وش يعني

[كنترووول]

وش يعني
لو خانك صديق ؟!
ياالله .. مهي دروس وعبر
وش يعني
لو طحت ف طريق ؟!
ياالله .. مهي الدنيا حفر
يمكن تشاغبت برحيق
أو ميّل عقالك عطر
من يفتن لسلمى الطريق؟!
وهي اللي تفتن هالبشر
يمكن تعثرت بسما
أو بلل ثيابك مطر
أو قول من قِل النظر
ياالله .. مهي الخطوة جواد
(فارس و ياكثر الجياد)
شاعر
و ياكثر الرماد
ضايع
ولا لك من رفيق
مايل
ولا تقبل حياد
قبلك سفر ..بعدك بلاد
وش يعني
تتوسخ يدك
لو بالخطا.. تضغط بصبعك هالزناد؟!
وثيابك البيضا غصب
تتحوّل ف لحظة.. سواد
وانت البسيط ..ف دنيتك
ف وسط زحمة هالضياع
وش يعني
لو تلبس قناع؟!
لاوجهك الأول ولا هو بالأخير
ياما لبسوا قبلك كثير
**
ف وسط زحمة هالضياع
كل شي يباع
و اولهم العبد الفقير
وآخرهم اللي .. اسمه الضمير
يعني انت قاصر هالضمير؟!
وش يعني تتوصخ يدك
باكر .. بينعّمها الحرير!!
ياالله استخير
**
أنسى الصبر
وانسف معاناة الفقر
وإلا أنت فاكر من تكون؟!
فوقك
ورى الدمعة ..ديون
ودرب يودي للجنون
طالع
ترى حولك عيون
وأنت البسيط ف دنيتك
تتريق بكسرة كلام
وتتعشى بطحين الظنون
وإلا أنت فاكر من تكون؟!
وش يعني لو مرة تخون ؟!
وش يعني تتوسخ يدك ؟!
باكر .. بتسحر هالعيون !
**
وش يعني لو قلبك وقف ؟!
يمكن من الحب ارتجف
وإلا من الخوف اعترف
وإلا في لحظة من الحنين
سرب عذاباته ونزف
ما هو ترف.
لو هالحزن مرمر ضفافه
واختلف.
يبقى القهر
متغلغل ف بالك.



بدر الدوسري

[روح الشرق]

وش يعني لو هنا مريت
وسجلت اعجابي باجمل ما قرأت
من كلمات كلها معاني
تضيئ ظلمة زماني
اصفق بحراره
لاجمل كلمات
دمت بخير

[AL-SHEHRI]

يعطيك العافيه على الكلمات الجميله
والله قمه في الروعه ..................
تقبل مروري........ واحترامي ......... وتقديري...........
وردي المتواضع.......... الذي لا يصف جمال
موضوعك.......

[كنترووول]

اقتباس المشاركة الأصلية كتبت بواسطة روح الشرق وش يعني لو هنا مريت وسجلت اعجابي باجمل ما قرأت من كلمات كلها معاني تضيئ ظلمة زماني اصفق بحراره لاجمل كلمات دمت بخير

[كنترووول]

اقتباس المشاركة الأصلية كتبت بواسطة AL-SHEHRI يعطيك العافيه على الكلمات الجميله والله قمه في الروعه .................. تقبل مروري........ واحترامي ......... وتقديري........... وردي المتواضع.......... الذي لا يصف جمال موضوعك.......