن توصل الى مسؤول يتفهم وضعنا ويساعدنا


الشي الثاني مانبي بنات ذابين وجيهم ويكتبون تعليقات سخيفه كالعاده اهم شي العناد شيلوه ولا تكتبون
ونقول جزاكم الله خير اذا ما كتبتم


الله الله ياعيال بالتواقيع والاسامي نبي نبين للعالم حجم الغبنه والقهر ومافي مانع ترسلها للي ارسلها لك عشان تنتشر بسرعه

تكفوووووووون طلبتكم




واعتذر عن ردائت الاسلوب لكن اكتب من الغبنه والقهر


معك معك معك N.m.3

وتقبلو تحياتي






التوقيع :
اضغط على الصورة لفتحها بصفحة مستقلة

قديم 26-09-2009, 02:59 AM   رقم المشاركة : 2
فوق الغيوم
( مشرفة التصاميم والعروض )

اقتباس
الشي الثاني مانبي بنات ذابين وجيهم ويكتبون تعليقات سخيفه كالعاده اهم شي العناد شيلوه ولا تكتبون
ونقول جزاكم الله خير اذا ما كتبتم

اعتبرها سخافه او اي شئ لكن راح ارد عليك

ليش ؟

لخوفي عليكم من اليد الخفيه الي تنتشل الشباب

اللي قلوبهم مليانه سخط على وطنهم

وبعد ماتنتشلهم توجههم لاغراضها الدنيئه

وبالاخر يجد نفسه يحارب دينه ووطنه بدون اي وجه حق

احمدوا ربكم على النعمه اللي انتم فيها

ولاتتركوا لاعداءكم ثغره يدخلوا لوطنكم منها

هذي وجهة نظري اقبلها او لاتقبلها انت حر

تحياتي لك

وياهلا فيك بيننا






موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:53 PM.




 


    مجمموعة ترايدنت العربية