السلام عليكم و رحمة الله
هذه القصة منقولة للطرفة و هي على ما يبدو غير حقيقية
لكن لا بأس بالتسلية
كان يا ما كان في قديم الزمان ………كان فيه أمراة عجوز اسمها رومنسية قاعدة لحالها
وفجأة طلعلها ابليس ……… رومنسية خافت وسمت بالرحمن
…قالها ابليس :أنتي يا عجوز هل تعتبرين نفسك داهيه؟؟؟؟
رومنسية: نعم أنا داهيه ……….. والنساء عموما كيدهم عظيم
أبليس: أنا أتحداك……..وبنشوف مين كيده أعظم …..المرأة ولا أبليس
رومنسية :خلاص أنا بسوي مشكله وأنت راح تحلها واذا ما قدرت أنا راح أحلها
وراح أفوز برهان.
O.k.: أبليس
راحت رومنسية لواحد من هالبطاليه اللي ما عندهم شغل وما اكثرهم
وقالت أنا بشغلك عندي فترة معينه بس……. اذا بدك فلوس لا تتدخل ولا
تتكلم وافق الشاب لأنه طفش من البطاله و بدو فلوس
راحت رومنسيةومعاها الشاب لمحل قماش وقالت له أنتظرني عند باب المحل
…دخلت المحل واخذت قماش غالي وراحت تفاصل تاجر القماش
رومنسية: رخص يا بن الحلال …
التاجر :اذا أنتي ما عندك فلوس خذي شيء أرخص
رومنسية: ما أقدر ….لازم ولا يصير شي ء ما صار
التاجر :ليش ؟؟ …..لهالدرجه …..شو القصة؟؟
رومنسية:شفت الشاب اللي واقف عند باب المحل ...هذا ولدي
...يحب وحده متزوجه وهي تحبه ولما تتطلق من زوجها …ولدي رح يتزوجها
وهو قالي أن عارضتي الزواج رح أطردك من البيت وأمرني أني أشتري قماش
غالي عشان يعطيها لحبيبته ولا راح يطردني من البيت مع أن البيت بالأساس
بيتي ولكني غلطت وكتبته بأسمه
'رومنسية تبكي '
التاجر: خلاص هونيها وتهون والله كسرتي خاطري ….خلاص أنا رح أعطيك القماش
ببلاش….وعسى الله يأجرني
رومنسية طلعت مبسوطه وحكت للشب روح البيت
بعدها راحت رومنسية لبيت زوجة تاجر القماش ودقت الباب وطلعت الزوجة
رومنسية:آه بابنيتي أنا تعبت بالطريق و ما أقدر أكمل ممكن أقعد عندك أرتاح
خمس دقايق ..
رحبت الزوجة ودخلتها وأكرمتها وجابتلها شاي
رومنسية:شكرا ان شاءالله أردها لك (تعمدت تنسى القماش ) وطلعت.
الزوجة:حرام نست قطعة القماش …أكيد رح ترجع بعد شوي وتاخذها
و حطتها بالخزانة..
تاجر القماش رجع لبيته وتغدى غدا صح وراح كوع (نام).
قام العصر وفتح الخزانة عشان يغير مالبسه……مفاجأة قطعة القماش
وعرف أن المرأة اللي بدو اياها ابن رومنسية هي زوجته يعني تخونه
قام عليها وضربها وطردها بالشارع بالأواعي اللي عليها.
رومنسية كانت تنتظر هاللحظه في أخر الشارع فراحت لها تركض
رومنسية: مالك يا بنتي ليش تبكي؟؟؟
الزوجه : زوجي طردني …وما عطاني فرصه أتكلم .
رومنسية: خلاص أنابوديكي على بيتي وأنا بروح أحل المشكله
راحت رومنسية لبيتها ودخلت الزوجه في غرفة بينما الشاب كان في
غرفه ثانيه وأمرته أنه ما يطلع منها
راحت رومنسية للشرطه تبكي وتقول :كنت قاعدة في بيتي وفجأة دخل
رجل ومعه مرأة وقعدوا ببيتي حاولت أطلعهم ما قدرت
(أحتلوا بيتي )
ذهبت الشرطه وقبضت على الشاب والزوجه ….وحطوهم بالسجن.
رومنسية: ها ها شو رايك يا أبليس ؟؟ دورك هلأ حل المشكله
أبليس : لا لا ما أقدر أحلها القصة صعبت كتير
رومنسية: أنا راح أحلها وكأن شيء لم يكن . وراح أربح الرهان
راحت رومنسية تزور الزوجه بالسجن وقالت لها :أنتي ساعدتيني مرة
وأناهلأرح أساعدك …..يلا ألبسي عباتي وغطي حالك وأطلعي من السجن كأنك أنا وأنابأقعد مكانك.
الزوجة:شكرا….بس أنتي ؟؟؟
رومنسية: مالك دخل مثل ما طلعتك بطلع نفسي.
تمت عملية الهروب بنجاح….
الوالي أمر الحراس ان يحضرون المسجونين عشان يحكم عليهم
حضرت العجوز والشاب وقال لهم الوالي :ليش قابضين عليكم شو مسوين؟؟
ردت رومنسية:احنا ما سوينا شيء كنا قاعدين ببيتنا أنا وولدي ولا الشرطه
طابه علينا وماخذينا السجن .
عصب الوالي وهزأ الشرطه وما عطاهم فرصه يحكو ويقول:غلطانين
وبدكم تحكو.والله عينكم قوية
طلعت رومنسية من الوالي فرحانه واعطت الشاب فلوس وأنهت خدمته عندها.
راحت رومنسية لتاجر القماش وقالت له أنها تعبت بالطريق وأن زوجته أصيله وأكرمتهاوهي من
من كثر التعب نست القماش عندها وأن زوجته بريئه
وقالت خذ قماشتك لأن ولدي سافر هو و زوجته الجديدة.
رجع التاجر زوجته وتأسف منها و راضاها كمان.
رومنسية : شو رايك يا أبليس أنا حليت قصة سهله
ابليس : لا اله الا الله
تحياتي
لكمـ
رومنسية التي تحدات ابليس
العرض العادي
