( لا ) = تــخــافــيــن الــرحــيــل
لاتخافين الرحيل ولا تظنيني بروح=كيف اروح وقلبي ماهو طايق ٍ بـُـعـْـدِك دقيقه
كلمتي لا قلت ابا ارحل فحسبي الكلمه مزوح=(مير حبي لو دريتي هو اصل كل الحقيقه)
صدِّ قي ماقلت قولي قاصد ٍ فيه الجروح=مير خوفك ياهوايه جاب لي فالقلب ضيقه
هو صحيح إنــّــا اختلفنا وانتي لك قلب ٍ سموح=يامسامح خــِــلك انته من تبل اليوم ريقه
كانني جسم ٍ تراكي انتي للمعشوق روح=كيف عاش إن كان يرحل كود ضيّع في طريقه
ما اروح وكيف ابا ارحل وانتي لي كل الطموح=انتي لي ضو القـِـمـَـرْ وانتي ترى الماس وبريقه
اهـ ياقلب ٍ يحب ولو سمعتي له ينوح=كان قلتي مايروح ودامني الحب وعشيقه
انتي لك جوف المحاني قصر من حوله صروح=كاتب ٍ بالورد احبك غرس في وسط الحديقه
اقطفي وردة غلاكي لاتظنيني شحوح=اقطفي ورد المحبه واكتبي فيه الوثيقه
اكتبي كلمة احبك زوّدي فيها الشروح=لاتخلين الهوى له شي ياعمري يعيقه
وضّحي كل المعاني دام فالحب الوضوح=واضح ٍ فالعين احسّه فالنـِـفـَـسْ لا جا شهيقه
لايهمك ياغرامي كلمة العاشق يروح=مايروح ولا اظنه يقدر إل-بـُعدك دقيقه
العرض الشجري
