السلام عليكم ورحمة الله وبركاته
مســـاء صبـــاحـ
الورد والفل والياسمين لجميع اعضاء هذا المنتدى الغالي
بعد المحبه , علامك مانت طايقنـي ؟
وانا على خبرك أشواقي هي أشواقي
اسلوبـك اليـوم يقتلنـي ويحرقنـي
سؤال ؟ ابسألك وين اسلوبك الراقي !
حتى كلامـك معـي بالحيـل مقلقنـي
والشك في داخلـي ماعـاد ينطاقـي
ان كان قصدك تقول: إرحل وفارقني !
بأرحل ولكن مصيـر الحـي متلاقـي
وان كان قصدك تغلا وانت عاشقني ؟
ابشـرك ماتغيـر شــي بعمـاقـي
وان كنت تمزح ؟ أمانه معك روقنـي
تراي مكسور خاطر وانكسـر ساقـي
بس بصراحه , من الآخر وصدقنـي
صدمتني واستراحت . هقوة الهاقـي
ياليتك تحـس بإحسـاس ٍ مضايقنـي
وياليت تقرى كلام ٍ داخـل احداقـي
حلمك من اول ! في هالدنيـا تحققنـي
واليوم في بحر غدرك ناوي اغراقي !
والحظ الاقشر يوم إنه فيـك علقنـي
خلاني دايم علـى شوفتـك مشتاقـي
علمتني كيف ( أحبـك ) لاتوهقنـي
علمني ( أنسى ) ولا تستكثر الباقـي
كنت احسب إنك اذا جيتـك تعانقنـي
أثاريك لا طايق ٍ شوفـي ولا إعناقـي
وســـــــــلامتكمـ
مع خالص حبي وتقديري
اصدق احساس
العرض العادي
